完整藏文原文 · 德格版页 当前仅加载第 55 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
བོར་ནས་ནི། །ཆོས་རྣམས་མང་པོ་རབ་ཏུ་འཆད། །བདུད་ཀྱི་དབང་དུ་སོང་བས་ན། །དེ་དག་ཐར་པ་རྙེད་མི་འགྱུར། །འདོད་པའི་ཕྱིར་ནི་བྱིས་པ་རྣམས། །བུད་མེད་རུལ་ལ་སྟེན་བྱེད་དེ། །འགྲོ་བ་རུལ་བར་འགྲོ་འགྱུར་ཞིང་། །དེས་ནི་ངན་འགྲོར་ལྟུང་བར་འགྱུར། །འཇིགས་པ་ཆེན་
D127.055.0106b01.01པོའི་ཞགས་པ་ནི། །བུད་མེད་ཞགས་པ་མི་བཟད་པས། །སངས་རྒྱས་རྣམས་ཀྱིས་འདོད་པ་དང་། །བུད་མེད་བསྟེན་པའང་མ་བསྔགས་སོ། །ལམ་འདི་བྱང་ཆུབ་མི་འགྱུར་བས། །བུད་མེད་རྣམས་ལ་མ་རྟོན་པར། །སྦྲུལ་གདུག་ཤིན་ཏུ་ཁྲོ་བོ་ལྟར། །མཁས་པས་དེ་ནི་རྣམ་པར་
D127.055.0106b02.01སྤོང་། །སངས་རྒྱས་ཀུན་གྱིས་བསྟན་པ་ཡི། །བྱང་ཆུབ་ལམ་ལ་སྒོམ་པར་བྱེད། །ལམ་དེ་གོམས་པར་བསྒོམས་བྱས་ན། །བླ་མེད་སངས་རྒྱས་འགྲུབ་པར་འགྱུར། །དེ་དག་བླ་ན་མེད་འགྱུར་ཏེ། །འཇིག་རྟེན་གྱི་ནི་མཆོད་རྟེན་འགྱུར། །བླ་ན་མེད་པའི་ཡེ་ཤེས་ཀྱིས། །སངས་
D127.055.0106b03.01རྒྱས་བླ་ན་མེད་པར་འགྱུར། །གསོ་སྦྱོང་དག་ལ་སྙེན་བྱེད་ཅིང་། །ཚུལ་ཁྲིམས་ཕུང་པོར་ཡང་དག་འཛུད། །སེམས་ཅན་བྱེ་བ་བསམ་མི་ཁྱབ། །བྱང་ཆུབ་ཏུ་ཡང་ཡང་དག་འཛུད། །དེ་དག་སེམས་ཅན་རྣམས་ཀྱི་ནི། །བསམ་ཡས་དཔག་མེད་དོན་བྱེད་དེ། །དཔའ་བོ་ཤེས་རབ་
D127.055.0106b04.01ཆེན་པོ་དེ། །བདུད་རྩི་ཡི་ནི་རྔ་ཡང་རྡུང་། །བདུད་ཀྱི་གནས་རྣམས་གཡོ་བྱེད་ཅིང་། །བདུད་ཀྱི་རིས་ཀྱང་གཡོ་བར་བྱས། །བདུད་རྣམས་བྱེ་བ་བསམ་མི་ཁྱབ། །བྱང་ཆུབ་ལ་ནི་ཡང་དག་འཛུད། །ཕ་རོལ་རྒོལ་བ་ཚར་གཅོད་ཅིང་། །མུ་སྟེགས་ཅན་ནི་ཕམ་པར་བྱེད། །རི་དང་
D127.055.0106b05.01རྒྱ་མཚོར་བཅས་པ་ཡི། །ས་ཡང་རབ་ཏུ་གཡོ་བར་བྱེད། །ཁྱུ་མཆོག་གྱུར་པ་དུ་མ་ཡིས། །ལུས་ཀྱི་རྣམ་པར་འཕྲུལ་བྱེད་ཅིང་། །ཤེས་རབ་ཆེན་པོ་དེ་དག་ནི། །ཆོ་འཕྲུལ་བསམ་གྱིས་མི་ཁྱབ་སྟོན། །ཞིང་རྣམས་བྱེ་བ་གཡོ་བྱེད་དེ། །གང་གཱ་ཡི་ནི་བྱེ་མ་སྙེད། །དེ་དག་
D127.055.0106b06.01བདུད་རྣམས་ཕམ་བྱས་ནས། །སངས་རྒྱས་གྲགས་པ་ཆེན་པོར་འགྱུར། །དེ་དག་ཞིང་རྣམས་སྤྲུལ་བྱེད་དེ། །རིན་པོ་ཆེ་ཡིས་རྣམ་པར་བརྒྱན། །མེ་ཏོག་འབྲས་བུ་ཕུན་སུམ་ཚོགས། །དྲི་དང་ལྡན་ཞིང་ཡིད་དུ་འོང་། །ཁང་པ་དང་ནི་གཞལ་མེད་ཁང་། །ཁང་པ་བརྩེགས་
D127.055.0106b07.01