完整藏文原文 · 德格版页 当前仅加载第 76 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་ལྡན་ཞིང་ཕྱིས་ནི་ཆུ་ཡིས་འཇིག་པར་འགྱུར་རོ། །ཁྲུམས་སྟོད་ལ་ངེས་པར་བརྩམས་པའི་གྲོང་ཁྱེར་ནི་དེ་དག་བདེ་བ་ལ་དགའ་ཞིང་ཕ་རོལ་ལ་གནོད་པ་སྦྱོར་བ་ལ་རྨོངས་པས་བདེ་བ་སྤོང་བར་འགྱུར་རོ། །ཁྲུམས་སྨད་ལ་ངེས་པར་བརྩམས་པའི་གྲོང་ཁྱེར་
D358.076.0256b01.01ནི་རིན་པོ་ཆེ་དང་། འབྲུ་དང་ཟས་སྐོམ་གྱིས་ཕྱུག་ཅིང་རྟག་ཏུ་ཁྱད་པར་དུ་འཕེལ་བར་འགྱུར་རོ། །ནམ་གྲུ་ལ་ངེས་པར་བརྩམས་པའི་གྲོང་ཁྱེར་ནི་སྐྱེ་བོ་རྣམས་བལྟ་ན་སྡུག་ཅིང་བོང་བུ་དང་། རྔ་མོ་དང་། བ་ལང་དང་། ནོར་དང་། འབྲུ་མང་པོ་དང་ལྡན་པར་
D358.076.0256b02.01འགྱུར་རོ། །ཐ་སྐར་ལ་ངེས་པར་བརྩམས་པའི་གྲོང་ཁྱེར་ནི་ཤིས་པ་ལ་སོགས་པ་རྟེན་ཅིང་སྐྱེ་བོ་ནད་མེད་ཅིང་བལྟ་ན་སྡུག་པས་གང་བར་འགྱུར་རོ། །བྲ་ཉེ་ལ་ངེས་པར་བརྩམས་པའི་གྲོང་ཁྱེར་ནི་རྩོད་པ་ལ་དགའ་ཞིང་སྐལ་བ་ཆུང་ལ་ཚུལ་ཁྲིམས་ཉམས་ཤིང་སྡུག་
D358.076.0256b03.01བསྔལ་འབྱུང་བའི་སྐྱེ་བོ་མ་དུལ་བ་གནས་པར་འགྱུར་རོ། །གྲོང་དང་། རྒྱལ་པོའི་ཕོ་བྲང་དང་། དེ་བཞིན་གྲོང་རྣམས་རྒྱུ་སྐར་གང་ལ་བརྩམས་པ་ཡང་མཁས་པས་དེ་བཞིན་དུ་རབ་ཏུ་བརྟག་པར་བྱའོ། །བཟང་པོ་ལ་དགའ་ཞིང་འཇུག་པ་དེ་ནི་བདག་གིས་སྐྱེ་བ་སྔ་མ་
D358.076.0256b04.01ལ་ཤེས་པར་བྱས་པ་ཡིན་ནོ། །ཀྱེ་པད་མའི་སྙིང་པོ་དེ་དག་ནི་རྒྱུ་སྐར་ངེས་པར་བསྟན་པའི་ལེའུ་ཡིན་ནོ། །ཀྱེ་པད་མའི་སྙིང་པོ་གཞན་ཡང་རྒྱུ་སྐར་ཉི་ཤུ་རྩ་བརྒྱད་པོ་དེ་དག་གི་གནས་ངེས་པར་བཤད་པར་བྱ་སྟེ། ཀྱེ་པད་མའི་སྙིང་པོ་རྒྱུ་སྐར་སྨིན་དྲུག་གི་གནས་ནི་མ་ག་དྷཱ་
D358.076.0256b05.01དང་། ཡུལ་ཀ་ལིང་ཀའོ། །སྣར་མ་ནི་སྐྱེ་དགུ་ཐམས་ཅད་ལ་གནས་སོ། །མགོ་ནི་ལུས་འཕགས་དང་། རྒྱལ་པོའི་ཞབས་འབྲིང་བ་ལ་གནས་སོ། །ལག་དང་། ནམ་སོ་དང་། རྒྱལ་དང་། སྐག་རྣམས་ནི་ཀླུང་དང་གངས་ཅན་ལ་གནས་སོ། །མཆུ་ནི་ཤར་ཕྱོགས་
D358.076.0256b06.01ཀྱི་མི་རྣམས་ལ་གནས་སོ། །གྲེ་ནི་རྐུན་མ་རྣམས་ལ་གནས་སོ། །དབོ་ནི་ས་བོན་འདི་རྣམས་ལ་གནས་སོ། །མེ་བཞི་ནི་ཡུལ་འཁོར་བ་རྣམས་ལ་གནས་སོ། །རྒྱུ་སྐར་ནག་པ་ནི་བྱ་དང་། རྐང་གཉིས་པ་རྣམས་ལ་གནས་སོ། །ས་རི་ནི་རབ་ཏུ་བྱུང་བ་ཐམས་ཅད་
D358.076.0256b07.01