完整藏文原文 · 德格版页 当前仅加载第 55 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་ན། །དེ་དག་མྱུར་དུ་ཏིང་འཛིན་འདི་ཐོབ་འགྱུར།། །།འཕགས་པ་ཏིང་ངེ་འཛིན་གྱི་རྒྱལ་པོའི་མདོ། །བམ་པོ་དྲུག་པ། དེ་ནས་བཅོམ་ལྡན་འདས་ཀྱིས་སངས་རྒྱས་མང་པོའི་ཏིང་ངེ་འཛིན་གྱི་སྒོ་སྔོན་བྱུང་བའི་ལེའུ་འདི་ཟླ་འོད་གཞོན་ནུར་གྱུར་པ་ལ་རྒྱ་ཆེར་
D127.055.0058a01.01རྒྱས་པར་རབ་ཏུ་བསྟན་ཏོ། །སངས་རྒྱས་འདི་དག་གི་ཡང་ཕ་རོལ་ན། །བསྐལ་པ་བསམ་ཡས་དཔག་ཏུ་མེད་པའི་ཚེ། །ལྷ་མིས་མཆོད་པ་སངས་རྒྱས་གཞན་ཞིག་བྱུང་། །དེ་ཡི་མཚན་ནི་མི་དབང་དབྱངས་ཞེས་བྱ། །དེ་བཞིན་གཤེགས་པ་མི་དབང་དབྱངས་ཀྱི་ནི། །ཚེ་ཚད་ལོ་གྲངས་
D127.055.0058a02.01བདུན་ཁྲི་དྲུག་སྟོང་སྟེ། །ཉན་ཐོས་དག་ནི་བྱེ་བ་བརྒྱ་ཕྲག་གསུམ། །དེ་ཡི་འདུས་པ་དང་པོར་གྱུར་པ་ཡིན། །མངོན་ཤེས་དྲུག་ལྡན་གསུམ་རིག་དབང་པོ་ཐུལ། །མཐུ་ཡང་ཆེ་ཞིང་རྫུ་འཕྲུལ་ཆེན་པོ་སྟེ། །ཟག་པ་ཟད་པ་ཐ་མའི་ལུས་འཛིན་པ། །འོད་མཛད་ཀྱི་ནི་དགེ་འདུན་དེ་ཚེ་བྱུང་། །
D127.055.0058a03.01བྱེ་བ་ཁྲག་ཁྲིག་སྟོང་ཕྲག་བརྒྱད་ཅུ་ཡི། །བྱང་ཆུབ་སེམས་དཔའ་རྣམས་ཀྱི་ཚོགས་བྱུང་སྟེ། །བློ་གྲོས་ཟབ་ཅིང་གྲགས་པ་ཤིན་ཏུ་ཆེ། །མཐུ་ཡང་ཆེ་ཞིང་རྫུ་འཕྲུལ་ཆེ་བར་གྱུར། །མངོན་པར་ཤེས་པ་ཐོབ་ཅིང་སྤོབས་པར་ལྡན། །སྟོང་པ་ཐམས་ཅད་རྟོགས་པར་ཁོང་དུ་ཆུད། །ཞིང་ནི་
D127.055.0058a04.01བྱེ་བར་དེ་ལས་ལྷག་པར་ཡང་། །གང་གཱའི་བྱེ་མ་སྙེད་དུ་འཕྲུལ་གྱིས་འགྲོ །རྐང་གཉིས་གཙོ་ལ་དྲི་བ་དྲིས་ནས་ནི། །ཕྱིར་ཡང་རྒྱལ་བ་དེ་ཡི་དྲུང་དུ་འོང་། །མདོ་སྡེ་སྒྲུབ་པའི་ངེས་པའི་ཚིག་ལ་མཁས། །སྣང་བར་གྱུར་པ་ས་ཡི་སྟེང་ན་རྒྱུ། །སེམས་ཅན་དོན་ཕྱིར་སྤྱད་པ་རྣམ་སྤྱོད་དེ། །
D127.055.0058a05.01བདེ་བར་གཤེགས་པའི་སྲས་པོ་མཐུ་ཆེན་ནི། །འདོད་པའི་རྐྱེན་གྱིས་སྡིག་པ་མི་བྱེད་དེ། །དེ་དག་ལ་ནི་ལྷ་ཡང་སྨོན་པ་སྐྱེད། །སྲིད་པའི་འགྲོ་བར་མི་གནས་དོན་མི་གཉེར། །མཉམ་གཞག་བསམ་གཏན་གནས་པའི་སྤྱོད་ཡུལ་ཅན། །རྣམ་པར་ངེས་པའི་དོན་ལྡན་འཇིགས་མེད་
D127.055.0058a06.01པ། །དྲི་མ་མེད་པར་རྟག་ཏུ་ཚངས་པར་སྤྱོད། །ཚིག་ཀྱང་རྒྱུན་མི་འཆད་ཅིང་སྤོབས་པར་ལྡན། །ངེས་ཚིག་བསྟན་པའི་ཚིག་གི་དོན་ལ་མཁས། །སངས་རྒྱས་སྲས་པོ་ཀུན་ཏུ་ཡང་དག་སྟོན། །དགེ་བའི་ལས་རྣམས་ཀྱིས་ཀྱང་ཡོངས་སུ་བཟུང་། །བསྐལ་པ་མཐའ་ཡས་པར་
D127.055.0058a07.01