完整藏文原文 · 德格版页 当前仅加载第 76 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་ནི་ཉི་མའོ། །རུས་ནི་སྲེད་ད་ལྡན་ནོ། །རྒྱུ་སྐར་ནག་པ་ནི་སྐར་མ་གཅིག་སྟེ། དབྱིབས་ནི་པད་མའི་སྙིང་པོ་ལྟ་བུའོ། །ཡུད་ཙམ་སུམ་ཅུའི་ཆ་དང་ལྡན་པའོ། །ཁ་ཟས་ནི་ཤིང་ཏོག་སྣ་ཚོགས་ཟའོ། །ལྷ་ནི་ཉི་མའོ། །རུས་ནི་ནག་པ་ཡ་ནའོ། །རྒྱུ་
D358.076.0251a01.01སྐར་ས་རི་ནི་སྐར་མ་གཅིག་སྟེ། དབྱིབས་ནི་ཐིག་ལེ་ལྟ་བུའོ། །ཡུད་ཙམ་བཅོ་ལྔའི་ཆ་དང་ལྡན་པའོ། །ཁ་ཟས་ནི་མོན་སྲན་སྡེའུ་དང་། འབྲས་དང་། མར་རོ། །ལྷ་ནི་རླུང་ལྷའོ། །རུས་ནི་ཡིད་ཅན་གྱི་རྒྱུད་དོ། །རྒྱུ་སྐར་ས་ག་ནི་སྐར་མ་བཞི་སྟེ། དབྱིབས་ནི་རྭའི་རྟེན་
D358.076.0251a02.01མགོ་ལྟ་བུའོ། །ཡུད་ཙམ་ནི་བཞི་བཅུ་རྩ་ལྔའི་ཆ་དང་ལྡན་པའོ། །ཁ་ཟས་ནི་མེ་ཏོག་གོ། །ལྷ་ནི་དབང་པོ་དང་མེ་ལྷའོ། །རུས་ནི་བསྡུས་པ་ཡ་ནའོ། །ཀྱེ་པད་མའི་སྙིང་པོ་རྒྱུ་སྐར་བདུན་པོ་འདི་དག་ནི་ལྷོ་ཕྱོགས་ཀྱི་སྒོར་གཏོགས་པའོ། །རྒྱུ་སྐར་ལྷ་མཚམས་ནི་སྐར་མ་བཞི་
D358.076.0251a03.01སྟེ། དབྱིབས་ནི་གླང་པོ་ཆེའི་མགོ་དང་སྣ་ལྟ་བུའོ། །ཡུད་ཙམ་སུམ་ཅུའི་ཆ་དང་ལྡན་པའོ། །ཟས་ནི་ཤ་དང་ཆང་ངོ་། །ལྷ་ནི་ཕུར་བུའོ། །རུས་ནི་དམིགས་པ་ཡ་ནའོ། །རྒྱུ་སྐར་སྣྲོན་ནི་སྐར་མ་གསུམ་སྟེ། དབྱིབས་ནི་ཐེམ་སྐས་ལྟ་བུའོ། །ཡུད་ཙམ་བཅོ་ལྔའི་ཆ་དང་
D358.076.0251a04.01ལྡན་པའོ། །ཁ་ཟས་ནི་འབྲས་དང་ནས་དང་གྲོའོ། །ལྷ་ནི་དབང་པོའོ། །རུས་ནི་རིང་པོའི་རྒྱུད་དོ། །རྒྱུ་སྐར་སྣྲུམས་ནི་སྐར་མ་དགུ་སྟེ། དབྱིབས་ནི་སྡིག་པ་ལྟ་བུའོ། །ཡུད་ཙམ་སུམ་ཅུའི་ཆ་དང་ལྡན་པའོ། །ཟས་ནི་རྩ་བ་དང་འབྲས་བུའོ། །ལྷ་ནི་དམངས་རིགས་སྡོམ་པ་
D358.076.0251a05.01ཅན་ནོ། །རུས་ནི་ཀཱ་ཏྱཱ་ཡ་ནའི་རྒྱུད་དོ། །རྒྱུ་སྐར་ཆུ་སྟོད་ནི་སྐར་མ་བཞི་སྟེ། དབྱིབས་ནི་བ་ལང་གི་མཇུག་མ་བསྒྲེང་བ་ལྟ་བུའོ། །ཡུད་ཙམ་སུམ་ཅུའི་ཆ་དང་ལྡན་པའོ། །ཁ་ཟས་ནི་ནྱ་གྲོ་དྷའི་ཐང་ཆུའོ། །ལྷ་ནི་ཆུ་ལྷའོ། །རུས་ནི་དུར་བའི་རྒྱུད་དོ། །རྒྱུ་སྐར་ཆུ་སྨད་ནི་སྐར་
D358.076.0251a06.01མ་བཞི་སྟེ། དབྱིབས་ནི་གླང་པོ་ཆེ་མཆོང་བ་ལྟ་བུའོ། །ཡུད་ཙམ་བཞི་བཅུ་རྩ་ལྔའི་ཆ་དང་ལྡན་པའོ། །ཁ་ཟས་ནི་སྦྲང་རྩི་དང་ཡོས་སོ། །ལྷ་ནི་རྒྱས་པའོ། །རུས་ནི་མཽད་གལ་ཡ་ནའོ། །རྒྱུ་སྐར་བྱི་བཞིན་ནི་སྐར་མ་གསུམ་སྟེ། དབྱིབས་ནི་བ་ལང་གི་མགོ་ལྟ་བུའོ། །
D358.076.0251a07.01