完整藏文原文 · 德格版页 当前仅加载第 55 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་བསྟན་པ་འདི་འདྲའོ། །སྤོབས་པ་མཆོག་དང་གཟུངས་ཀྱང་དམ་པ་སྟེ། །ཡེ་ཤེས་སྣང་བ་ཕ་རོལ་མཐའ་མ་མེད། །གསང་སྔགས་བྱིན་བརླབས་རིགས་པར་སྤོབས་པ་ནི། །རྒྱལ་བའི་རྗེས་སུ་བསྟན་པ་འདི་འདྲའོ། །ལམ་འདི་སྒོམ་པ་དག་ནི་ཚུལ་གྱི་སྒོ། །བསྟན་པ་འདི་ལ་སྤྱད་
D127.055.0061b01.01ནས་ནན་ཏན་དང་། །ཚུལ་དང་གདམས་པ་རྗེས་སུ་བསྟན་པ་བཟང་། །རྒྱལ་བའི་རྗེས་སུ་བསྟན་པ་འདི་འདྲའོ། །རྗེས་སུ་འཐུན་པའི་བཟོད་པ་སངས་རྒྱས་བསྔགས། །བཟོད་ལ་གནས་པས་ཉེས་པ་རྣམ་པར་སྤང་། །ཡེ་ཤེས་ལ་ཡང་གནས་ནས་མི་ཤེས་སྤང་། །རྒྱལ་བའི་རྗེས་སུ་བསྟན་
D127.055.0061b02.01པ་འདི་འདྲའོ། །ཡེ་ཤེས་རྟེན་ཡིན་དེ་བཞིན་རྣལ་འབྱོར་ས། །བྱང་ཆུབ་ཞུགས་པའི་རྣལ་འབྱོར་དབང་ཕྱུག་སྟེ། །སྐྱེས་བུ་དམ་པ་རྟག་པར་བསྟེན་པ་ནི། །རྒྱལ་བའི་རྗེས་སུ་བསྟན་པ་འདི་འདྲའོ། །མི་རིགས་བརྩོན་པ་ཁོར་མོར་རྣམ་པར་སྤང་། །སངས་རྒྱས་ས་ནི་དེ་བཞིན་གཤེགས་
D127.055.0061b03.01པས་བཤད། །མཁས་པ་ཀུན་གྱིས་རྗེས་སུ་ཡི་རང་བ། །རྒྱལ་བའི་རྗེས་སུ་བསྟན་པ་འདི་འདྲའོ། །བྱིས་པ་མི་ཤེས་པས་ནི་སྤངས་པ་སྟེ། །འདི་ནི་ཉན་ཐོས་མང་པོའི་ས་མ་ཡིན། །བྱང་ཆུབ་སེམས་དཔའ་དག་གིས་རྟག་ཏུ་བཟུང་། །རྒྱལ་བའི་རྗེས་སུ་བསྟན་པ་འདི་འདྲའོ། །འདི་ནི་དེ་
D127.055.0061b04.01བཞིན་གཤེགས་པའི་རྗེས་སུ་འབྲང་། །ལྷ་རྣམས་ཀྱིས་ཀྱང་མཆོད་ཅིང་རི་མོར་བྱས། །ཚངས་པ་བྱེ་བ་ཕྲག་སྟོང་ཡི་རང་བ། །ཏིང་འཛིན་དེ་ནི་རྒྱལ་བ་སྟོན་མཛད་དམ། །ནམ་མཁའ་ལྡིང་དང་གནོད་སྦྱིན་མི་འམ་ཅི། །ཀླུ་ཡང་སྟོང་གིས་རྟག་ཏུ་ཕྱག་བྱས་པ། །བྱང་ཆུབ་དམ་པ་
D127.055.0061b05.01རྒྱལ་བས་གསུངས་པ་ཡི། །ཏིང་འཛིན་དེ་ནི་རྒྱལ་བས་བཤད་མཛད་དམ། །ཤིན་ཏུ་མཁས་པས་རྟག་ཏུ་ཡོངས་ཐོབ་སྟེ། །ནོར་མཆོག་དམ་པ་ཡང་ནི་ལེགས་པར་རྙེད། །ཟང་ཟིང་མེད་པའི་ཡེ་ཤེས་གསོ་བ་མཆོག །ཏིང་འཛིན་དེ་ནི་རྒྱལ་བས་བཤད་མཛད་དམ། །ཡེ་ཤེས་མཛོད་
D127.055.0061b06.01ཡིན་སྤོབས་པ་མི་ཟད་པ། །འདི་ནི་མདོ་སྡེ་བྱེ་བར་འཇུག་པ་སྟེ། །ཁམས་གསུམ་ཡོངས་ཤེས་ཡང་དག་ཤེས་པ་ཡི། །ཏིང་འཛིན་དེ་ནི་རྒྱལ་བས་བཤད་མཛད་དམ། །གང་ལ་ཏིང་འཛིན་ཞི་བ་འདི་བཤད་པ། །འདི་ནི་ཕ་རོལ་འགྲོ་བའི་གཟིངས་སུ་བསྟན། །འདི་ནི་ཆུ་བོ་རྒལ་བའི་
D127.055.0061b07.01