stag rna'i rtogs pa brjod pa/
当前为德格木刻版 254a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 254a
- 可引用原文
- 7 行
- 全文规模
- 全经 635 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 76 函 · 德格 254a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཡུད་ཙམ་གཅིག་གི་ཚད་ཅི་ཙམ་ཞེ་ན། ཆུ་སྲང་བརྒྱ་བུམ་པར་བླུགས་ནས་འཛགས་པའི་ཚད་དོ། །ཆུ་ཚོད་ཀྱི་བུམ་པའི་ཚད་ཅི་ཙམ་ཞེ་ན། འོལ་མ་སེ་གཅིག་གིས་གསེར་སོར་བཞིར་བསྙད་དེ། ཕྱོགས་བཞི་ནས་མཉམ་པར་ཟླུམས་པའི་ཚད་ཀྱི་བུམ་པའི་ཞབས་སུ་བརྟོལ་ནས། ཆུ་ཟད་པ་དེ་ནི་ཆུ་ཚོད་གཅིག་གི་ཚད་དོ། །ཆུ་ཚོད་གཉིས་ནི་ཡུད་ཙམ་གཅིག་གོ། །བྲམ་ཟེ་དེ་ལྟ་བུའི་ཡུད་ཙམ་སུམ་ཅུ་ལ་ནི་ཉིན་ཞག་གཅིག་ཏུ་འདོད་དོ། །མིག་འབྱེད་འཛུམས་བཅུ་དྲུག་ནི་མཆོག་དཀའོ། །མཆོག་དཀའ་བཅུ་དྲུག་ལ་ནི་དུས་ཚོད་
གཅིག་གོ། །དུས་ཚོད་དྲུག་ཅུ་ལ་ནི་ཡུད་ཙམ་གཅིག་གོ། །ཡུད་ཙམ་སུམ་ཅུ་ལ་ནི་ཉིན་ཞག་གཅིག་གོ། །ཉིན་ཞག་སུམ་ཅུ་ལ་ཟླ་བ་གཅིག་གོ། །ཟླ་བ་བཅུ་གཉིས་ལ་ནི་ལོ་གཅིག་གོ། །འདིར་མིག་ཕྱེ་བ་དང་བཙུམས་པ་བྱེ་བ་ཕྲག་བཅུ་དྲུག་པ་འབུམ་ཕྲག་ལྔ་བཅུ་རྩ་བརྒྱད་དང་། སྟོང་ཕྲག་བརྒྱད་ཅུ་ལ་ནི་ལོ་སྟེ། ཡང་དེ་ལྟ་བུ་དེ་ནི་རེ་ཞིག་བྲམ་ཟེ་དུས་འབྱུང་བ་བཤད་པ་ཡིན་ནོ། །བྲམ་ཟེ་རྒྱང་གྲགས་དང་དཔག་ཚད་བསྐྱེད་པ་ཉོན་ཅིག །རྡུལ་ཕྲ་རབ་བདུན་ལ་ནི་རྡུལ་ཕྲན་གཅིག་གོ། །རྡུལ་ཕྲན་བདུན་ལ་ནི་མཐོང་བ་ཐམས་ཅད་
ལས་ཕྲ་བའི་ཉི་ཟེར་གྱི་རྡུལ་གཅིག་གོ། །ཉི་ཟེར་གྱི་རྡུལ་བདུན་ལ་ནི་རི་བོང་གི་རྡུལ་གཅིག་གོ། །རི་བོང་གི་རྡུལ་བདུན་ལ་ནི་ལུག་རྡུལ་གཅིག་གོ། །ལུག་རྡུལ་བདུན་ལ་ནི་གླང་རྡུལ་གཅིག་གོ། །གླང་རྡུལ་བདུན་ལ་ནི་སྲོ་མ་གཅིག་གོ། །སྲོ་མ་བདུན་ལ་ནི་ཤིག་གཅིག་གོ། །ཤིག་བདུན་ལ་ནི་ནས་གཅིག་གོ། །ནས་བདུན་ལ་ནི་སོར་གཅིག་གོ། །སོར་བཅུ་གཉིས་ལ་ནི་མཐོ་གང་ངོ་། །མཐོ་དོ་ལ་ནི་ཁྲུ་གང་ངོ་། །ཁྲུ་བཞི་ལ་ནི་གཞུ་གང་ངོ་། །གཞུ་སྟོང་ལ་ནི་རྒྱང་གྲགས་གཅིག་གོ། །རྒྱང་གྲགས་བཞི་ལ་
ནི་མ་ག་དྷཱའི་དཔག་ཚད་གཅིག་གོ། །དཔག་ཚད་གཅིག་ལ་རྡུལ་ཕྲ་རབ་བྱེ་བ་ཕྲག་འབུམ་ཕྲག་ཉི་ཤུ་རྩ་བཞི་དང་། བྱེ་བ་བརྒྱ་སྟོང་ཕྲག་སུམ་ཅུ་རྩ་དགུ་ཡོད་དེ། ཡང་དེ་ལྟ་བུ་ནི་དཔག་ཚད་དོ། །བྲམ་ཟེ་གསེར་བསྐྱེད་པའི་ཚད་བཤད་པར་བྱ་ཡིས་ཉོན་ཅིག །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D358
- 德格版页
- 254a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0358 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。