完整藏文原文 · 德格版页 当前仅加载第 55 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བཀོད་པས་རབ་ཏུ་བརྒྱན་ནས། རང་གི་ཁྱིམ་ཡང་རྒྱན་སྣ་ཚོགས་པ་རྣམ་པ་དུ་མས་བརྒྱན་ཏེ། རིན་པོ་ཆེའི་ཕྲེང་བ་རྣམ་པ་དུ་མ་ནི་རབ་ཏུ་དཔྱངས། དགའ་ལྡན་གྱི་རིས་ཀྱི་ལྷའི་གོས་ཀྱིས་ནི་བརྒྱན་ཅིང་ཉེ་འཁོར་ཡང་མཛེས་པར་བྱས། ཕྲེང་བ་དང་ལྡ་ལྡི་རྣམ་པ་ཐ་དད་པ་དུ་མས་ནི་བརྒྱན་པ་བྱེད་
D127.055.0031b01.01དུ་བཅུག །རིན་པོ་ཆེའི་སྟན་བྱེ་བ་ཁྲག་ཁྲིག་བརྒྱ་སྟོང་དུ་མ་ནི་འདིང་དུ་བཅུག་སྟེ། བཅོམ་ལྡན་འདས་ལ་མཆོད་པ་བྱ་བའི་ཕྱིར་དེའི་དབུས་སུ་བཅོམ་ལྡན་འདས་ཀྱི་ལྷ་རྫས་ཀྱི་སེང་གེའི་ཁྲི་ལྷའི་དང་མིའི་ལས་འདས་པ་བཤམས་སོ། །རིན་པོ་ཆེ་སྣ་ཚོགས་ཀྱི་པོག་ཕོར་ནི་ཕྱོགས་བཞིར་
D127.055.0031b02.01དཔྱངས་ཏེ། དེ་དག་ནས་ཨ་ག་རུ་འབའ་ཞིག་གི་དུ་བ་འཐུལ་བར་བྱས་སོ། །ཟླ་འོད་གཞོན་ནུར་གྱུར་པས་ཁྱིམ་མཆོག་དེ་ཡང་འདི་ལྟ་སྟེ། བཅོམ་ལྡན་འདས་ཀྱིས་ཡོངས་སུ་ལོངས་སྤྱད་པའི་ཕྱིར་ལྷའི་གླུ་གར་དང་སིལ་སྙན་ནི་བསྒྲགས། གདུགས་དང་རྒྱལ་མཚན་དང་བ་དན་ནི་བསྒྲེང་། ལྷ་
D127.055.0031b03.01དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་བརྒྱ་སྟོང་གིས་ནི་གང་ཞིང་རྣམ་པར་བལྟས། རིན་པོ་ཆེའི་མེ་ཏོག་སྣ་ཚོགས་རྣམ་པ་དུ་མས་ནི་གང་བར་བྱས་སོ། །དེ་ལ་འདི་སྐད་ཅེས་བྱ་སྟེ། ཟླ་འོད་ཀྱིས་ནི་ཁྱིམ་
D127.055.0031b04.01མཆོག་ཡངས་པ་ཡང་། རྒྱ་ཆེར་ཐམས་ཅད་ཤིན་ཏུ་བརྒྱན་པར་བྱས། །གང་ལ་འཇིག་རྟེན་སྒྲོན་མ་བཞུགས་པ་ཡི། །ལྷ་རྫས་སེང་གེའི་ཁྲི་ནི་དབུས་སུ་བཙུགས། །འཇིག་རྟེན་སྒྲོན་མཛད་རྒྱལ་བའི་གཙོ་བོ་ཡི། །དགེ་འདུན་དག་ནི་གང་ལ་འདུག་འགྱུར་བ། །རིན་ཆེན་ཤིན་ཏུ་རྣམ་པར་
D127.055.0031b05.01བཀྲ་བའི་སྟན། །བྱེ་བ་སྟོང་ཕྲག་མཐའ་ཡས་ལེགས་པར་བཏིང་། །རིན་ཆེན་སྣ་ཚོགས་ཀུན་གྱི་བདུག་སྤོས་སྣོད། །ཨ་ག་རུ་ཡིས་ཤིན་ཏུ་གང་བྱས་ཏེ། །ཕྱོགས་རྣམས་ཐམས་ཅད་དུ་ཡང་རྣམ་པར་དཔྱངས། །དེ་དག་ནས་ནི་ཡིད་འོང་དྲི་རྣམས་འཐུལ། །ཟླ་འོད་ཀྱིས་ནི་སྟོབས་བཅུ་
D127.055.0031b06.01གཤེགས་པའི་ཕྱིར། །རིན་ཆེན་མེ་ཏོག་མཛེས་པ་སྣ་ཚོགས་དང་། །མེ་ཏོག་དྲི་མཆོག་བཟང་པོ་རྣམ་མང་གིས། །ཁྱིམ་གྱི་ས་གཞི་བཟང་པོ་ཀུན་དུ་བཀྲམ། །གར་བྱེད་གླུ་ལེན་སིལ་སྙན་སྒྲ་དག་གིས། །ཁྱིམ་མཆོག་ཐམས་ཅད་ཀུན་ཏུ་སྒྲ་ཡིས་གང་། །གདུགས་དང་བ་དན་དག་ཀྱང་
D127.055.0031b07.01