完整藏文原文 · 德格版页 当前仅加载第 55 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
གང་གྱུར་པ། །དེ་བཞིན་ཞིང་རྣམས་གང་གཱའི་བྱེ་མ་སྙེད། །ནོར་བུ་རིན་པོ་ཆེ་ཡིས་གང་བ་རྣམས། །བྱང་ཆུབ་སེམས་དཔའ་སྦྱིན་ལ་མོས་པ་ཡིས། །ཉིན་མཚན་རེ་རེར་སྦྱིན་པ་འདི་དག་བྱིན། །དེ་བཞིན་བསྐལ་པ་གང་གཱའི་བྱེ་མ་སྙེད། །རྒྱུན་མི་འཆད་པར་སྦྱིན་པ་བྱིན་
D127.055.0142a01.01པ་བས། །བྱང་ཆུབ་སེམས་དཔའ་གང་གིས་ཏིང་འཛིན་འདི། །ཐོས་ནས་བདེ་གཤེགས་མཛོད་མཆོག་འཛིན་བྱེད་པ། །བསོད་ནམས་ཕུང་པོ་དེས་ནི་གང་བཟུང་བ། །སྦྱིན་པ་དེ་ཀུན་དེ་ཡི་ཆར་མི་ཕོད། །མི་གང་རྗེས་སུ་འཐུན་ལ་དད་པ་དག །ཏིང་འཛིན་རྡུལ་བྲལ་མཆོག་འདི་འཛིན་པ་ནི། །
D127.055.0142a02.01བསོད་ནམས་ཕུང་པོ་དཔེ་མེད་མཆོག་འདི་ཡིན། །ཡེ་ཤེས་མཛོད་དེ་དཔག་མེད་འབྱུང་གནས་སོ། །ཏིང་འཛིན་རྡུལ་བྲལ་ཞི་བ་འདི་བཟུང་ན། །བྱང་ཆུབ་སེམས་དཔའ་དེ་ནི་ནོར་ཆེན་འགྱུར། །རྒྱ་མཚོ་ཆེན་པོ་བཞིན་དུ་ཐོས་པའི་གཏེར། །དེ་ལ་བསོད་ནམས་ཚད་ཡོད་ཡོང་མི་འགྱུར། །ཆོས་
D127.055.0142a03.01ཀྱི་མཆོག་རྣམས་བསམ་གྱིས་མི་ཁྱབ་པས། །ཤིན་ཏུ་རྒྱས་བྱས་བྱང་ཆུབ་སེམས་དཔར་བརྗོད། །ཏིང་འཛིན་འདི་ནི་སུ་དག་སྟོན་བྱེད་པ། །དེ་ནི་ནམ་ཡང་བྱང་ཆུབ་ཐེ་ཚོམ་མེད། །བསོད་ནམས་ཕུང་པོ་མཆོག་དང་གང་ལྡན་ཞིང་། །གང་ལ་ཚད་མེད་བསམ་གྱིས་མི་ཁྱབ་པ། །འཇིག་
D127.055.0142a04.01རྟེན་སློབ་དཔོན་སངས་རྒྱས་རྣམ་པར་འདྲེན། །རང་བྱུང་ཐུགས་རྗེ་ཆེན་པོ་མ་གཏོགས་པར། །དེ་ཡི་འོག་ཏུ་སེམས་ཅན་སུ་དག་ཀྱང་། །སྟོང་ཆེན་འདི་ནི་བསོད་ནམས་ཕུང་པོ་དང་། །མཚུངས་མེད་བསམ་གྱིས་མི་ཁྱབ་ཡེ་ཤེས་ཀྱིས། །མཉམ་པར་གྱུར་པ་ནམ་ཡང་ཡོང་མེད་དོ། །
D127.055.0142a05.01ཏིང་འཛིན་འདི་ནི་ཐོས་ནས་འཛིན་པ་དང་། །ཀློག་ཅིང་ཡོངས་སུ་ཆུབ་པར་བྱེད་པ་དང་། །མཚུངས་མེད་སངས་རྒྱས་བྱང་ཆུབ་ཚོལ་མ་གཏོགས། །དེ་ཡི་ཡེ་ཤེས་མཚུངས་པ་མེད་པར་འགྱུར། །ཏིང་འཛིན་འདི་ནི་བཟུང་ཞིང་བཀླགས་པ་ཡིས། །བསོད་ནམས་ཕུང་པོ་ཇི་སྙེད་བསགས་
D127.055.0142a06.01པ་ཡང་། །གཞོན་ནུ་ཇི་སྟེ་ཆོས་དེ་གཟུགས་ཡོད་ན། །འཇིག་རྟེན་ཁམས་མང་འདིར་ཡང་ཤོང་མི་འགྱུར། །གཞོན་ནུ་དེ་ཕྱིར་བྱང་ཆུབ་སེམས་དཔའ་གང་། །འདས་དང་འབྱུང་བའི་དེ་བཞིན་གཤེགས་པ་དང་། །སངས་རྒྱས་ཐམས་ཅད་མཆོད་པར་འདོད་པ་ཡིས། །ཏིང་འཛིན་
D127.055.0142a07.01