完整藏文原文 · 德格版页 当前仅加载第 39 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
འོད་སྲུང་ཆོས་དང་པོ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་ནམ་ཡང་འདོད་པའི་ཡོན་ཏན་ལྔ་པོ་དག་ལ་ཡོངས་སུ་མི་སྤྱོད་དོ། །འོད་སྲུང་གཞན་ཡང་བྱང་ཆུབ་སེམས་དཔའ་ཁྱིམ་པ་འདི་ལྟ་བུའི་མདོ་
D45.039.0044b01.01སྡེ་འདི་དག་ཐོས་ནས་དད་པ་སྐྱེད་ཅིང་དད་ནས་ཀྱང་ཡོངས་སུ་ཚོལ་ལོ། །འོད་སྲུང་གཞན་ཡང་མདོ་སྡེ་འདི་ལྟ་བུ་འདི་དག་གཟུང་དཀའ་བས་ཡོངས་སུ་ཟིན་པར་འགྱུར་ཏེ། འོན་ཀྱང་ལུང་འབོགས་པར་བྱེད། རྩོམ་པར་བྱེད་དོ། །འོད་སྲུང་གཞན་ཡང་གང་ཞིག་ཆོས་འདི་ལྟ་བུ་འདི་དག་ཐོས་ནས་འགྱོད་
D45.039.0044b02.01པའི་གནས་མཐའ་དག་སེལ་བར་འགྱུར་ཏེ། དེ་དགེ་བའི་རྩ་བ་དེས་ཆགས་པ་མེད་པའི་སྤོབས་པ་དང་། གྲོལ་བའི་སྤོབས་པ་དང་ལྡན་པར་འགྱུར། ཤི་འཕོས་ཀྱང་རུང་། ཤི་འཕོས་པར་མ་གྱུར་ཀྱང་རུང་སྟེ། དེ་བཞིན་གཤེགས་པ་རྣམས་མྱུར་དུ་མཐོང་བར་འགྱུར། ཤི་འཕོས་ནས་ཀྱང་མཐོ་རིས་ཀྱི་
D45.039.0044b03.01འཇིག་རྟེན་དུ་འགྲོ་བར་འགྱུར་ཏེ། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་རིང་ངོ་སྙམ་དུ་ཤེས་པར་མི་བྱ་སྟེ། འོད་སྲུང་ཆོས་གཉིས་པ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་
D45.039.0044b04.01དུ་འདོད་པའི་ཡོན་ཏན་ལྔ་པོ་དག་ལ་མི་སྤྱོད་དོ། །འོད་སྲུང་གཞན་ཡང་བྱང་ཆུབ་སེམས་དཔའ་ཁྱིམ་པ་དགེ་བའི་རྩ་བ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་སྟེ། དེ་གཟུགས་ལ་དགའ་བ་མ་ཡིན། སྒྲ་ལ་དགའ་བ་མ་ཡིན། དྲི་ལ་དགའ་བ་མ་ཡིན། རོ་ལ་
D45.039.0044b05.01དགའ་བ་མ་ཡིན། རེག་ལ་དགའ་བ་མ་ཡིན། ལོངས་སྤྱོད་ལ་དགའ་བ་མ་ཡིན། དབང་ཕྱུག་ལ་དགའ་བ་མ་ཡིན། གཡོག་འཁོར་ལ་དགའ་བ་མ་ཡིན་ཏེ། དེས་འདུས་མ་བྱས་ཀྱི་སེམས་དང་། འདུས་མ་བྱས་ཀྱི་རྣམ་པར་སྨིན་པར་གྱུར་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D45.039.0044b06.01མངོན་པར་རྫོགས་པར་འཚང་རྒྱ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་འདོད་པའི་ཡོན་ཏན་ལྔ་པོ་དག་ལ་ཡོངས་སུ་མི་སྤྱོད་དེ། འོད་སྲུང་ཆོས་གསུམ་པ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་བླ་ན་མེད་པ་ཡང་དག་པར་རྫོགས་
D45.039.0044b07.01