完整藏文原文 · 德格版页 当前仅加载第 55 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་ཚུལ་ཁྲིམས་མ་འབགས་པ་དང་ཚུལ་ཁྲིམས་མི་དམིགས་པ་དང་འཕགས་པས་བསྟོད་པའི་ཚུལ་ཁྲིམས་དང་མཁས་པས་བསྟོད་པའི་ཚུལ་ཁྲིམས་པ་ཡིན་ཏེ། གཞོན་ནུ་ཆོས་གཉིས་པོ་འདི་དག་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་ཐོབ་
D127.055.0056a01.01པར་འགྱུར་རོ། །གཞན་ཡང་གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་ཁམས་གསུམ་ལ་སེམས་སྐྲག་པ་དང་སེམས་དངངས་པ་དང་སེམས་སྐྱོ་བ་དང་དོན་དུ་མི་གཉེར་ཅིང་མངོན་པར་མི་དགའ་བ་དང་མ་ཆགས་མ་ཞེན་པ་དང་ཁམས་གསུམ་ལ་ཡིད་སྐྱོ་བས་ཁམས་གསུམ་ལས་གཞན་དུ་
D127.055.0056a02.01སེམས་ཅན་སྡུག་བསྔལ་བ་རྣམས་ཐར་བར་བྱའོ་ཞེས་བརྩོན་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་སྒྲུབ་པ་ཡིན་ཏེ། གཞོན་ནུ་ཆོས་གསུམ་པོ་འདི་དག་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་ཐོབ་པར་འགྱུར་རོ། །གཞན་ཡང་
D127.055.0056a03.01གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་དད་ཅིང་ཆོས་ཡོངས་སུ་ཚོལ་བས་མི་ངོམས་པ་ཡིན། མང་དུ་ཐོས་ཤིང་འཇིགས་པ་མེད་པ་ཡིན། ཆོས་འདོད་ཅིང་ཆོས་ལྷུར་བྱེད་པ་ཡིན་ཏེ། རྙེད་པ་དང་བཀུར་སྟི་ལྷུར་བྱེད་པ་མ་ཡིན། ཤེས་ཀྱི་ཁེ་ལྷུར་བྱེད་པ་མ་ཡིན། ཕན་པའི་
D127.055.0056a04.01དངོས་པོ་སྔོན་དུ་འགྲོ་བའི་སེམས་ཀྱིས་ཆོས་ཇི་སྐད་དུ་ཐོས་པ་དང་། ཇི་ལྟར་ཁོང་དུ་ཆུད་པ་གཞན་ལ་རྒྱ་ཆེར་འཆད་ཅིང་རབ་ཏུ་སྟོན་པ་ཡིན་ཏེ། ཤེས་ཀྱི་ཁེ་འདོད་པས་ནི་མ་ཡིན་གྱི་ཅི་ནས་སེམས་ཅན་འདི་རྣམས་ཆོས་འདི་དག་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་
D127.055.0056a05.01ལྡོག་པར་འགྱུར་སྙམ་པ་སྟེ། གཞོན་ནུ་ཆོས་བཞི་པོ་འདི་དག་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་ཐོབ་པར་འགྱུར་རོ། །གཞོན་ནུ་ཆོས་བཞི་པོ་འདི་དག་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ཀྱི་རང་བཞིན་
D127.055.0056a06.01མཉམ་པ་ཉིད་རྣམ་པར་སྤྲོས་པའི་ཏིང་ངེ་འཛིན་འདི་ཐོབ་པར་འགྱུར་ཏེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱའོ། །གཞོན་ནུ་རྣམ་གྲངས་འདིས་ཏིང་ངེ་འཛིན་འདི་འདི་ལྟར་སངས་རྒྱས་མང་པོས་བཤད་པ་སངས་རྒྱས་མང་པོས་བསྔགས་
D127.055.0056a07.01