完整藏文原文 · 德格版页 当前仅加载第 55 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
ཕ་དང་དགེ་བསྙེན་མ། །སྲོག་ཆགས་བྱེ་བ་བདུན་ཅུ་དྲུག །གང་དག་མདོ་སྡེ་འདི་ཐོས་པ། །དེ་དག་མི་གཙོས་ལུང་བསྟན་ཏེ། །བྱང་ཆུབ་སྤྱོད་པ་རབ་སྤྱོད་ཅིང་། །གང་གཱའི་བྱེ་མ་མཉམ་པ་ཡི། །འཇིག་རྟེན་འདྲེན་པ་མཐོང་བར་འགྱུར། །སངས་རྒྱས་ཡེ་ཤེས་རབ་
D127.055.0067a01.01ཚོལ་བས། །ཐམས་ཅད་ལ་ཡང་མཆོད་པ་བྱེད། །མདོ་སྡེ་བླ་ན་མེད་པ་འདི། །དེ་དང་དེར་ཡང་ཐོས་པར་འགྱུར། །བྱམས་པ་ཡི་ནི་སངས་རྒྱས་ལ། །བླ་ན་མེད་པའི་མཆོད་བྱས་ཏེ། །དམ་པའི་ཆོས་མཆོག་བཟུང་ནས་ནི། །བདེ་བ་ཅན་དུ་འགྲོ་བར་འགྱུར། །གང་ན་སངས་རྒྱས་
D127.055.0067a02.01རྡུལ་བྲལ་བ། །ཚེ་དཔག་མེད་པ་དེ་བཞིན་གཤེགས། །དེ་ལ་བྱང་ཆུབ་མཆོག་གི་ཕྱིར། །མཆོད་པ་དག་ཀྱང་བྱེད་པར་འགྱུར། །མདོ་སྡེ་དམ་པ་འདི་ཐོས་ན། །མ་འོངས་པ་ཡི་བསྐལ་པར་ནི། །གྲངས་མེད་བདུན་ཅུ་རྩ་གསུམ་དུ། །ངན་འགྲོ་རྣམས་སུ་ཡང་མི་འགྲོ། །ཕྱི་མའི་
D127.055.0067a03.01དུས་ལ་སུ་དག་ནི། །མདོ་སྡེ་དམ་པ་ཉན་འགྱུར་ཞིང་། འཆང་ངམ་ཀློག་པར་བྱེད་པ་ཡང་། །དེ་དག་ཀུན་གྱིས་ང་ལ་མཆོད། །ཇི་སྙེད་མདུན་ན་འདུག་པ་རྣམས། །ཐམས་ཅད་ལ་ཡང་བསྒོ་བྱ་སྟེ། །ངས་ནི་དཀའ་བས་ཐོས་པ་ཡི། །བྱང་ཆུབ་འདི་ཡང་ཡོངས་སུ་གཏད། །ཏིང་ངེ་
D127.055.0067a04.01འཛིན་རྗེས་སུ་གཏད་པའི་ལེའུ་སྟེ་{བཅྭ་,བཅོ་}བརྒྱད་པའོ།། །།དེ་ནས་ཡང་བཅོམ་ལྡན་འདས་ཀྱིས་ཟླ་འོད་གཞོན་ནུར་གྱུར་པ་ལ་བཀའ་སྩལ་པ། གཞོན་ནུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ཀྱི་རང་བཞིན་མཉམ་པ་ཉིད་རྣམ་པར་སྤྲོས་པའི་ཏིང་ངེ་
D127.055.0067a05.01འཛིན་ལས་ཡོན་ཏན་གྱི་ཕན་ཡོན་བསམ་གྱིས་མི་ཁྱབ་ཅིང་དཔག་ཏུ་མེད་པ་ཐོས་ནས་མི་སྐྲག་པར་འདོད་པ་དང་མི་དངང་བར་འདོད་པ་དང་དངང་བར་མི་འགྱུར་བར་འདོད་པས་སངས་རྒྱས་ཀྱི་ཆོས་བསམ་གྱིས་མི་ཁྱབ་པ་བསྟན་པ་ལ་མཁས་པར་བྱའོ། །སངས་རྒྱས་ཀྱི་ཆོས་བསམ་གྱིས་མི་ཁྱབ་པ་ལ་མོས་
D127.055.0067a06.01པར་བྱའོ། །སངས་རྒྱས་ཀྱི་ཆོས་བསམ་གྱིས་མི་ཁྱབ་པ་ཡོངས་སུ་དྲི་བ་ལ་མཁས་པར་བྱའོ། །སངས་རྒྱས་ཀྱི་ཆོས་བསམ་གྱིས་མི་ཁྱབ་པ་ཡོངས་སུ་བཙལ་བ་ལ་མཁས་པར་བྱའོ། །སངས་རྒྱས་ཀྱི་ཆོས་བསམ་གྱིས་མི་ཁྱབ་པ་ཐོས་ནས་མི་སྐྲག །མི་དངང་དངང་བར་མི་འགྱུར་བར་བྱའོ། །དེ་སྐད་ཅེས་བཀའ་
D127.055.0067a07.01