完整藏文原文 · 德格版页 当前仅加载第 55 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་དྲན་པ་བསྒོམ་བྱས་ན། །དེ་ལ་སེམས་གཞོལ་རབ་ཏུ་འབབ་པར་འགྱུར། །དེ་ནི་འཆགས་འདུག་འགྲེང་ཞིང་གནས་པའི་ཚེ། །སྐྱེས་བུ་དམ་པའི་ཡེ་ཤེས་རབ་ཏུ་འདོད། །འཇིག་རྟེན་རྒྱལ་བ་བླ་མེད་བདག་འགྱུར་བར། །འདོད་པས་བྱང་ཆུབ་ཏུ་ཡང་སྨོན་ལམ་
D127.055.0014a01.01འདེབས། །དེས་ནི་སངས་རྒྱས་ཤེས་ཤིང་སངས་རྒྱས་མཐོང་། །སངས་རྒྱས་ཆོས་ཉིད་ལ་ཡང་སོ་སོར་རྟོག །ཏིང་འཛིན་འདི་ལ་རབ་ཏུ་གནས་བྱས་ནས། །མཐུ་ཆེན་སངས་རྒྱས་ལ་ནི་ཕྱག་ཀྱང་འཚལ། །ལུས་དང་ངག་དང་ཡིད་རབ་དང་བ་ཡིས། །རྟག་ཏུ་སངས་རྒྱས་དག་གི་བསྔགས་
D127.055.0014a02.01པ་བརྗོད། །དེ་ལྟར་དེས་ནི་སེམས་ཀྱི་རྒྱུད་བསྒོམས་པས། །ཉིན་མཚན་དུ་ཡང་འཇིག་རྟེན་མགོན་པོ་མཐོང་། །ནམ་ཞིག་དེ་ནི་ན་ཞིང་མི་བདེ་ནས། །ཤི་ལ་ཐུག་པའི་སྡུག་བསྔལ་ཚོར་བྱུང་ན། །སངས་རྒྱས་ལ་ནི་དྲན་པ་མི་ཉམས་ཏེ། །སྡུག་བསྔལ་ཚོར་བས་འཕྲོགས་པར་ཡོང་མི་འགྱུར། །
D127.055.0014a03.01དེ་ལྟར་དེ་དག་ཡེ་ཤེས་རྣམ་བརྟགས་པས། །འོངས་དང་མ་འོངས་ཆོས་རྣམས་སྟོང་པར་ཤེས། །དེ་འདྲའི་ཆོས་ཀྱི་ཚུལ་ལ་དེ་གནས་པ། །སྤྱོད་པ་ཡོངས་སུ་སྤྱོད་པས་སེམས་མི་སྐྱོ། །དེ་ཕྱིར་ཕན་ཡོན་འདི་དག་ཐོས་ནས་ནི། །མཚུངས་མེད་བྱང་ཆུབ་ལ་ཡང་མོས་པ་སྐྱེད། །བདེ་
D127.055.0014a04.01གཤེགས་དམ་པ་མཐོང་བ་རྙེད་དཀའ་ཡིས། །ཕྱི་མའི་དུས་ན་འགྱོད་པ་སྐྱེས་ས་རེ། །ངས་ནི་རབ་ཏུ་བཟང་བའི་ཆོས་བཤད་ཀྱང་། །ཁྱེད་ཀྱིས་ཐོས་ནས་ཡང་དག་མ་སྤྱད་ན། །ནད་པ་སྨན་གྱི་རྒྱལ་བ་ཐོགས་པ་དག །བདག་གི་ནད་ནི་གསོ་བར་མི་ནུས་བཞིན། །དེ་ཕྱིར་མཁས་པ་
D127.055.0014a05.01ཤིན་ཏུ་རྟོགས་པ་དག །རྟག་ཏུ་ཏིང་འཛིན་འདི་ནི་འདོད་པ་ཡིས། །ཚུལ་ཁྲིམས་ཐོས་པ་གཏོང་བ་བསྙེན་བྱས་ན། །ཏིང་འཛིན་འདི་ནི་རྙེད་པར་ཡོང་མི་དཀའ། །ཏིང་ངེ་འཛིན་གྱི་ལེའུ་སྟེ་བཞི་པའོ།། །།དེ་ནས་ཡང་བཅོམ་ལྡན་འདས་ཀྱིས་ཟླ་འོད་གཞོན་ནུར་གྱུར་པ་
D127.055.0014a06.01ལ་བཀའ་སྩལ་པ། གཞོན་ནུ་དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་འདོད་ཅིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པས་མགོ་དང་གོས་ལ་མེ་འབར་བ་ལྟ་བུའི་སེམས་ཀྱིས་ཕ་དང་མ་དང་
D127.055.0014a07.01