完整藏文原文 · 德格版页 当前仅加载第 76 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཉིད་དང་། གཞན་ཡང་ཉེ་དུ་དང་། ཕ་དང་མ་དང་། སྤུན་ཟླ་དང་། སྲིང་མོ་དང་། དེ་བཞིན་དུ་བུ་དང་། བུ་མོ་དང་། ཆུང་མ་རྣམས་སྔགས་བཟླས་ནས་བསད་པར་མི་སྟོན། མཛའ་བོ་དང་། གཉེན་དང་། བདག་ཉིད་ཀྱང་ཡུལ་ན་གནས་པ་སྔགས་དེ་བཟླས་ནས་ཡང་
D358.076.0240b01.01མཐོ་རིས་སུ་འགྲོ་བ་དྲུག་པོ་རྣམས་ཅིའི་ཕྱིར་མི་གཏོང་། ཐམས་ཅད་ཆོམ་པས་དུས་གཅིག་ཏུ་དག་ཅིང་བདེ་འགྲོ་མཆོག་ཏུ་འགྲོ་བར་འགྱུར་ན། ཅིའི་ཕྱིར་ཕྱུགས་རྣམས་ཀྱིས་མཆོད་སྦྱིན་བྱེད་ཀྱི་བདག་ཉིད་ཀྱིས་ཅིའི་ཕྱིར་མི་བྱེད། བདེ་འགྲོ་མཐོ་རིས་སུ་ར་ལུག་འགྲོ་བར་བསྟན་
D358.076.0240b02.01པར་མི་བྱ་སྟེ། མཐོ་རིས་ཀྱི་ལམ་དེ་དག་པ་མ་ཡིན་ཏེ། {བརྫུན་,རྫུན་}བསྟན་པ་ཡིན་ནོ། །བྲམ་ཟེ་རྣམས་སྡང་བའི་སེམས་ཀྱིས་ཤ་བཟའ་བར་འདོད་པས་རྣམ་གྲངས་དུ་མས་ཐབས་བསམས་ཏེ། ཕྱུགས་རྣམས་གསད་པའི་ཆོ་ག་བསྟན་པ་ཡིན་ནོ། །གཞན་ཡང་བདག་གིས་
D358.076.0240b03.01བྲམ་ཟེ་རྣམས་ཀྱི་ཆོ་ག་གང་ཡིན་པ་བརྗོད་པར་བྱ་སྟེ། རིག་བྱེད་བཞི་ལས་སྡིག་པ་བྱ་བར་བསྟན་ཏེ། གསེར་རྐུ་བ་དང་ཆང་འཐུང་དང་། །བླ་མའི་ཆུང་མ་སྤྱོད་པ་དང་། །སྡོམ་པའི་ཚོགས་ནི་འཇིག་པ་སྟེ། །སྡིག་པ་བཞི་རུ་བྲམ་ཟེ་འདོད། །གསེར་རྐུ་བ་ནི་སྤང་བར་བྱ། །དེ་
D358.076.0240b04.01བཞིན་ལས་གཞན་སྡིག་ཡོད་མིན། །བྲམ་ཟེ་གང་གིས་གསེར་བརྐུས་ན། །དེ་དག་བྲམ་ཟེ་མིན་པར་འདོད། །ཆང་ནི་བཏུང་བར་མི་བྱ་སྟེ། །གཞན་ནི་བཏུང་བར་བྱ་བར་འདོད། །བྲམ་ཟེ་གང་ཞིག་ཆང་འཐུང་བ། །དེ་དག་བྲམ་ཟེར་མི་འགྱུར་རོ། །བླ་མའི་ཆུང་མ་སྤྱད་མི་བྱ། །
D358.076.0240b05.01གཞན་གྱི་ཆུང་མ་བགྲོད་པར་བྱ། །བླ་མའི་ཆུང་མ་ལ་འགྲོ་བ། །དེ་དག་བྲམ་ཟེར་མི་འགྱུར་རོ། །བྲམ་ཟེ་གཅིག་ཀྱང་གསད་མི་བྱ། །བྲམ་ཟེ་མིན་པ་དུ་མ་བསད། །གང་ཞིག་བྲམ་ཟེ་གསོད་བྱེད་པ། །དེ་དག་བྲམ་ཟེར་མི་འགྱུར་རོ། །བཞི་པོ་དེ་དག་གང་ཡིན་པ། །
D358.076.0240b06.01བྲམ་ཟེ་རྣམས་ལ་སྡིག་པར་འགྱུར། །དེ་དག་ལས་གཞན་སྡིག་མེད་འདོད། །བཞི་པོ་དེ་ལས་གཅིག་བྱས་ན། །དེ་ནི་བྲམ་ཟེ་ཡིན་མི་འགྱུར། །བྲམ་ཟེ་རྣམས་ནི་ཚོགས་པ་རུ། །ཆུད་མིན་ཕྱག་ཀྱང་མི་བྱའོ། །སྟན་དང་ཆུ་རྣམས་མི་བསྟབ་ཅིང་། །བསུ་བར་ཡང་ནི་མི་
D358.076.0240b07.01