完整藏文原文 · 德格版页 当前仅加载第 55 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པར་བྱའོ། །ཆོས་ཐམས་ཅད་རྨི་ལམ་ལྟ་བུ་དང་སྨིག་རྒྱུ་ལྟ་བུ་དང་བྲག་ཅ་ལྟ་བུ་དང་མིག་ཡོར་ལྟ་བུ་དང་ཆུ་ཟླ་ལྟ་བུ་དང་སྤྲུལ་པ་ལྟ་བུ་དང་གཟུགས་བརྙན་ལྟ་བུ་དང་ནམ་མཁའ་ལྟ་བུར་རབ་ཏུ་ཤེས་པར་བྱའོ། །གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོས་ནམ་ཆོས་ཐམས་
D127.055.0025a01.01ཅད་སྒྱུ་མ་ལྟ་བུར་ཡོངས་སུ་ཤེས་ཤིང་། ཆོས་ཐམས་ཅད་རྨི་ལམ་ལྟ་བུ་དང་སྨིག་རྒྱུ་ལྟ་བུ་དང་བྲག་ཅ་ལྟ་བུ་དང་མིག་ཡོར་ལྟ་བུ་དང་ཆུ་ཟླ་ལྟ་བུ་དང་སྤྲུལ་པ་ལྟ་བུ་དང་གཟུགས་བརྙན་ལྟ་བུ་དང་ནམ་མཁའ་ལྟ་བུར་ཡང་དག་པ་ཇི་ལྟ་བ་བཞིན་ཡོངས་སུ་ཤེས་པ་དེའི་ཚེ། གཞོན་ནུ་བྱང་ཆུབ་སེམས་དཔའ་
D127.055.0025a02.01སེམས་དཔའ་ཆེན་པོ་འདི་ཆོས་ཟབ་མོ་བཟོད་པ་ལ་མཁས་པ་ཞེས་བྱའོ། །ཆོས་ཟབ་མོ་བཟོད་པ་དང་ལྡན་པ་དེ་འདོད་ཆགས་པར་འགྱུར་བའི་ཆོས་ལ་མི་ཆགས། ཞེ་སྡང་བར་འགྱུར་བའི་ཆོས་ལ་མི་སྡང་། གཏི་མུག་པར་འགྱུར་བའི་ཆོས་ལ་མི་རྨོངས་སོ། །དེ་ཅིའི་ཕྱིར་ཞེ་ན། འདི་ལྟར་དེས་ཆོས་
D127.055.0025a03.01དེ་ཡང་དག་པར་རྗེས་སུ་མི་མཐོང་། ཆོས་དེ་མི་དམིགས་ཏེ། གང་འདོད་ཆགས་པ་དང་གང་ལ་འདོད་ཆགས་པ་དང་གང་གིས་འདོད་ཆགས་པ་དང་གང་ཞེ་སྡང་བ་དང་གང་ལ་ཞེ་སྡང་བ་དང་གང་གིས་ཞེ་སྡང་བ་དང་གང་གཏི་མུག་པ་དང་གང་ལ་གཏི་མུག་པ་དང་གང་གིས་གཏི་མུག་པར་འགྱུར་བའི་
D127.055.0025a04.01ཆོས་དེ་དེས་ཡང་དག་པར་རྗེས་སུ་མི་མཐོང་ཞིང་ཆོས་དེ་མི་དམིགས་སོ། །ཆོས་དེ་ཡང་དག་པར་རྗེས་སུ་མི་མཐོང་ཞིང་མི་དམིགས་པས་འདོད་ཆགས་པ་མེད་པ། ཞེ་སྡང་བ་མེད་པ། གཏི་མུག་པ་མེད་པ། སེམས་ཕྱིན་ཅི་མ་ལོག་པ། མཉམ་པར་བཞག་པ་ཞེས་བྱའོ། །སྤྲོས་པ་མེད་པ་
D127.055.0025a05.01ཞེས་བྱའོ། །རྒལ་བ་ཕ་རོལ་ཏུ་ཕྱིན་པ་ཞེས་བྱའོ། །སྐམ་ལ་ཕྱིན་པ་ཞེས་བྱའོ། །བདེ་བར་སོན་པ་ཞེས་བྱའོ། །མི་འཇིགས་པ་ཐོབ་པ་ཞེས་བྱའོ། །ཚུལ་ཁྲིམས་ཅན་ཞེས་བྱའོ། །ཡེ་ཤེས་ཅན་ཞེས་བྱའོ། །ཤེས་རབ་ཅན་ཞེས་བྱའོ། །བསོད་ནམས་ཅན་ཞེས་བྱའོ། །རྫུ་འཕྲུལ་
D127.055.0025a06.01ཅན་ཞེས་བྱའོ། །དྲན་པ་ཅན་ཞེས་བྱའོ། །བློ་གྲོས་ཅན་ཞེས་བྱའོ། །རྟོགས་པ་ཅན་ཞེས་བྱའོ། །ངོ་ཚ་ཤེས་པ་དང་ལྡན་པ་ཞེས་བྱའོ། །བརྟན་པ་དང་ལྡན་པ་ཞེས་བྱའོ། །སྤྱོད་པ་དང་ལྡན་པ་ཞེས་བྱའོ། །སྦྱངས་པའི་ཡོན་ཏན་ཡོ་བྱད་བསྙུངས་པ་དང་ལྡན་པ་ཞེས་བྱའོ། །ཉོན་མོངས་པ་མེད་
D127.055.0025a07.01