完整藏文原文 · 德格版页 当前仅加载第 76 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་རྣམས་དང་ཡང་དག་པར་སྤྱོད་པར་བྱེད་ཅེས་སྨོད་པར་བྱེད་དོ། །དེ་བཞིན་དུ་དགེ་སློང་མ་རྣམས་དང་། དགེ་བསྙེན་རྣམས་དང་། དགེ་བསྙེན་མ་རྣམས་དང་ཡང་དག་པར་སྤྱད་པ་སྤྱོད་པར་བྱེད་ཅེས་སྨོད་པར་བྱེད་ཅིང་། ཇི་ལྟར་གདོལ་པའི་བུ་མོ་ལ་བྲམ་
D358.076.0237a01.01ཟེ་དང་། རྒྱལ་རིགས་དང་། ཁྱིམ་བདག་ཤིང་སཱ་ལ་ཆེན་པོ་ལྟ་བུ་རྣམས་བལྟ་བར་བྱ་ཞེས་ཟེར་རོ། །ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཀྱིས་གདོལ་པའི་བུ་མོ་རབ་ཏུ་ཕྱུང་ཞེས་གྲག་པ་ཐོས་སོ། །ཐོས་ནས་ཀྱང་ཇི་ལྟར་གདོལ་པའི་བུ་མོ་ཞེས་
D358.076.0237a02.01བྱ་བ་དང་། དགེ་སློང་རྣམས་ཡང་དག་པར་སྤྱད་པ་སྤྱོད་པར་བྱེད། དགེ་སློང་མ་རྣམས་དང་། དགེ་བསྙེན་རྣམས་དང་། དགེ་བསྙེན་མ་རྣམས་དང་ཡང་དག་པར་སྤྱད་པ་སྤྱོད་པར་བྱེད། ཇི་ལྟར་བྲམ་ཟེ་དང་། རྒྱལ་རིགས་དང་། ཁྱིམ་བདག་ཤིང་ས་ལ་ཆེན་པོ་ལྟ་བུ་
D358.076.0237a03.01རྣམས་ཀྱིས་བལྟ་བར་བྱ་ཞེས་སྨོད་ལ་སེམས་པར་བྱེད་ཅིང་བཞོན་པ་བཟང་པོ་སྦྱར་ཏེ། བཞོན་པ་བཟང་པོ་ལ་ཞོན་ནས་མཉན་ཡོད་ཀྱི་བྲམ་ཟེ་དང་། ཁྱིམ་བདག་གི་ཚོགས་ཆེན་པོས་ཡོངས་སུ་བསྐོར་ཏེ་མདུན་དུ་བདར་ནས་མཉན་ཡོད་ནས་འཕགས་ཏེ། རྒྱལ་བུ་རྒྱལ་བྱེད་
D358.076.0237a04.01ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དེར་སོང་སྟེ། ཇི་སྲིད་བཞོན་པས་འགྲོ་བའི་ས་དེ་སྲིད་དུ་བཞོན་པས་ཕྱིན་ནས་བཞོན་པ་ལས་བབས་ནས་རྐང་ཐང་གི་འཁོར་གྱིས་བསྐོར་ཏེ། མགོན་མེད་ཟས་སྦྱིན་གྱི་ཀུན་དགའ་ར་བར་ཞུགས་སོ། །ཞུགས་ནས་
D358.076.0237a05.01ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །མཉན་ཡོད་ཀྱི་བྲམ་ཟེ་དང་། ཁྱིམ་བདག་གི་ཚོགས་ཆེན་པོ་དེ་དག་ཀྱང་ཐ་སྙད་ལྔ་དང་ལྡན་པས་འཁོད་དོ། །ཡང་བཅོམ་
D358.076.0237a06.01ལྡན་འདས་དང་ལྷན་ཅིག་མངོན་དུ་ཕྱོགས་ཏེ་ཡང་དག་པར་དགའ་བ་དང་། མགུ་བར་གྱུར་པའི་གཏམ་སྣ་ཚོགས་མཛད་དེ་མཇུག་བརྟུལ་བ་དང་ཕྱོགས་གཅིག་ཏུ་འདུག་གོ། །ཡང་གཞན་དག་གིས་བཅོམ་ལྡན་འདས་ལ་རང་རང་གི་ཕ་མའི་རྒྱུས་དང་། མིང་དང་། རིགས་དང་།
D358.076.0237a07.01