完整藏文原文 · 德格版页 当前仅加载第 55 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
དག་རྙེད་པར་དཀའ་མི་འགྱུར། །ཚངས་པའི་གནས་བཞི་དང་ནི་བསམ་གཏན་དང་། །རྣམ་པར་ཐར་པའི་སྒོ་རྣམས་གང་བཤད་དང་། །བདེ་བའི་རྣམ་རྟོག་རབ་ཏུ་དབེན་པ་ཡང་། །སྡོམ་པར་གནས་པ་ལ་ནི་རྙེད་མི་དཀའ། །ལུས་ཀྱི་སྡོམ་པ་ལ་ནི་གང་གནས་པ། །
D127.055.0154a01.01སྙིང་རྗེའི་གནས་དང་བཏང་སྙོམས་ཐོབ་པར་འགྱུར། །དེ་བཞིན་སྤྱོད་པ་འཇུག་པ་བྱམས་པའི་མཆོག །འགྲོ་བ་ཀུན་ལའང་ཕན་པའི་སེམས་སུ་འགྱུར། །དྲན་པ་ཉེར་གཞག་ཡང་དག་སྤོང་བ་དང་། །དྲང་སྲོང་ཆེན་པོའི་དབང་ལྔ་སྟོབས་ལྔ་དང་། །འཕགས་པའི་ལམ་མཆོག་
D127.055.0154a02.01ཡན་ལག་བརྒྱད་པོ་ཡང་། །ལུས་ཀྱི་སྡོམ་པར་གནས་ལ་རྙེད་མི་དཀའ། །གཞན་ཡང་དམ་པ་སངས་རྒྱས་ཆོས་རྣམས་ནི། །བསམ་གྱིས་མི་ཁྱབ་གང་ལ་ཚད་མེད་པ། །ལུས་ཀྱི་སྡོམ་པ་འདི་འདྲ་སུས་བསླབས་པ། །དེ་ལ་ཐམས་ཅད་རྙེད་པར་དཀའ་མི་འགྱུར། །འདི་
D127.055.0154a03.01འདྲའི་ལུས་ཀྱི་སྡོམ་པ་ཐོས་ནས་ནི། །རྒྱལ་པོ་གླང་མཆོག་ཁྱད་པར་ཐོབ་གྱུར་ཏེ། །དགའ་བ་མཚུངས་མེད་རངས་ཤིང་མགུ་བ་སྐྱེས། །རྒྱལ་བ་དེ་ཡི་བསྟན་ལ་རབ་ཏུ་བྱུང་། །རབ་ཏུ་དེ་བྱུང་ལོ་ཡང་བྱེ་ཕྲག་བཅུར། །ཚངས་པར་སྤྱོད་མཆོག་གཙང་མ་སྤྱད་པར་གྱུར། །ལྷ་
D127.055.0154a04.01དང་བཅས་པའི་འཇིག་རྟེན་ཕན་པའི་ཕྱིར། །ཚངས་པའི་གནས་བཞི་ལ་ཡང་བསྒོམ་པ་བྱས། །ཚངས་པའི་གནས་ལ་ཤིན་ཏུ་བསྒོམ་བྱས་པས། །སངས་རྒྱས་བྱེ་བ་བརྒྱད་ཅུ་མཐོང་བར་གྱུར། །དེ་ལས་ལྷག་པར་གང་གཱའི་བྱེ་མ་སྙེད། །དེས་ནི་ཚངས་སྤྱོད་མཆོག་འདི་རབ་
D127.055.0154a05.01ཏུ་སྤྱད། །ཐམས་ཅད་ཀྱི་ཡང་བསྟན་པར་རབ་བྱུང་སྟེ། །ཚངས་པར་སྤྱོད་པ་བཟང་ཞིང་དག་པར་སྤྱད། །མང་དུ་ཐོས་ཤིང་སྤོབས་པར་ལྡན་པ་ཡི། །དགེ་སློང་ཆོས་སྨྲ་བ་ཡང་མཆོག་ཏུ་གྱུར། །ལུས་ཀྱི་སྡོམ་པ་འདི་ནི་རབ་ཤེས་ན། །ཚུལ་ཁྲིམས་མ་དྲལ་ཚུལ་ཁྲིམས་སྐྱོན་མེད་
D127.055.0154a06.01འགྱུར། །ཚུལ་ཁྲིམས་རྣམ་དག་ཚུལ་ཁྲིམས་འདྲེས་པ་མེད། །འཕགས་པའི་ཚུལ་ཁྲིམས་ཟག་པ་མེད་ལ་གནས། །དེ་ཚེ་རྒྱལ་པོ་གླང་མཆོག་ཁྱད་པར་སེམས། །གཞོན་ནུ་གཞན་ཞིག་ཡིན་པར་སེམས་གྱུར་ན། །དེ་ནི་གཞན་ཞིག་ཡིན་པར་མི་བལྟ་སྟེ། །ང་ནི་སྤྱད་པ་སྤྱོད་
D127.055.0154a07.01