完整藏文原文 · 德格版页 当前仅加载第 55 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་བུ་མཆོག་ལ་མཆོད་པ་བྱེད། །གནོད་སྦྱིན་ལག་ན་གཞོང་ཐོགས་མང་པོ་ཡང་། །གནོད་སྦྱིན་བུ་མོ་དེ་དག་རབ་བརྒྱན་ཏེ། །གནོད་སྦྱིན་རོལ་མོ་རབ་ཏུ་སྙན་པ་དང་། །ཤིན་ཏུ་ཡིད་འོང་བརྒྱས་ནི་སངས་རྒྱས་མཆོད། །གླུ་དབྱངས་སིལ་སྙན་འཇམ་ཞིང་སྙན་པ་ལ། །མཁས་པ་མི་འམ་
D127.055.0037b01.01ཅི་ཡི་བུ་མོ་སྟོང་། །མི་འམ་ཅི་ཡི་རྒྱལ་པོ་ལྗོན་པ་ཡང་། །རྒྱལ་མཆོག་མཆོད་པར་སྤོས་ངད་ལྡང་ལས་ལྷགས། །བདེ་མཆོག་སྟོབས་ལྡན་སྒྲ་གཅན་ཐགས་བཟང་རིས། །ལྷ་མིན་བུ་མོ་སྟོང་གི་འཁོར་བཅས་དང་། །ལྷ་མིན་རྫུ་འཕྲུལ་ཆེན་པོ་གཞན་མང་ཡང་། །རིན་པོ་ཆེ་ཡི་ཆར་ཕབ་ཉེ་བར་
D127.055.0037b02.01ལྷགས། །སྲིན་པོ་ཁྲག་ཁྲིག་བརྒྱ་ཕྲག་མཐའ་ཡས་ཀྱང་། །སྲིན་པོ་བྱེ་བ་བརྒྱ་ཡིས་བསྙེན་བཀུར་ཞིང་། །མེ་ཏོག་སིལ་མ་སྣ་ཚོགས་མང་པོ་ཡང་། །སྐྱེས་བུ་མཆོག་ལ་གུས་པར་རབ་ཏུ་འཐོར། །ཀླུ་ཡི་རྒྱལ་པོ་རི་བོ་ལེགས་པ་ཡང་། །འཁོར་མང་དེ་བཞིན་གཤེགས་པའི་དྲུང་དུ་ལྷགས། །
D127.055.0037b03.01རིན་ཆེན་མེ་ཏོག་རྣམ་མང་མཆོག་ཐོགས་ཏེ། །བདེ་གཤེགས་ཞབས་གཉིས་ལ་ནི་རབ་ཏུ་འདུད། །ཀླུ་དབང་པད་མ་དང་ནི་པད་མ་ཆེ། །དེ་བཞིན་ནོར་ཡོད་མཐའ་ཡས་གདེངས་ཀ་ཅན། །དེ་དག་ཁྱུ་མཆོག་དྲུང་དུ་ཉེར་ལྷགས་ཏེ། །བདེ་བར་གཤེགས་ལ་གུས་པས་རབ་ཏུ་འདུད། །ཀླུ་ཡི་རྒྱལ་
D127.055.0037b04.01པོ་ནོར་བུ་ཡིད་དགའ་ཞིང་། །ཁྱུ་མཆོག་ཞབས་ཀྱི་དྲུང་དུ་ཉེ་བར་འོངས། །ཀླུ་ཡི་མེ་ཏོག་དྲི་ཞིམ་མཆོག་ཐོགས་ཏེ། །ཧ་ཅང་མི་རིང་བདེ་གཤེགས་སྤྱན་སྔར་འདུག །དེ་བཞིན་མ་དྲོས་ཀླུ་ཡི་རྒྱལ་པོ་ཡང་། །ཀླུ་ཡི་བུ་མོ་ཤིན་ཏུ་བསླབས་པའི་མཆོག །རྔ་དང་སིལ་སྙན་སྟོང་ཕྲག་བརྒྱ་བརྡུང་
D127.055.0037b05.01ཞིང་། །འཇིག་རྟེན་མགོན་པོ་མཆོད་ཕྱིར་ཉེ་བར་ལྷགས། །མ་དྲོས་པ་ཡི་བུ་ཕོ་ལྔ་བརྒྱ་དག །ཡེ་ཤེས་ཡངས་པ་བླ་མེད་ཚོལ་བའི་ཕྱིར། །གཉེན་འདབ་དག་གིས་བསྐོར་ཅིང་དགར་གྱུར་ནས། །རང་གིས་རང་བྱུང་མཆོད་ཕྱིར་ཉེ་བར་ལྷགས། །དེ་བཞིན་ཀླུ་ཡི་རྒྱལ་པོ་སོག་མེད་ཀྱང་། །
D127.055.0037b06.01སྐྱེས་བུ་མཆོག་ལ་ཐར་སྦྱར་རབ་བཏུད་ནས། །ཀླུ་ཡི་མུ་ཏིག་མཛེས་ཤིང་བཟང་བ་ཐོགས། །མཁའ་ལ་འདུག་ནས་ཐུབ་རྒྱལ་མཆོད་པ་བྱེད། །དེ་བཞིན་ཀླུ་ཡི་རྒྱལ་པོ་བཏང་བཟུང་ཡང་། །རབ་ཏུ་ཡིད་བདེ་དགའ་མགུ་སྐྱེས་ནས་ནི། །རིན་ཆེན་མུ་ཏིག་སྣ་ཚོགས་ཐོགས་ནས་སུ། །དེར་
D127.055.0037b07.01