完整藏文原文 · 德格版页 当前仅加载第 55 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
འཆད་པར་མཐོང་བའོ། །དེ་ལ་དགེ་བའི་ཆོས་ཕུན་སུམ་ཚོགས་པ་གང་ཞེ་ན། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཉེ་བར་གྱུར་པའོ། །དེ་ལ་སྡིག་པའི་ལས་ལ་སྨོད་པ་གང་ཞེ་ན། འདི་ལྟ་སྟེ། སྡོམ་པ་དང་སྡིག་པ་རྣམས་གཟོད་མ་ནས་མ་སྐྱེས་པའོ། །དེ་ལ་ཉོན་མོངས་པ་
D127.055.0163b01.01མི་འབྱུང་བ་གང་ཞེ་ན། འདི་ལྟ་སྟེ། མ་རིག་པ་དང་། སྲིད་པའི་སྲེད་པ་དང་། ཁྲོ་བ་མི་སྐྱེད་པའོ། །དེ་ལ་བསླབ་པ་ཡོངས་སུ་མི་གཏོང་བ་གང་ཞེ་ན། འདི་ལྟ་སྟེ། ལས་ཀྱི་རྣམ་པར་སྨིན་པ་ལ་ཡིད་ཆེས་པ་དང་། སངས་རྒྱས་ལ་རི་མོར་བྱེད་པའོ། །དེ་ལ་ཏིང་ངེ་འཛིན་རྣམ་པར་གཞག་པ་གང་ཞེ་ན།
D127.055.0163b02.01འདི་ལྟ་སྟེ། སེམས་དང་སེམས་ལས་བྱུང་བའི་ཆོས་རྣམས་སྐྱེ་བ་དང་། འཇིག་པ་མེད་པ་ལ་མཁས་པ་དང་། སེམས་རྩེ་གཅིག་པའོ། །དེ་ལ་སེམས་ཅན་གྱི་བསམ་པ་ཤེས་པ་གང་ཞེ་ན། འདི་ལྟ་སྟེ། དབང་པོ་མཆོག་དང་མཆོག་མ་ཡིན་པ་ཤེས་པའི་ཡེ་ཤེས་སོ། །དེ་ལ་སྐྱེ་བའི་ཁྱད་པར་
D127.055.0163b03.01ཤེས་པ་གང་ཞེ་ན། འདི་ལྟ་སྟེ། འགྲོ་བ་ལྔ་རྣམ་པར་གཞག་པ་ཤེས་པའོ། །དེ་ལ་ཡེ་ཤེས་མཐའ་ཡས་པ་གང་ཞེ་ན། འདི་ལྟ་སྟེ། འཇིག་རྟེན་གྱི་དང་འཇིག་རྟེན་ལས་འདས་པའི་བཟོ་ལྷུན་གྱིས་གྲུབ་པ་ཤེས་པའོ། །དེ་ལ་ཚིག་གི་མཚམས་སྦྱར་བ་ཤེས་པ་གང་ཞེ་ན། འདི་ལྟ་སྟེ། དེ་བཞིན་
D127.055.0163b04.01གཤེགས་པའི་ལྡེམ་པོ་ངག་ཤེས་པའོ། །དེ་ལ་ཁྱིམ་གྱི་གནས་ཡོངས་སུ་སྤངས་པ་གང་ཞེ་ན། འདི་ལྟ་སྟེ། ལུས་དང་སེམས་དབེན་ཞིང་མངོན་པར་བྱུང་བའོ། །དེ་ལ་ཁམས་གསུམ་ལ་མངོན་པར་མི་དགའ་བ་གང་ཞེ་ན། འདི་ལྟ་སྟེ། ཁམས་གསུམ་ཡང་དག་པ་ཇི་ལྟ་བ་བཞིན་དུ་མཐོང་བའོ། །
D127.055.0163b05.01དེ་ལ་སེམས་མ་གོད་པ་གང་ཞེ་ན། འདི་ལྟ་སྟེ། སེམས་ཡོངས་སུ་མི་གཏོང་བ་དང་། མཉམ་པར་བཞག་པ་ཡོངས་སུ་མི་གཏོང་བའོ། །དེ་ལ་ཆོས་རྣམས་ལ་མངོན་པར་མ་ཆགས་པ་གང་ཞེ་ན། འདི་ལྟ་སྟེ། སྡུག་པ་ཐམས་ཅད་སྤོང་བའོ། །དེ་ལ་དམ་པའི་ཆོས་ཡོངས་སུ་འཛིན་པ་གང་ཞེ་ན། འདི་ལྟ་
D127.055.0163b06.01སྟེ། སངས་རྒྱས་ཀྱི་བྱང་ཆུབ་ཡོངས་སུ་སྲུང་བ་དང་། མདོ་སྡེ་འདི་ལྟ་བུ་འཛིན་པའོ། །དེ་ལ་ཆོས་སྲུང་བ་གང་ཞེ་ན། འདི་ལྟ་སྟེ། སངས་རྒྱས་ཀྱི་ཆོས་ལ་སྨོད་པ་རྣམས་ཆོས་དང་འཐུན་པས་ཚར་གཅོད་པའོ། །དེ་ལ་ལས་ཀྱི་རྣམ་པར་སྨིན་པ་ལ་ཡིད་ཆེས་པ་གང་ཞེ་ན། འདི་ལྟ་སྟེ། ཁྲེལ་ཡོད་པས་
D127.055.0163b07.01