完整藏文原文 · 德格版页 当前仅加载第 76 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
པད་མའི་སྙིང་པོས་འདི་སྐད་ཅེས་སྨྲས་སོ། །ཡང་ཅི་ཁྱོད་ཀྱིས་ངེས་བརྗོད་ཀྱི་རིག་བྱེད་ཀྱང་བཀླགས། མཆོད་སྦྱིན་གྱི་རིག་བྱེད་ཀྱང་བཀླགས། སྙན་དངགས་ཀྱི་རིག་བྱེད་ཀྱང་བཀླགས། སྲིད་སྲུང་གི་རིག་བྱེད་ཀྱང་བཀླགས། ཚེའི་རིག་བྱེད་ཀྱི་
D358.076.0245a01.01ཆོ་ག་ཡང་བཀླགས། ནང་གི་ཟླ་བའི་དཀྱིལ་འཁོར་ཁྱོད་ཀྱིས་བཀླགས་སམ། གཞན་ཡང་ཡན་ལག་གི་རིག་པ་དང་། དངོས་པོ་བརྟག་པ་དང་། བཀྲ་ཤིས་པའི་ལྟས་དང་། ལ་ཉེ་བརྟག་པ་ཡང་བསླབས་ཤིང་གཞན་ཡང་ཁྱོད་ཀྱིས་སྒྲ་གཅན་འཛིན་གྱི་འགྲོས་དང་།
D358.076.0245a02.01གཟའི་འགྲོས་དང་། པ་བ་སངས་ཀྱི་འགྲོས་ཁྱོད་ཀྱིས་བཀླགས་སམ། གཞན་ཡང་ཁྱོད་ཀྱིས་འཇིག་རྟེན་རྒྱང་པན་པ་དང་། རྣམ་པར་བཤད་པའི་གསུང་རབ་དང་། བྱཱ་ཀ་ར་ཎ་རྣམས་དང་། ཟླ་བ་ཕྱེད་པ་རྣམས་བཀླགས་སམ། དེ་སྐད་ཅེས་དྲིས་པ་དང་།
D358.076.0245a03.01གདོལ་པའི་རྒྱལ་པོ་ཏྲེ་ཤང་ཀུས་བྲམ་ཟེ་པད་མའི་སྙིང་པོ་ལ་འདི་སྐད་ཅེས་སྨྲས་སོ། །བྲམ་ཟེ་དེ་བཞིན་ཏེ། བདག་གིས་དེ་དག་ཡང་དང་ཡང་དུ་རྒྱ་ཆེར་བཀླགས་ཏེ། བྲམ་ཟེ་འདི་ལྟར་བདག་ནི་འདིར་རིག་པའི་ཕ་རོལ་ཏུ་ཕྱིན་པ་ཐོབ་པར་གྱུར་པ་ཡིན་ཏེ། དེ་ལྟ་བས་ན་ཁྱོད་
D358.076.0245a04.01ལ་བྲམ་ཟེའི་ལྷན་ཅིག་པའི་ཆོས་དེ་དག་རྗེས་སུ་དཔག་པའི་སྒོ་ནས་བཤད་པར་བྱའོ། །བྲམ་ཟེ་བསྐལ་པ་དང་པོ་སྔོན་བྱུང་བ་ན་འདི་ལྟ་སྟེ། བྲམ་ཟེའི་རིགས་ཞེས་བྱ་བ་དང་། རྒྱལ་རིགས་ཞེས་བྱ་བ་དང་། རྗེའུ་རིགས་ཞེས་བྱ་བ་དང་། དམངས་རིགས་ཞེས་བྱ་བ་འདི་ཐམས་
D358.076.0245a05.01ཅད་གཅིག་སྟེ་ཐ་དད་པ་མེད་དོ། །སེམས་ཅན་མི་འདྲ་བ་རྣམས་དང་། དེ་བཞིན་འདྲ་བ་དེ་དག་གི་ནང་ནས་སེམས་ཅན་འགའ་ཞིག་གིས་འབྲས་ཀྱི་ཞིང་གཅིག་ཏུ་རྨོས་ཤིང་བསྲུངས་ནས་བདག་གིར་བྱས་སོ། །དེ་ལྟ་བུ་དེ་རྣམས་ལ་རྒྱལ་རིགས་རྒྱལ་རིགས་ཞེས་ཐ་སྙད་དུ་བྱས་སོ། །
D358.076.0245a06.01བྲམ་ཟེ་གཞན་ཡང་དེ་དག་གི་ནང་ནས་སེམས་ཅན་གཞན་ཞིག་གིས་འདི་སྙམ་དུ་བསམས་ནས་ནད་ཀྱིས་ཡོངས་སུ་བར་དུ་གཅོད་པ་དང་། ལྦ་བའི་བར་ཆད་དང་། ཟུག་རྔུའི་བར་ཆད་གང་ཡིན་པ་བདག་གིས་བར་ཆད་རྣམས་སྤངས་ནས་དགོན་པར་ཕྱིན་ལ་རྩྭ་དང་། ཤིང་
D358.076.0245a07.01