完整藏文原文 · 德格版页 当前仅加载第 76 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱོག་མི་བྱ་ཞིང་ཁྱིམ་མི་དབུབ་སྟེ། བྱས་ན་འགྲུབ་པར་མི་འགྱུར་རོ། །ཕྱུགས་ཀྱི་གནས་དང་། དེ་བཞིན་དུ་གྲོང་དཔོན་བསྐོ་བ་དང་། ཚོང་དཔོན་བསྐོ་བ་དང་། རྒྱལ་པོའི་དགོས་པ་རྣམས་དེ་ལ་བྱ་བར་བཟང་ངོ་། །ཉི་མ་དེ་ལ་སྐྱེས་པ་འཁོར་མང་བའི་ངང་ཚུལ་
D358.076.0263b01.01ཅན་དང་། བྱས་པ་གཟོ་བར་འགྱུར་བ་དང་། གྲོགས་པོ་དང་གཅུགས་ཤིང་བསོད་ནམས་དམན་ཞིང་མཁས་པར་འགྱུར་རོ། །ཚ་བས་བཏབ་པ་མི་སོས་ཤིང་བརྟན་པར་བསྟན་ཏོ། །ཉི་མ་དེ་ལ་ཆར་བབ་པ་ལེགས་པར་འབབ་པར་བསྟན་ཏེ། ཆུ་སྨད་ཀྱི་བྱ་བའོ། །
D358.076.0263b02.01བྱི་བཞིན་ལ་ཚངས་པའི་ལྷའི་མཆོད་པ་མི་བྱ་ཞིང་། གྲོ་བཞིན་ལ་ནི་གཡུལ་སྤྲད་པར་བྱའི། རོལ་མོ་བསླབ་པ་དང་། བཀླགས་པ་རྣམས་མྱུར་བར་འགྲུབ་བོ། རྣ་ཆ་གདགས་པ་དང་། རྒྱལ་པོར་དབང་བསྐུར་བ་དང་། བྲམ་ཟེའི་ལས་ཐམས་ཅད་དེ་ལ་བྱ་ཞིང་གཏོར་
D358.076.0263b03.01མ་གཏོང་བ་དང་། དཔུང་ལ་བལྟ་བར་བཟང་ངོ་། །དེ་ལ་སྐྱེས་པ་ནི་ནད་མེད་པ་དང་། སྟོབས་དང་ལྡན་པ་དང་། མཆོག་སྦྱིན་གྱི་ངང་ཚུལ་ཅན་དུ་འགྱུར་རོ། །ཉི་མ་དེ་ལ་ཆར་བབ་པ་ནི་ལེགས་པར་འབབ་པར་འགྱུར་རོ། །དེ་ལ་གྲོ་བཞིན་དང་ཟླ་བར་འཛོམ་ན་སྟོར་
D358.076.0263b04.01བ་ཕྱིར་རྙེད་པར་འགྱུར་ཏེ། གྲོ་བཞིན་གྱི་བྱ་བའོ། །མོན་གྲེ་ནི་མྱུར་བའི་རྒྱུ་སྐར་ཏེ། མཆོད་པའི་ལས་ཐམས་ཅད་དང་། བྲམ་ཟེའི་རིག་བྱེད་བཀླག་པ་དང་། ཁྲུས་བྱ་བ་དང་། རྒྱལ་པོར་དབང་བསྐུར་བ་དང་། བྲམ་ཟེའི་ལས་བྱ་བ་དང་། ཚོང་དཔོན་བསྐོ་བ་དང་། གྲོང་
D358.076.0263b05.01ཁྱེར་གྱི་ཚོགས་ཀྱི་དཔོན་པོ་བསྐོ་བ་ལ་བཟང་ངོ་། །དེ་ལ་སྐྱེས་པ་ནི་ཡིད་གཞུངས་ཤིང་གྲགས་པ་དང་ལྡན་པ་ལོངས་སྤྱོད་ཆེ་ལ་ནོར་མང་བ་དང་། བུ་མང་ཞིང་དུལ་བའི་བདག་ཉིད་ཅན་དུ་འགྱུར་རོ། །སྟོར་བ་དང་། ཚིག་པ་དང་། བསྡམས་པ་དང་། བཅིངས་པ་
D358.076.0263b06.01རྣམས་དགའ་བས་ཕྱིར་འཐོབ་བོ། ཉི་མ་དེ་ལ་ཆར་བབ་པ་ནི་ཞག་བཞིའི་བར་དུ་འབབ་སྟེ། མོན་གྲེའི་བྱ་བའོ། །མོན་གྲུ་ལ་ནི་རྟག་ཏུ་སྨན་སྦྱར་བ་དང་། གྲགས་པའི་ལས་དང་། སྲིད་སྲུང་གི་ལས་རྣམས་བྱས་ན་འགྲུབ་ཅིང་ཟོང་བཙོང་བ་དང་། ཆང་བཙོང་
D358.076.0263b07.01