完整藏文原文 · 德格版页 当前仅加载第 55 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོ་དེ་དག་ཀྱང་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། སོ་སོའི་སྙིམ་པ་ན་མེ་ཏོག་མནྡཱ་ར་བ་ཡོད་པ་དེས་བཅོམ་ལྡན་འདས་ལ་མངོན་པར་གཏོར་ནས་ཕྱོགས་གཅིག་ཏུ་འཁོད་དོ། །ཟླ་འོད་གཞོན་
D127.055.0032b01.01ནུར་གྱུར་པ་ཕྱོགས་གཅིག་ཏུ་འདུག་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་གདུགས་ཚོད་ལ་བབ་པ། བཅོམ་ལྡན་འདས་བཤོས་གཙང་སྦྱར་ལགས་ཏེ། ད་དེའི་དུས་
D127.055.0032b02.01ལ་བབ་པར་བཅོམ་ལྡན་འདས་ཀྱིས་མཁྱེན་ན། བྱང་ཆུབ་སེམས་དཔའི་དགེ་འདུན་དང་དགེ་སློང་གི་དགེ་འདུན་དུ་བཅས་པ་དང་དབང་ཆེ་བ་དང་། དབང་ཆེ་བར་གྲགས་པ་རྒྱ་ཆེ་ཞིང་རླབས་ཆེ་བའི་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་དྲང་སྲོང་དང་ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་
D127.055.0032b03.01ཆེན་པོ་དང་གྲུལ་བུམ་དང་{ཡི་དགས་,ཡི་དྭགས་}དང་སྲུལ་པོ་དང་མི་དང་མི་མ་ཡིན་པ་དག་དང་ཡང་ཐབས་ཅིག་ཏུ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་གཤེགས་ཤིང་བདག་གི་སྡུམ་པར་ཡང་གདུགས་ཚོད་གསོལ་བའི་དུས་ལ་བབ་བོ། །བདེ་བར་གཤེགས་པ་གདུགས་ཚོད་ལ་བབ་བོ། །དེ་ལ་འདི་སྐད་
D127.055.0032b04.01ཅེས་བྱ་སྟེ། བདག་གིས་གྲོང་ཁྱེར་མཆོག་ཀུན་ལེགས་པར་བརྒྱན། །མགོན་པོ་བདག་གི་སྡུམ་པའང་དེ་བཞིན་ཏེ། །ལྷ་ཡི་ཞལ་ཟས་རོ་བརྒྱ་བཤམས་ཤིང་སྦྱར། །གདུགས་ཚོད་བབ་ཀྱིས་བདེ་གཤེགས་བཞེངས་སུ་གསོལ། །དྲང་སྲོང་མཆོག་གིས་ཕྱག་བགྱིས་སྟོབས་བཅུ་ཡོན་ཏན་འཆང་། །
D127.055.0032b05.01སྲས་ཀྱི་ཚོགས་ཀྱིས་ཡོངས་སུ་བསྐོར་ཅིང་གྲོང་དུ་གཤེགས། །སྣང་བྱེད་ཉི་མ་མུན་པའི་ཚོགས་སེལ་བཞེངས་སུ་གསོལ། །བཅོམ་ལྡན་བདག་གི་སྡུམ་པར་བཤོས་གསོལ་གདུགས་ཚོད་བབ། །སྲས་དང་ཐབས་ཅིག་བདག་གི་སྡུམ་པར་གཤེགས་སུ་གསོལ། །འགྲོ་བ་མང་པོའི་ཚོགས་
D127.055.0032b06.01ཀྱི་དོན་ཀྱང་བགྱིས་པར་འགྱུར། །ཇི་ལྟར་མར་མེ་མཛད་ཀྱིས་ཁྱོད་ལ་ལུང་བསྟན་པ། །དེ་བཞིན་བདག་ཀྱང་འཇིག་རྟེན་མངོན་སུམ་ལུང་སྟོན་ཅིག །བདག་འདིར་ལུང་བསྟན་འཇིག་རྟེན་ཐོས་ནས་ནི། །སེམས་ཀྱང་མཆོག་ཏུ་རྒྱ་ཆེར་རབ་བསྐྱེད་དེ། །འགྲོ་བ་འདི་དག་ཐམས་ཅད་སངས་རྒྱས་
D127.055.0032b07.01