完整藏文原文 · 德格版页 当前仅加载第 55 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བསྟེན་པར་གྱིས། །ཞེ་སྡང་ས་མིན་གཏི་མུག་བྲལ་བ་སྟེ། །བདེ་བ་འདོད་པའི་ཡེ་ཤེས་འབྱུང་བ་ཡིན། །རིག་པ་སྐྱེ་ཞིང་མ་རིག་འཇིག་པ་སྟེ། །ཏིང་འཛིན་ཞི་བ་འདི་ལ་བསྟེན་པར་གྱིས། །རྣམ་གྲོལ་སྙིང་པོར་བྱེད་པ་ངོམས་པར་བཤད། །བསམ་གཏན་པ་ལ་ཏིང་འཛིན་ཞི་
D127.055.0062b01.01འདི་བསྟན། །སངས་རྒྱས་མ་སྨད་པ་ཡི་སྤྱན་ཡིན་ཏེ། །ཏིང་འཛིན་ཞི་བ་འདི་ལ་བསྟེན་པར་གྱིས། །འདི་ནི་ཞིང་མང་སྟོན་པའི་མངོན་པར་ཤེས། །སངས་རྒྱས་མཐའ་ཡས་སྟོན་པའི་རྫུ་འཕྲུལ་ཏེ། །ཏིང་འཛིན་འདི་ཉིད་སྒོམ་པར་བྱེད་པ་ལ། །གཟུངས་དེ་རྣམས་ཀྱང་རྙེད་པར་
D127.055.0062b02.01དཀའ་མི་འགྱུར། །བྱང་ཆུབ་ཕྱིར་ནི་དབང་པོ་ཞི་བའི་གནས། །འདི་ནི་བྱིན་རླབས་མཐའ་ཡས་སྟོན་པ་སྟེ། །ཏིང་འཛིན་འདི་ནི་བསྙེན་པར་བྱེད་པ་ཡི། །ཡེ་ཤེས་ཕྲ་ཞིང་ཡངས་པ་རྣམ་པར་དག །གང་གིས་ཏིང་འཛིན་ཞི་བ་འདི་མ་ཐོས། །མི་རིགས་བརྩོན་པས་འདི་ནི་རྟོགས་མི་འགྱུར། །
D127.055.0062b03.01ཡི་གེ་ཐམས་ཅད་རྣམ་པར་བཟློག་པ་སྟེ། །དབྱངས་ཀྱིས་རྣམ་པར་གོ་བར་ནུས་མ་ཡིན། །བྱང་ཆུབ་སེམས་དཔའ་རིག་པས་འདི་ཤེས་ཏེ། །ཆོས་ཀྱི་བདག་པོས་ཇི་ལྟར་གང་བཤད་པ། །ཏིང་འཛིན་འདི་ལ་སྟེན་པར་བྱེད་པ་ཡི། །ཞི་བ་དག་དང་སྨད་པ་མེད་པས་རྟོགས། །
D127.055.0062b04.01བརྩོན་འགྲུས་བརྩམས་པས་རབ་ཏུ་འདི་བཟུང་སྟེ། །བསྙེན་བཀུར་བྱས་ཤིང་རྟག་ཏུ་ལེགས་པར་བཅངས། །ཏིང་འཛིན་འདི་ལ་བསྙེན་པར་བྱེད་པ་ནི། །སྡུག་བསྔལ་ཟད་ཅིང་སྐྱེ་བ་འགོག་པ་ཤེས། །ཆོས་རྣམས་ཀུན་གྱི་སྐྱེ་བ་མེད་པ་བསྟན། །དེ་ལྟར་སྲེད་པའི་འགྲོ་བ་ཐམས་
D127.055.0062b05.01ཅད་ན། །སངས་རྒྱས་གྲགས་ཆེན་དག་གི་ཡེ་ཤེས་མཆོག །ཏིང་འཛིན་དེ་ནི་རྒྱལ་བས་བཤད་མཛད་དམ། །གཞོན་ནུ་དེ་ཡིས་ཚིགས་བཅད་འདི་ཐོས་ནས། །ཁྲག་ཁྲིག་སྟོང་ཕྲག་བརྒྱད་ཅུ་རྩ་བརྒྱད་རྣམས། །དབྱངས་ཀྱི་རྗེས་འགྲོ་བཟོད་པ་དེར་ཐོབ་སྟེ། །སངས་རྒྱས་ཡེ་ཤེས་
D127.055.0062b06.01ལས་ནི་མི་ལྡོག་གནས། །བརྟན་པའི་སྟོབས་ཀྱིས་གཞོན་ནུ་དེ་ལ་སྨྲས། །ད་དུང་འཇིག་རྟེན་མགོན་པོ་དེ་བཞུགས་སོ། །ཁྱེའུ་ཁྱོད་ལ་ནི་དོན་འདི་དྲི་བར་བྱ། །ཏིང་འཛིན་འདི་ནི་ཁྱོད་ཀྱིས་སུ་ལས་ཐོས། །གཞོན་ནུས་སྨྲས་པ་རྒྱལ་པོ་གསན་དུ་གསོལ། །བདག་གིས་
D127.055.0062b07.01