完整藏文原文 · 德格版页 当前仅加载第 76 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། འདི་ལྟ་སྟེ། སྣར་མ་དང་། ནམ་སོ་དང་། གྲེ་དང་། ས་ག་དང་། ཆུ་སྨད་དང་། ཁྲུམས་སྨད་ཅེས་བྱ་བ་འདི་དག་གོ། །རྒྱུ་སྐར་ལྔ་ནི་ཡུད་ཙམ་བཅོ་ལྔའི་ཆ་དང་ལྡན་ཏེ། འདི་ལྟ་སྟེ། ལག་དང་། སྐག་དང་། ས་རི་དང་། སྣྲོན་དང་། ས་ག་
D358.076.0252a01.01ཞེས་བྱ་བ་དེ་དག་གོ། །དྲག་པོའི་ཡུད་ཙམ་གྱི་ཆོ་ག་དང་ལྡན་པ་གང་ཞེ་ན། སྔ་མ་ལས་གཞན་པ་སྟེ། ཡུད་ཙམ་སུམ་ཅུའི་ཆ་དང་ལྡན་པའོ། །ཀྱེ་པད་མའི་སྙིང་པོ་བདུན་པོ་འདི་དག་ནི་ཤར་གྱི་སྒོ་བ་སྟེ། སྨིན་དྲུག་ནི་དང་པོའོ། །སྐག་ནི་ཐ་མའོ། །བདུན་པོ་འདི་དག་ནི་ལྷོ་སྒོའི་སྒོ་བ་
D358.076.0252a02.01སྟེ། མཆུ་ནི་དང་པོའོ། །ས་ག་ནི་ཐ་མའོ། །རྒྱུ་སྐར་བདུན་པོ་འདི་དག་ནི་ནུབ་ཀྱི་སྒོ་བ་སྟེ། ལྷ་མཚམས་ནི་དང་པོའོ། །བྱི་བཞིན་ནི་ཐ་མའོ། །རྒྱུ་སྐར་བདུན་པོ་འདི་དག་ནི་བྱང་ཕྱོགས་ཀྱི་སྒོ་བ་སྟེ། མོན་གྲེ་ནི་དང་པོའོ། །བྲ་ཉེ་ནི་ཐ་མའོ། །ཀྱེ་པད་མའི་སྙིང་པོ་རྒྱུ་སྐར་ཉི་ཤུ་རྩ་
D358.076.0252a03.01བརྒྱད་པོ་དེ་དག་ལས་བདུན་ནི། སྟོབས་དང་ལྡན་པ་སྟེ། བདུན་གང་ཞེ་ན་འདི་ལྟ་སྟེ། ཤར་ཕྱོགས་ཀྱི་བཞི་དང་། ས་ག་དང་། ལྷ་མཚམས་དང་། ས་རིའོ། །གསུམ་ནི་དྲག་པོ་སྟེ། ལག་དང་། སྐག་དང་། བྲ་ཉེ་ཞེས་བྱའོ། །བཞི་ནི་མཆོད་པར་བྱ་བ་སྟེ། བྱང་
D358.076.0252a04.01ཕྱོགས་ཀྱི་གསུམ་དང་སྣར་མའོ། །ལྔ་ནི་འཇམ་པ་སྟེ། གྲོ་བཞིན་དང་། ནམ་གྲུ་དང་། མོན་གྲེ་དང་། སྣྲོན་དང་། སྣྲུམས་ཞེས་བྱ་བའོ། །ལྔ་ནི་འཛིན་པའི་རིགས་ཏེ། མེ་བཞི་དང་། ནག་པ་དང་། སྐག་དང་། མཆུ་དང་། བྱི་བཞིན་ནོ། །བཞི་ནི་མྱུར་བར་བྱེད་པ་སྟེ། སྨིན་
D358.076.0252a05.01དྲུག་དང་། མགོ་དང་། རྒྱལ་དང་། ཐ་སྐར་རོ། །ཀྱེ་པད་མའི་སྙིང་པོ་རྒྱུ་སྐར་ཉི་ཤུ་རྩ་བརྒྱད་པོ་དེ་དག་ནི་རིམ་གྱིས་འཇུག་པ་གསུམ་དང་ལྡན་ཏེ། ཁྱུ་མཆོག་གི་འཇུག་པ་དང་། བེའུའི་འཇུག་པ་དང་། ཟུང་ལྷན་ཅིག་ཏུ་འཇུག་པའོ། །དེ་ལ་རྒྱུ་སྐར་སྔོན་དུ་འགྲོ་ཞིང་ཟླ་བ་ཕྱི་
D358.076.0252a06.01ནས་འགྲོ་བ་ནི་ཁྱུ་མཆོག་གི་འཇུག་པ་ཞེས་བྱའོ། །གང་གི་ཚེ་ཟླ་བ་སྔོན་དུ་འགྲོ་ཞིང་རྒྱུ་སྐར་ཕྱིར་འབྱུང་བ་ལ་ནི་བེའུ་འཇུག་པ་ཞེས་བྱའོ། །ཡང་གང་གི་ཚེ་ཟླ་བ་དང་། རྒྱུ་སྐར་གཉིས་ལྷན་ཅིག་ཏུ་འཇུག་པ་དེ་ལྟ་བུ་ནི་འདིར་ཟུང་དུ་འཇུག་པ་ཞེས་བྱའོ། །གཞན་ཡང་པད་མའི་
D358.076.0252a07.01