完整藏文原文 · 德格版页 当前仅加载第 76 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་གཟའ་རྣམས་བཤད་པར་བྱ་ཡིས་ཉོན་ཅིག །འདི་ལྟ་སྟེ། པ་བ་སངས་དང་། གཟའ་ལག་པ་དང་། སྤེན་པ་དང་། ཕུར་བུ་དང་། མིག་དམར་དང་། སྒྲ་གཅན་དང་། མཇུག་{རིངས་,རིང་}དང་། ཉི་མ་དང་། ཟླ་བ་ཞེས་བྱ་བ་ཡིན་ནོ། །འདི་དག་དང་། རྒྱུ་སྐར་
D358.076.0252b01.01འཇིག་རྟེན་དུ་འཛོམ་པ་བཤད་ཅིང་ཇི་ལྟར་ཉིན་མཚན་རིང་བ་ཡང་བཤད་པར་བྱ་སྟེ། དེ་ལ་དགུན་གྱི་ཟླ་བ་གཉིས་པའི་ཚེས་བརྒྱད་ལ། རྒྱུ་སྐར་སྣར་མ་ཉིན་པར་ལ་ཡུད་ཙམ་བཅུ་གཉིས་སུ་འགྱུར་རོ། །མཚན་མོ་ལ་ནི་ཡུད་ཙམ་{བཅྭ་,བཅོ་}བརྒྱད་དོ། །སོས་ཀའི་ཟླ་བ་ཐ་མའི་
D358.076.0252b02.01ཚེས་བརྒྱད་ལ་རྒྱུ་སྐར་ནི་སྣར་མའོ། །ཉིན་མོ་ལ་ནི་ཡུད་ཙམ་{བཅྭ་,བཅོ་}བརྒྱད་དུ་འགྱུར་རོ། །མཚན་མོ་ལ་ནི་ཡུད་ཙམ་བཅུ་གཉིས་སོ། །དབྱར་གྱི་ཟླ་བ་ཐ་མའི་ཚེས་བརྒྱད་ལ་རྒྱུ་སྐར་ནི་སྣར་མའོ། །ཉིན་མོ་ལ་ཡུད་ཙམ་བཅུ་བཞིའོ། །མཚན་མོ་ལ་ནི་ཡུད་ཙམ་བཅུ་དྲུག་གོ། །
D358.076.0252b03.01ཀྱེ་ཏྲེ་ཤང་ཀུ་ཉིན་པར་རྣམས་ཉིན་པར་དང་། ཕྱི་དེ་ཉིན་པར་རྗེས་སུ་འགྲོ་བ་ཡིན་ནམ། ཅི་ཡར་ངོ་དང་མར་ངོ་རྗེས་སུ་འགྲོ་བ་ཡིན་ནམ། ཅི་ལོ་རྣམས་དགུན་ཟླ་ཐ་{ཆུངས་ཀྱིས་,ཆུང་གིས་}འཕེལ་བ་ཡིན་ནམ། ཅི་དུས་རྣམས་དབྱར་ཟླ་ར་བས་འཕེལ་བ་ཡིན་ནམ། ཀྱེ་ཏྲེ་ཤང་ཀུ་སྐད་ཅིག་
D358.076.0252b04.01མ་རྣམས་ཀྱི་ཚང་གྲུབ་པ་ཇི་ལྟ་བུ། ཡུད་ཙམ་རྣམས་ཀྱི་ནི་ཇི་ལྟ་བུ་ཡིན། ཀྱེ་པད་མའི་སྙིང་པོ་བུད་མེད་རས་བལ་འཁལ་བ་འདའ་བ་ཤིན་དུ་རིང་བ་དང་ཐུང་བར་འདྲེན་པ་མ་ཡིན་པ་དེ་ལྟ་བུ་ནི་དེ་ཉིད་དེའི་སྐད་ཅིག་མ་དེའི་ཚད་དོ། །དེའི་སྐད་ཅིག་མ་ཉི་ཤུ་རྩ་དྲུག་ལ་ནི་སྐད་ཅིག་
D358.076.0252b05.01གཅིག །སྐད་ཅིག་དྲུག་ལ་ནི་ཐང་ཅིག་གཅིག་གོ། །ཐང་ཅིག་གསུམ་ལ་ནི་ཡུད་ཙམ་གཅིག་གོ། །དེ་ལྟ་བུའི་རིམ་པས་རྗེས་སུ་འབྲེལ་པའི་ཡུད་ཙམ་སུམ་ཅུ་ལ་ནི་ཉིན་ཞག་ཏུ་ཤེས་པར་བྱའོ། །ཡུད་ཙམ་དེ་དག་ལ་འདི་ལྟ་བུའི་མིང་དུ་འགྱུར་ཏེ། ཉི་མ་ཤར་བ་ན་
D358.076.0252b06.01སྐྱེས་བུ་དྲུག་ཅུ་རྩ་དགུའི་གྲིབ་མ་འཇམ་པ་ནི་མཐོན་པོ་བཞི་པ་ཞེས་བྱ་བའི་ཡུད་ཙམ་དུ་འགྱུར་རོ། །སྐྱེས་བུ་དྲུག་ཅུས་གཞལ་བའི་གྲིབ་མ་ནི་དཀར་པོ་ཞེས་བྱ་བའི་ཡུད་ཙམ་དུ་འགྱུར་རོ། །སྐྱེས་བུ་བཅུ་གཉིས་ཀྱིས་གཞལ་བའི་གྲིབ་མའི་ཡུན་ལ་ཡང་དག་པར་འཕེལ་བ་
D358.076.0252b07.01