完整藏文原文 · 德格版页 当前仅加载第 76 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཞིན་དུ་གཞལ་བར་བྱའོ། །གདོལ་པའི་རྒྱལ་པོ་ཏྲེ་ཤང་ཀུ་ལས་ཚིག་དེ་ལྟ་བུ་དེ་ཐོས་པ་དང་། བྲམ་ཟེ་པད་མའི་སྙིང་པོས་འདི་སྐད་ཅེས་སྨྲས་སོ། །ཁྱོད་ནི་གཅིག་ཏུ་གྱུར་པའི་གཙོ་བོ་མཉམ་པ་མེད་པ། ལྷ་དང་བཅས་པའི་འཇིག་རྟེན་ན་མཉམ་པ་
D358.076.0276a01.01མེད་པའི་བྲམ་ཟེ་ཆེན་པོར་གྱུར་ཏེ། ཁྱོད་ཀྱི་བུ་ལ་ངའི་བུ་མོ་གཟུགས་བཟང་མོ་སྦྱིན་པར་བྱས་ཏེ། གཞོན་ནུ་སྟག་རྣ་དང་། གཟུགས་བཟང་མོ་གཉིས་ཚུལ་ཁྲིམས་དང་གཟུགས་དང་ཡོན་ཏན་དང་ལྡན་ཞིང་བཟང་ཞིང་མཛེས་པ་ཡིན་ཏེ། འདི་ནི་བདག་ཀྱང་འདོད་པ་ཡིན་ནོ། །
D358.076.0276a02.01དེ་ནས་བྲམ་ཟེའི་ཁྱེའུ་ལྔ་བརྒྱ་པོ་དེ་དག་གིས་སྒྲ་ཆེན་པོས་ཀྱེ་རིག་པ་དང་ལྡན་པའི་བྲམ་ཟེ་རྣམས་གདོལ་པ་དང་གཉེན་མ་མཛད་ཅིག །མཁན་པོ་རིག་པ་དང་ལྡན་པའི་བྲམ་ཟེ་རིག་པ་གསུམ་རྣམས་གདོལ་པ་དང་ལྷན་ཅིག་ཏུ་གཉེན་མཛད་དམ། དེ་ནས་བྲམ་ཟེ་པད་མའི་སྙིང་པོས་
D358.076.0276a03.01གླེང་གཞི་བཤད་ཅིང་ལན་གྱི་ཚིགས་སུ་བཅད་པ་རྣམས་སྨྲས་པ། ཏྲེ་ཤང་ཀུ་དེས་གང་སྨྲས་པ། །དེ་བཞིན་དེ་ཉིད་དེ་ལྟ་བུར། །དེ་ཉིད་ཡིན་ཏེ་{བརྫུན་,རྫུན་}པ་མིན། །ཡང་དག་མཐར་གྱུར་བདེན་པ་ཉིད། །དེ་ནས་བྲམ་ཟེ་པད་མའི་སྙིང་པོས་བྲམ་ཟེའི་ཁྱེའུ་དེ་དག་ལ་སྨད་ནས།
D358.076.0276a04.01གདོལ་པའི་རྒྱལ་པོ་ཏྲེ་ཤང་ཀུ་ལ་འདི་སྐད་ཅེས་སྨྲས་སོ། །ཀྱེ་ཏྲེ་ཤང་ཀུ་ཚངས་པ་འདི། །མི་མཇེད་བདག་པོས་འབྱུང་བཞི་ལས། །སྐྱེས་བུ་རྣམ་པར་སྤྲུལ་པ་སྟེ། །མགོ་ནི་སྐར་ཚོགས་ནམ་མཁའ་ཡིན། །དེ་བཞིན་ལྟོ་བ་བར་སྣང་ཡིན། །རི་བོ་རྣམས་ནི་བརླ་གཉིས་ཏེ། །
D358.076.0276a05.01རྐང་པ་གཉིས་ནི་ས་རུ་གནས། །ཉི་མ་ཟླ་བ་མིག་གཉིས་ཡིན། །རྩྭ་དང་ཤིང་རྣམས་བ་སྤུ་སྟེ། །མཆི་མ་བར་སྣང་ཆར་པའོ། །རྒྱ་མཚོ་རྣམས་ནི་གཅིན་དུ་འདོད། །རི་བོ་རྣམས་ནི་ཕྱི་ས་ཡིན། །དེ་ནི་ཚངས་པ་མི་མཇེད་བདག །ཁྱོད་དང་ཤེས་པ་མཉམ་པ་མེད། །དེ་དེ་བཞིན་དུ་
D358.076.0276a06.01བདག་གིས་བརྗོད། །ཀྱེ་ཏྲེ་ཤང་ཀུ་དེ་ལ་ནི་འདིར་བདག་ཉིད་ཅི་ཞིག་སྨྲ་རུ་ཡོད། ཡང་རང་གི་མཚན་ཉིད་མངོན་སུམ་དུ་དཔྱད་པས་ཕ་དང་མས་སྦྱོར་བ་བྱས་པ་ལས་གྱུར་ཅིང་། བདེ་བ་འདོད་པས་བསླུས་ནས་སེམས་ཅན་རྣམས་མངལ་དུ་འཇུག་པ་ཡིན་ཏེ། འགའ་ཡང་མ་སྐྱེས་
D358.076.0276a07.01