完整藏文原文 · 德格版页 当前仅加载第 55 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་དང་། །དེ་ལས་ལྷག་པར་གང་གཱའི་བྱེ་མ་སྙེད། །གང་དག་བྱ་རྒོད་ཕུང་པོ་འདིར་བཞུགས་ནས། །ཏིང་འཛིན་ཞི་མཆོག་འདི་སྟོན་ངས་དྲན་ཏེ། །དེ་ཀུན་མཚན་ཀྱང་ཤཱཀྱ་ཁྱུ་མཆོག་ཡིན། །ཀུན་གྱི་སྲས་ཀྱང་དགྲ་གཅན་ཟིན་ཅེས་བྱ། །ཞབས་འབྲིང་བ་ཡི་མིང་ཡང་
D127.055.0009a01.01ཀུན་དགའ་བོ། །སེར་སྐྱའི་གྲོང་ནས་ཐམས་ཅད་རབ་ཏུ་བྱུང་། །འཕྲུལ་མཆོག་ཤཱ་རིའི་བུ་དང་པང་ནས་སྐྱེས། །སྐྱོབ་པ་ཀུན་ཀྱང་མཚན་ནི་འཐུན་པར་གྱུར། །དེ་ཚེ་འཇིག་རྟེན་ཁམས་ཀྱང་མིང་འདྲ་སྟེ། །ཐམས་ཅད་ཀྱང་ནི་སྙིགས་མའི་དུས་སུ་བྱུང་། །བྱང་ཆུབ་སྤྱད་པ་འདི་ནི་སྤྱོད་
D127.055.0009a02.01པའི་ཚེ། །མི་དབང་དེ་ཀུན་ང་ཡིས་བཀུར་སྟིར་བྱས། །ཏིང་འཛིན་འདི་ནི་ཡོངས་སུ་ཚོལ་བའི་ཚེ། །རྒྱལ་ལ་མཆོད་པ་མ་བྱས་ཅི་ཡང་མེད། །ནན་ཏན་གྱིས་ནི་ཏིང་འཛིན་འདི་རྙེད་དེ། །ནན་ཏན་དག་ཀྱང་རྣམ་པ་མང་དུ་གསུངས། །ཡོན་ཏན་ཀུན་ལ་རབ་ཏུ་གནས་པ་དག །དེ་ལ་ཏིང་འཛིན་
D127.055.0009a03.01འདི་ནི་རྙེད་མི་དཀའ། །བྲོ་བ་དག་ལ་མ་ཞེན་མི་བསྐམ་ཞིང་། །ཁྱིམ་རྣམས་ལ་ཡང་མ་ཆགས་ཕྲག་དོག་མེད། །བྱམས་ལ་གནས་ཤིང་ཁྲོ་བ་མེད་པ་གང་། །དེ་ལ་ཏིང་འཛིན་འདི་ནི་རྙེད་མི་དཀའ། །རྙེད་དང་བཀུར་སྟི་དག་ཀྱང་མི་འདོད་ཅིང་། །འཚོ་བ་གཙང་ཞིང་ཅི་ཡང་མི་འཆང་བ། །
D127.055.0009a04.01ཚུལ་ཁྲིམས་རྣམ་པར་དག་ཅིང་འཇིགས་མེད་པ། །དེ་ལ་ཏིང་འཛིན་འདི་ནི་རྙེད་མི་དཀའ། །གཡེལ་བ་མེད་ཅིང་བརྩོན་འགྲུས་བརྩམས་པ་དང་། །དགོན་པར་གནས་ཤིང་སྦྱངས་ལ་གནས་གྱུར་དང་། །བདག་མེད་བཟོད་པ་ལ་ཡང་རབ་གནས་པ། །དེ་ལ་ཏིང་འཛིན་འདི་ནི་རྙེད་མི་དཀའ། །རྒོད་
D127.055.0009a05.01པ་མེད་ཅིང་ཤིན་ཏུ་དུལ་བའི་སེམས། །སྤྱོད་དང་སྤྱོད་ལམ་དག་ལ་རབ་ཏུ་གནས། །གཏོང་ལ་མོས་ཤིང་སེར་སྣ་མེད་པ་དག །དེ་ལ་ཏིང་འཛིན་འདི་ནི་རྙེད་མི་དཀའ། །ཏིང་འཛིན་ཞི་བ་འདི་ནི་གང་འཛིན་པ། །དེ་ལ་དཔེ་བྱད་བཟང་དང་མཚན་རྣམས་དང་། །འདྲེན་པས་སངས་རྒྱས་ཆོས་ནི་
D127.055.0009a06.01{བཅྭ་,བཅོ་}བརྒྱད་དང་། །སྟོབས་དང་མི་འཇིགས་གང་བརྗོད་རྙེད་མི་དཀའ། །སངས་རྒྱས་སྤྱན་གྱིས་གཟིགས་པའི་སེམས་ཅན་གང་། །དེ་དག་དུས་གཅིག་སངས་རྒྱས་ཉིད་གྱུར་ལ། །དེ་རྣམས་རེ་རེའི་ཚེ་ཡི་ཚད་ཀྱང་ནི། །བསྐལ་པ་བྱེ་བ་སྟོང་ཕྲག་བསམ་མི་ཁྱབ། །དེ་དག་རེ་རེ་ལ་ཡང་མགོ་
D127.055.0009a07.01