完整藏文原文 · 德格版页 当前仅加载第 76 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
གདོལ་པར་ལྷན་ཅིག་པ་ཡིན་ལ། དུར་བསྲུངས་རྣམས་དང་ནི་དུར་བསྲུངས་ལྷན་ཅིག་པ་ཡིན་ཏེ། རིགས་གང་དང་གང་ཡིན་པ་དེ་དང་དེ་འབྲེལ་བར་བྱེད་པ་ཡིན་ཏེ། རྒྱལ་རིགས་རྣམས་དང་ནི་རྒྱལ་རིགས་ལྷན་ཅིག་པ་ཡིན་ལ། བྲམ་ཟེ་རྣམས་དང་བྲམ་
D358.076.0240a01.01ཟེ་ལྷན་ཅིག་པ་ཡིན་ལ། དེ་བཞིན་དུ་རྗེའུ་རིགས་རྣམས་ཀྱང་རྗེའུ་རིགས་དང་ལྷན་ཅིག་པ་ཡིན་ལ། དེ་བཞིན་དུ་དམངས་རིགས་རྣམས་ཀྱང་དམངས་རིགས་དང་ལྷན་ཅིག་ཏུ་འདྲ་བ་རྣམས་ཕན་ཚུན་འཇུག་པ་ཡིན་གྱི། གདོལ་པ་རྣམས་དང་བྲམ་ཟེ་ནི་འབྲེལ་པ་མེད་དོ། །
D358.076.0240a02.01རིགས་ཐམས་ཅད་ལས་དམན་པ་དང་རིགས་མཆོག་རྣམས་ཇི་ལྟར་འབྲེལ་དུ་འདོད། བྲམ་ཟེ་པད་མའི་སྙིང་པོ་ལས་ལན་དུ་དེ་ལྟ་བུའི་ཚིག་ཐོས་པ་དང་། གདོལ་པའི་རྒྱལ་པོ་ཏྲེ་ཤང་ཀུས་འདི་སྐད་ཅེས་སྨྲས་སོ། །ཇི་ལྟར་གསེར་དང་ཐལ་བའི་ཁྱད་པར་དམིགས་པ་ལྟར་བྲམ་ཟེ་
D358.076.0240a03.01རྣམས་དང་། རིགས་གཞན་དེ་ལྟ་བུའི་ཁྱད་པར་ནི་མི་དམིགས་སོ། །ཇི་ལྟར་མུན་པ་དང་སྣང་བའི་ཁྱད་པར་དམིགས་པ་ལྟར་བྲམ་ཟེ་རྣམས་དང་རིགས་གཞན་དེ་ལྟ་བུའི་ཁྱད་པར་ནི་མི་དམིགས་སོ། །གང་བྲམ་ཟེ་རྣམས་ནམ་མཁའ་དང་རྒྱ་མཚོ་ལས་སྐྱེས་པ་ནི་མ་ཡིན་ནོ། །
D358.076.0240a04.01གཙུབ་ཤིང་གིས་མེ་ཕྱུང་བ་ལྟར་ས་རྣམས་ལས་སྐྱེས་པའང་མ་ཡིན་ནོ། །བྲམ་ཟེའི་སྐྱེ་གནས་གང་ཡིན་པ་དེ་ནས་གདོལ་པའི་རིགས་ཀྱང་སྐྱེས་པ་ཡིན་ཏེ། མཆོག་ཉིད་དང་དམན་པ་ཉིད་དུ་བྲམ་ཟེ་རྣམས་ལ་ཅི་དམིགས། བྲམ་ཟེ་མཆོག་རྣམས་ཀྱི་རོའང་སྤོང་ཞིང་མི་
D358.076.0240a05.01གཙང་བར་བྱེད་དོ། །རིགས་རྣམས་ལ་དེ་ལྟ་བས་ན་གཞན་དང་དེ་ལ་ཁྱད་པར་ཅི་ཞིག་ཡོད། འདི་ལྟར་སྡིག་པའི་ལས་ཅུང་ཟད་བྱེད་ཅིང་རྙོག་པ་དང་། རྩོད་པས་སེམས་ཅན་རྣམས་ལ་གནོད་པ་བྱ་བར་བྲམ་ཟེ་རྣམས་རབ་ཏུ་སྟོན་ཏོ། །བྱད་དང་རོ་ལངས་ཀྱི་ལས་བྲམ་ཟེ་རྣམས་
D358.076.0240a06.01རབ་ཏུ་སྟོན་ཏོ། །ལས་མི་བཟད་པ་རྣམས་ལ་ཡང་བསོད་ནམས་ཡིན་པར་བྲམ་ཟེ་རྣམས་སྟོན་ཏོ། །ཤ་ཟ་བར་འདོད་པས་བྲམ་ཟེ་རྣམས་ཀྱི་ཆོ་ག་སྦྱར་བ་སྔགས་བཟླས་ནས་ར་ལུག་བསད་ན་མཐོ་རིས་སུ་འགྲོ་བར་སྨྲའོ། །གང་དེ་ལྟ་བུ་མཐོ་རིས་ཀྱི་ལམ་ཡིན་ན་ཅིའི་ཕྱིར་བྲམ་ཟེ་
D358.076.0240a07.01