完整藏文原文 · 德格版页 当前仅加载第 55 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
གཉེན་ཁྱོད། །རི་རབ་བཞིན་དུ་མི་སྒུལ་ཏེ། །མི་གཡོ་རབ་ཏུ་གནས་པ་པོ། །སྟོན་པའི་འཁོར་ཚོགས་རྒྱ་ཆེ་ཡང་། །ཚོགས་མང་དག་ཀྱང་སྡུད་པར་མཛད། །ཤེས་རབ་ཟབ་མོ་བདེ་བར་གཤེགས། །འཁོར་གྱི་ནང་གཤེགས་སྒྲ་ཡང་སྒྲོག །སངས་རྒྱས་སེང་གེའི་སྒྲ་སྒྲོགས་
D127.055.0047b01.01ཤིང་། །སེང་གེའི་སྟབས་སུ་རྣམ་པར་གཤེགས། །ཁྱོད་ཀྱིས་མུ་སྟེགས་ཀུན་བཏུལ་བ། །སེང་གེ་ཡིས་ནི་ཝ་རྣམས་བཞིན། །དཔའ་བོ་མ་དུལ་དུལ་མཛད་པ། །མ་དུལ་བ་དག་ཁྱོད་ཀྱིས་བཏུལ། །དེ་དག་མཛའ་སྡུག་བརྟན་གྱུར་ཏེ། །དབྱེར་མི་ཕྱེད་ཅིང་ལེགས་པར་གནས། །
D127.055.0047b02.01ལྟ་བ་སྣ་ཚོགས་གནས་པ་ཡི། །སེམས་ཅན་སྡུག་བསྔལ་གཟིགས་ནས་ནི། །སྡུག་དང་མི་སྡུག་མེད་པ་ཡི། །བདག་མེད་ཆོས་ནི་ཁྱོད་སྟོན་ཏེ། །མ་བསླབས་པ་ཡི་བྱིས་པ་དག །ལོག་པའི་ལམ་ལ་སྤྱོད་པ་རྣམས། །འདྲེན་པ་གང་ནས་གཤེགས་པ་ཡི། །ལམ་ཡང་རབ་ཏུ་
D127.055.0047b03.01ཁྱོད་ཀྱིས་བསྟན། །བདག་ཏུ་འཛིན་ལ་སུ་གནས་པ། །དེ་དག་སྡུག་བསྔལ་ཉིད་ལ་གནས། །གང་ལ་སྡུག་བསྔལ་མེད་པ་ཡི། །བདག་མེད་དེ་དག་མི་ཤེས་སོ། །འཁྲུལ་པ་མེད་པའི་ཆོས་ཚིག་ཁྱོད་སྟོན་ཏེ། །ཁྱོད་ལ་འཁྲུལ་པ་མི་རྙེད་འཇིག་རྟེན་མགོན། །ཁྱོད་ནི་མ་
D127.055.0047b04.01ལོག་པ་ཡི་ཚིག་གསུང་སྟེ། །སྡུག་བསྔལ་མང་ཐར་མཛད་ལ་ཕྱག་འཚལ་ལོ། །ལྷ་ཀླུ་གནོད་སྦྱིན་བྱེ་བ་ཁྲག་ཁྲིག་ཕྲག །བརྒྱ་སྟོང་མང་པོ་མཁའ་ལ་འཁོད་པ་རྣམས། །བཅོམ་ལྡན་འདས་ཀྱི་དོན་ལྡན་གསུང་ཐོས་ནས། །ཐམས་ཅད་འདྲེན་ལ་རབ་ཏུ་དགའ་བ་སྐྱེད། །
D127.055.0047b05.01ཚིག་ནི་རབ་ཏུ་སྙན་ཅིང་བཟང་ལ་འཐད། །མཉེན་ཞིང་འཇམ་ལ་ཡིད་འོང་དུས་དང་འབྱོར། །གསུང་གི་ཡན་ལག་དཔག་ཏུ་མེད་དང་ལྡན། །ཕན་བྱེད་སྐྱེ་བོ་མང་པོ་ཐར་བྱེད་པ། །སིལ་སྙན་བརྒྱ་སྟོང་དཔག་ཏུ་མེད་པ་དང་། །ལྷ་ཡི་དབྱངས་སྒྲ་དགའ་བར་འགྱུར་བའི་མཆོག །
D127.055.0047b06.01ཤིན་ཏུ་སྙན་པ་དུས་གཅིག་འབྱོར་གྱུར་ཀྱང་། །བདེ་གཤེགས་གསུང་གཅིག་གིས་ནི་ཟིལ་གྱིས་ནོན། །ཁུ་བྱུག་བྱ་མང་འཇམ་པའི་སྒྲ་འབྱིན་དང་། །ཀུན་ལ་ཤིན་ཏུ་ཡིད་འཐད་དབྱངས་སྙན་དག །བྱ་ཚོགས་མང་པོ་ཐམས་ཅད་སྒྲ་འབྱིན་པ། །སངས་རྒྱས་གསུང་གི་ཆར་
D127.055.0047b07.01