完整藏文原文 · 德格版页 当前仅加载第 39 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་པར་མི་བྱ་བ་དང་། རྣམ་པ་ཐམས་ཅད་དུ་དགེ་སློང་མ་དབང་དུ་མི་བྱ། གལ་ཏེ་དགེ་སློང་མས་བོས་ན་ཡང་ལག་པ་བསྣོལ་ལ་མགོ་སྨད་དེ་ས་ཕྱོགས་དེ་ནས་འགྲོ་བར་བྱ་བ་དང་། ཆོས་སྟོན་ཅིང་འདུག་པའི་གན་དུ་དགེ་སློང་མ་རྐང་པ་ལ་ཕྱག་འཚལ་དུ་འོང་ན།
D45.039.0012a01.01སྙིམ་པས་གདོང་བཀབ་སྟེ་འདུག་པར་བྱ་ཞིང་དེས་རྐང་པ་བསྐྱོད་པར་མི་བྱ་སྟེ། སྐྱེས་བུ་དམ་པས་ལུས་དཔའ་བར་མི་བྱའི་རྩེ་གཅིག་ཏུ་ཡིད་ལ་བྱ་བས་སེམས་དཔའ་བར་བྱ་བ་དང་། དངོས་པོ་ཐམས་ཅད་ལ་ཀུན་ཏུ་འདོད་ཆགས་ཀྱི་སེམས་རྣམ་པ་ཐམས་ཅད་དུ་བསྐྱེད་པར་མི་བྱ་བ་དང་།
D45.039.0012a02.01ཁོང་ཁྲོ་བའི་སེམས་རྣམ་པ་ཐམས་ཅད་དུ་བསྐྱེད་པར་མི་བྱ་བ་སྟེ། འདི་ལྟར་ཐམས་ཅད་མཁྱེན་པ་ཉིད་ཀྱི་ཕྱིར་དམ་བཅས་པ་བརྟན་པར་བྱ་བ་དང་། ཆོས་འདི་དག་ཐོས་ནས་ནན་ཏན་གྱིས་བསྒྲུབ་པར་མངོན་པར་བརྩོན་པར་བྱ་བ་དང་། འོད་སྲུང་རིགས་ཀྱི་བུ་འམ་རིགས་ཀྱི་བུ་མོ་བྱང་ཆུབ་
D45.039.0012a03.01སེམས་དཔའི་ཐེག་པ་ལ་ཡང་དག་པར་ཞུགས་པ་གང་ཞིག་ཆོས་དེ་དག་ཐོས་མ་ཐག་ཏུ་ནན་ཏན་གྱིས་མི་སྒྲུབ་ན་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མི་ནུས་སོ། །དེ་ཅིའི་ཕྱིར་ཞེ་ན། འོད་སྲུང་ནན་ཏན་གྱིས་བླ་ན་མེད་པ་ཡང་དག་
D45.039.0012a04.01པར་རྫོགས་པའི་བྱང་ཆུབ་འཐོབ་ཀྱི་ནན་ཏན་མེད་པས་ནི་མ་ཡིན་པའི་ཕྱིར་རོ། །འོད་སྲུང་གལ་ཏེ་ནན་ཏན་མེད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་ཏུ་ཟིན་ན་ནི་རི་བོང་དང་བྱི་ལ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་
D45.039.0012a05.01བར་འགྱུར་རོ། །དེ་ཅིའི་ཕྱིར་ཞེ་ན། འོད་སྲུང་གང་དག་ལ་ནན་ཏན་མེད་པ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་དུ་ཟིན་ན་ནི་འོད་སྲུང་སྒྲ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ཕྱིར་ཏེ། སངས་
D45.039.0012a06.01རྒྱས་སུ་འགྱུར་བར་བྱའོ་ཞེས་བརྗོད་པས་སེམས་ཅན་དཔག་ཏུ་མེད་པ་དག་སངས་རྒྱས་སུ་འགྱུར་བའི་རིགས་སོ། །འོད་སྲུང་འདི་ལྟར་ཐ་ན་ཉིན་ཞག་གཅིག་སྤྱོད་པ་འདི་ཡང་དག་པར་སྒྲུབ་པའི་སེམས་ཅན་དག་ཀྱང་དཀོན་ན་གང་བསྐལ་པ་འམ། བསྐལ་པ་བརྒྱ་སྟོང་དུ་ལྟ་ཅི་སྨོས།
D45.039.0012a07.01