完整藏文原文 · 德格版页 当前仅加载第 76 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །ཆོས་དང་ལྡན་པའི་ཚིག་གིས་འཁོར་རྣམས་དགའ་བར་བྱེད་པས་ན་འཇིག་རྟེན་གྱི་ཐ་སྙད་དུ་ངག་འཇམ་པ་ལ་རྒྱལ་པོ་རྒྱལ་པོ་ཞེས་འཇིག་རྟེན་གྱི་ཐ་སྙད་དུ་བྱས་སོ། །ཡང་དེ་དག་ལས་སེམས་ཅན་གཞན་དག་གིས་རབ་ཏུ་བྱུང་ནས་གཞན་ལས་
D358.076.0246a01.01རྒྱལ་བས་ན་རབ་ཏུ་བྱུང་བ་ཞེས་བྱ་སྟེ། རབ་ཏུ་བྱུང་བ་རབ་ཏུ་བྱུང་བ་ཞེས་འཇིག་རྟེན་གྱི་ཐ་སྙད་དུ་བྱས་སོ། །གཞན་ཡང་བྲམ་ཟེ་གཅིག་ཏུ་ཐ་སྙད་དུ་བྱས་པ་དེ་ཁྱོད་ལ་རབ་ཏུ་བཤད་པར་བྱའོ། །ཚངས་པའི་འཇིག་རྟེན་དུ་དེ་རིག་བྱེད་ཀློག་པར་བྱེད་པས་ཚངས་པའོ། །ལྷའི་
D358.076.0246a02.01དཀའ་ཐུབ་མཆོག་ཏུ་གྱུར་པས་ལྷའི་དབང་པོ་ཀཽ་ཤི་ཀའི་རིག་བྱེད་ཀློག་པར་བྱེད་ཅིང་ལྷའི་དབང་པོ་གཽ་ཏ་མའི་རིག་བྱེད་ཀློག་པ་ནས་མཉེས་བྱེད་གཽ་ཏ་མ་དཀར་གནས་གཽ་ཏ་མ་ཞེས་བརྗོད་ཅིང་དཀར་གནས་གཽ་ཏ་མ་ཞེས་ཟེར་རོ། །མཁས་པ་བཟང་པོ་ལས་རིག་བྱེད་ཀློག་པས་ན་བཟང་
D358.076.0246a03.01པོའི་རིག་བྱེད་ཀློག་ཅེས་བྱའོ། །འདི་ལྟ་སྟེ། རིག་བྱེད་རྣམ་པར་འབྱེད་ཅིང་འདི་ལྟར་རྒྱས་པར་རྣམ་པར་འགྲེལ་ཞིང་ཕྱོགས་དང་སྡེབ་སྦྱོར་གྱི་ཚོགས་སྟོན་པའི་སློབ་དཔོན་ནི་ཉི་ཤུ་རྩ་གཅིག་གོ། །ལམ་གྱི་མཆོད་སྦྱིན་དང་སྲིད་སྲུང་གི་སྡེ་རྣམས་རྣམ་པར་འགྲེལ་པས་ན་བྲམ་ཟེ་དེ་
D358.076.0246a04.01དག་ཐམས་ཅད་ལ་འཆད་པ་ཞེས་བྱའོ། །གཅིག་ཏུ་གྱུར་པ་ལས་ཉི་ཤུ་རྩ་ལྔར་ཕྱེ་བ་ནི་འདི་ལྟ་སྟེ། སྐེམ་འཛིན་དང་། རྒྱས་འཛིན་དང་། སྙིང་པོ་ཞེས་བྱ་སྟེ། དེ་ལ་སྐེམ་འཛིན་ནི་བཅུའོ། །རྒྱས་འཛིན་ནི་བརྒྱད་དོ། །སྙིང་པོ་ནི་བདུན་ནོ། །འདི་དག་ནི་བྲམ་ཟེ་རྣམས་ཀྱིས་
D358.076.0246a05.01གཅིག་ཏུ་གྱུར་པ་ལས་བྱེ་བྲག་ཉི་ཤུ་རྩ་ལྔ་རུ་རྣམ་པར་འགྲེལ་ཏོ། །བྲམ་ཟེ་རྗེས་སུ་དཔག་པའི་ཚད་མས་སྡེབ་སྦྱོར་འདོན་པའོ། །ཕྱོགས་གཅིག་ཏུ་གྱུར་པ་ལས་རྣམ་པ་སྟོང་དུ་བསྟན་ཏེ། འདི་ལྟ་སྟེ། ཚུལ་ཁྲིམས་ཤིང་ཤུན་དང་། དགོན་པ་དང་། འཇིག་རྟེན་གྱི་མིག་དང་།
D358.076.0246a06.01གཽ་ཏ་མ་དང་། བྲམ་ཟེ་དང་མཉམ་པ་དང་། ཆེན་པོ་དང་མཉམ་པ་དང་། བཞོན་པ་ཆེན་པོ་དང་ལྡན་པ་དང་། བདེན་དྲག་དང་། རིག་བྱེད་ཐམས་ཅད་པའོ། །དེ་ནས་ཚུལ་ཁྲིམས་ཤིང་ཤུན་ལ་ནི་ཉི་ཤུའོ། །དགོན་པ་ལ་ནི་མཚན་མ་ཉི་ཤུའོ། །འཇིག་རྟེན་གྱི་མིག་
D358.076.0246a07.01