完整藏文原文 · 德格版页 当前仅加载第 76 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
བགོས་ནས་མུ་ཏིག་དོ་ཤལ་གྱིས་བརྒྱན་ཏེ། གྲོང་ཁྱེར་མཉན་ཡོད་ག་ལ་བ་དེ་ནས་བྱུང་སྟེ་སོང་ནས་གྲོང་ཁྱེར་གྱི་སྒོ་དྲུང་དུ་བསྡད་དེ། ཚེ་དང་ལྡན་པ་ཀུན་དགའ་བོ་འོང་བ་ལ་སྡོད་ཅིང་ངེས་པར་འདིར་དགེ་སློང་ཀུན་དགའ་བོ་འོང་ངོ་ཞེས་སེམས་སོ། །དེ་ནས་ཚེ་དང་ལྡན་པ་ཀུན་དགའ་
D358.076.0234b01.01བོ་སྔ་དྲོའི་དུས་སུ་ཆོས་གོས་དང་ལྷུང་བཟེད་ཐོགས་ནས། མཉན་ཡོད་དུ་བསོད་སྙོམས་ལ་ཞུགས་སོ། །གདོལ་པའི་བུ་མོ་དེས་ཚེ་དང་ལྡན་པ་ཀུན་དགའ་བོ་རྒྱང་རིང་པོ་ནས་འོང་བ་མཐོང་ངོ་། །མཐོང་ནས་ཀྱང་ཚེ་དང་ལྡན་པ་ཀུན་དགའ་བོའི་ཕྱི་བཞིན་དུ་འབྲང་ངོ་། །འདུག་ན་འདུག་
D358.076.0234b02.01ཅིང་འགྲོ་ན་འགྲོ་བར་བྱེད་དོ། །ཁྱིམ་གང་དང་གང་དུ་བསོད་སྙོམས་ལ་ཞུགས་པ་དེ་དང་དེར་སྒོར་ཅང་མི་སྨྲ་བར་སྡོད་དོ། །དེ་ནས་ཚེ་དང་ལྡན་པ་ཀུན་དགའ་བོས་གདོལ་པའི་བུ་མོ་གཟུགས་བཟང་མོ་ཕྱི་བཞིན་དུ་འབྲང་བ་མཐོང་ངོ་། །མཐོང་ནས་ཀྱང་ངོ་ཚ་ཞིང་ཁྲེལ་གྱིས་དོགས་
D358.076.0234b03.01པས་སྡུག་བསྔལ་ཞིང་ཡིད་མི་བདེ་བས་མྱུར་དུ་མཉན་ཡོད་ནས་བྱུང་ནས། རྒྱལ་བྱེད་ཀྱི་ཚལ་ག་ལ་བ་དེར་སོང་ངོ་། །དེ་ནས་གདོལ་པའི་བུ་མོ་གཟུགས་བཟང་མོ་ཚེ་དང་ལྡན་པ་ཀུན་དགའ་བོའི་ཕྱི་བཞིན་དུ་རྗེས་སུ་འབྲང་ངོ་། །ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་
D358.076.0234b04.01ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གདོལ་པའི་བུ་མོ་གཟུགས་བཟང་
D358.076.0234b05.01མོ་འདི་ཕྱི་བཞིན་དུ་རྗེས་སུ་འབྲང་ཞིང་མཆིས་ལ་མཆི་ན། ཁྱིམ་གང་དང་གང་དུ་བསོད་སྙོམས་ལ་ཞུགས་པའི་ཁྱིམ་དེ་དང་དེའི་སྒོར་མཆིས་ནས་ཅང་མི་སྨྲ་བར་མཆིས་སོ། །བཅོམ་ལྡན་འདས་བདག་ལ་བསྐྱབ་ཏུ་གསོལ། བདེ་བར་གཤེགས་པ་བདག་ལ་བསྐྱབ་ཏུ་གསོལ། དེ་
D358.076.0234b06.01སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །མ་འཇིགས་མ་འཇིགས་ཤིག །དེ་ནས་བཅོམ་ལྡན་འདས་ཀྱིས་གདོལ་པའི་བུ་མོ་གཟུགས་བཟང་མོ་ལ་འདི་སྐད་ཅེས་བཀའ་སྩལ་ཏོ། །ཅི་གཟུགས་
D358.076.0234b07.01