完整藏文原文 · 德格版页 当前仅加载第 39 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དུས་དེ་ཡོད་དེ། དམ་པའི་ཆོས་ཕྱི་མ་ལོ་ལྔ་བརྒྱ་པ་ཐ་མར་གྱུར་པ་ན་དགེ་སློང་བརྐམ་པ། ཆགས་པས་ཟིལ་གྱིས་ནོན་པ། ཆགས་པ་ཡ་ང་བས་ཟིལ་གྱིས་ནོན་པ། ཕྲ་མ་ཅན། གཏུམ་པ། །བརླང་བ། རྩུབ་པ། ཁྲོ་གཉེར་མང་བ། །ཆོས་གསུམ་ལ་གནས་པ་དག་འབྱུང་སྟེ། གསུམ་
D45.039.0023b01.01གང་ཞེ་ན། དམན་པའི་ཐ་སྙད་ལ་གནས་པ་དང་། ཉོ་ཚོང་གི་སྤྱོད་པ་ལ་གནས་པ་དང་། བུད་མེད་དང་འདྲེ་ཞིང་གནས་པ་སྟེ། ཆོས་གསུམ་པོ་དེ་དག་ལ་གནས་པར་འགྱུར་རོ། །ཆོས་བཞི་ལས་ཡོངས་སུ་ཉམས་པར་འགྱུར་ཏེ། བཞི་གང་ཞེ་ན། ཚུལ་ཁྲིམས་ཀྱི་ཕུང་པོ་ལས་ཡོངས་སུ་ཉམས་པར་
D45.039.0023b02.01འགྱུར་བ་དང་། བཟང་འགྲོར་འགྲོ་བ་ལས་ཡོངས་སུ་ཉམས་པར་འགྱུར་བ་དང་། འབྲས་བུ་ཐོབ་པ་ལས་ཡོངས་སུ་ཉམས་པར་འགྱུར་བ་དང་། སངས་རྒྱས་ལ་ཡང་དག་པ་ཇི་ལྟ་བ་བཞིན་དུ་བལྟ་བ་ལས་ཡོངས་སུ་ཉམས་པར་འགྱུར་བའོ། །ཆོས་བཞི་པོ་དེ་དག་དང་ལྡན་པ་དེ་རྣམས་ལ་སྐྱོ་བར་
D45.039.0023b03.01བྱེད་པའི་ཆོས་བཞི་ཤིན་ཏུ་ཤས་ཆེ་བར་འགྱུར་ཏེ། བཞི་གང་ཞེ་ན། དེ་དག་ལ་ཕྲག་དོག་ཤིན་ཏུ་ཤས་ཆེ་བར་འགྱུར་བ་དང་། དེ་དག་ལ་ཁྲོ་བ་ཤིན་ཏུ་ཤས་ཆེ་བར་འགྱུར་བ་དང་། དེ་དག་ལ་ཁྱིམ་ལ་ལྷག་པར་ཆགས་པ་ཤིན་ཏུ་ཤས་ཆེ་བར་འགྱུར་བ་དང་། བདག་ཀྱང་ཡོངས་སུ་སྤངས་ཏེ་བརྐམ་
D45.039.0023b04.01པས་ཟས་སོགས་པའི་གནས་ཀྱི་བུམ་པར་འཇོག་པར་འགྱུར་ཏེ། དེ་དག་ཆོས་གོས་ལ་ཞེན་ནས་ཆགས་པས་ཟིལ་གྱིས་ནོན་ནས་ཟ་མ་ཏོག་ལྟ་བུའི་ཆོས་མང་དུ་ཀུན་ཏུ་སྤྱོད་པར་འགྱུར། ཟ་མ་ཏོག་ལྟ་བུའི་ཆོས་ཡང་དག་པར་བླངས་ནས་གནས་པར་འགྱུར། གསོག་དང་ཡ་མ་བརླར་
D45.039.0023b05.01འགྱུར་ཏེ། དེ་དག་ལ་དགེ་སྦྱོང་གི་ཆོས་གནས་པར་མི་འགྱུར་རོ། །ཆོས་འདི་ལྟ་བུ་འདི་དག་ཐོས་ནས་གནས་བཞི་ལྷག་པར་ཡོངས་སུ་ཚོལ་བར་འགྱུར་ཏེ། བཞི་གང་ཞེ་ན། ཆོས་སྤོང་བ་ལྷག་པར་ཡོངས་སུ་ཚོལ་བར་འགྱུར་བ་དང་། མ་གནང་བ་སྨྲ་བར་འགྱུར་བ་དང་།
D45.039.0023b06.01བུད་མེད་འབའ་ཞིག་འཁོད་པ་ལ་ཆོས་འཆད་པར་འགྱུར་བ་དང་། དེ་དག་དེ་ལྟ་བུ་བྱེད་ཅིང་སོ་སོར་ཐར་པ་སྤོང་བ་ལྷག་པར་ཡོངས་སུ་ཚོལ་བར་འགྱུར་བ་སྟེ། དེ་དག་མདོ་སྡེ་འདི་ལྟ་བུ་འདི་དག་ཐོས་ནས། དེ་བས་ཀྱང་ཆེར་ཆོས་ཀྱིས་ཕོངས་པར་འགྱུར་བའི་ལས་བྱེད་པར་
D45.039.0023b07.01