完整藏文原文 · 德格版页 当前仅加载第 55 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་མཉམ་པར་བཞག །དེ་ནི་ཏིང་འཛིན་སྟོབས་ཅན་སྟོབས་དང་ལྡན། །བྲག་ཕུག་རི་དང་གཅོང་རོང་ཀླུང་རྣམས་སུ། །རྐྱེན་གྱིས་ཇི་ལྟར་བྲག་ཅ་འབྱུང་བ་ལྟར། །དེ་བཞིན་འདུས་བྱས་འདི་ཀུན་རིག་པར་གྱིས། །འཇིག་རྟེན་ཐམས་ཅད་སྒྱུ་མ་སྨིག་རྒྱུ་བཞིན། །གང་དུ་ཏིང་འཛིན་ཞི་བ་འདི་
D127.055.0147b01.01བཤད་པ། །ཡོན་ཏན་ཆོས་སུ་གྱུར་པ་ཤེས་རབ་སྟོབས། །དྲང་སྲོང་ཡེ་ཤེས་སྟོབས་ཀྱིས་མངོན་པར་ཤེས། །ཚིག་ནི་ཐབས་མཁས་པ་ཡི་ངེས་པའི་ཚིག །བརྟགས་པ་ཙམ་དུ་བརྟགས་ནས་བརྗོད་པ་ཡིན། །འཁོར་བ་ལ་ནི་མཐའ་མ་མི་རྙེད་དེ། །གང་དག་སྔོན་བྱུང་མཐའ་ནི་མཚན་
D127.055.0147b02.01ཉིད་མེད། །མ་འོངས་དུས་ཀྱང་ཤེས་པར་བྱ་བའི་ཕྱིར། །ལས་དང་བྱ་བས་དེ་ལྟར་ཞུགས་གྱུར་ཏེ། །རབ་དང་ཐ་མ་དག་ཏུའང་འབྱུང་བར་འགྱུར། །ཆོས་རྣམས་རྟག་ཏུ་དབེན་ཞིང་རང་བཞིན་སྟོང་། །ཐམས་ཅད་བདག་མེད་པར་ཡང་ཤེས་པར་གྱིས། །ཀུན་རྫོབ་ཏུ་ནི་རྒྱལ་བས་
D127.055.0147b03.01ཆོས་བཤད་དེ། །འདུས་བྱས་འདུས་བྱས་མ་ཡིན་དེ་ལྟར་ལྟོས། །ཡང་དག་ཉིད་དུ་བདག་དང་མི་མེད་དེ། །འགྲོ་བ་ཀུན་གྱི་མཚན་ཉིད་དེ་འདྲའོ། །དགེ་དང་ནག་པོའི་ལས་རྣམས་མི་འཇིག་སྟེ། །བདག་གིས་བྱས་པ་དག་ནི་མྱོང་བར་འགྱུར། །ལས་ཀྱི་འབྲས་བུ་འཕོ་བར་
D127.055.0147b04.01མི་འགྱུར་ཏེ། །རྒྱུ་མེད་པར་ཡང་མྱོང་བར་མི་འགྱུར་རོ། །སྲིད་པ་ཐམས་ཅད་སྒྱུ་མ་དབང་མེད་པ། །གསོག་དང་གསོབ་ཏུ་གྱུར་པ་དབུ་བ་བཞིན། །སྒྱུ་མ་སྨིག་རྒྱུ་ལྟ་བུར་རྟག་ཏུ་སྟོང་། །སྒྲ་ཡིས་དེ་བཤད་དེ་དག་དབེན་པ་ཡིན། །དེ་ལྟར་རྣམ་པར་རིག་པ་རློམ་སེམས་མེད། །ཚུལ་
D127.055.0147b05.01ཁྲིམས་ལ་ཡང་ཆགས་པ་མེད་པའི་སེམས། །བཟོད་པའི་སྟོབས་ཀྱིས་ཅུང་ཟད་མི་རྟོག་སྟེ། །དེ་ལྟར་སྤྱོད་པ་མཉམ་པར་གཞག་པར་འགྱུར། །རྒྱལ་པོ་དེས་ནི་ཇི་ཙམ་ཆོས་རིག་པ། །དེ་ཙམ་དུ་ནི་རྒྱལ་བ་དེས་བཤད་དེ། །རྒྱལ་པོས་རྒྱལ་བའི་ཆོས་འདི་ཐོས་ནས་ནི། །འཁོར་
D127.055.0147b06.01དང་བཅས་པས་བསླབ་པ་ཡང་དག་བཟུང་། །རྒྱལ་པོའི་བུ་དེས་ཏིང་འཛིན་འདི་མཉན་ནས། །དགའ་ཞིང་ཡི་རངས་ཚིག་ཀྱང་འདི་སྐད་སྨྲ། །ཤིན་ཏུ་ལེགས་པར་ཏིང་འཛིན་འདི་བཤད་དེ། །ཁྱོད་ཀྱི་ཞབས་ལ་བདག་ནི་ཕྱག་འཚལ་ལོ། །དེར་ཡང་སྲོག་ཆགས་སྟོང་ཕྲག་བརྒྱད་ཅུ་དག །
D127.055.0147b07.01