完整藏文原文 · 德格版页 当前仅加载第 39 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་ཤིག །ཁྱེད་མཚན་མའི་འདུ་ཤེས་མ་བྱེད་ཅིག །ཁྱེད་གནས་མེད་པ་དང་འདྲིས་པ་མེད་པར་གྱིས་ཤིག །ཁྱེད་བ་ལང་དང་བོང་བུ་སྡུད་པར་མ་བྱེད་ཅིག །ཁྱེད་ལེ་ལོའི་གནས་རྣམས་དང་ལྡན་པར་མ་བྱེད་ཅིག །ཁྱེད་མི་དགེ་བའི་ཆོས་སྤང་བ་དང་། དགེ་བའི་ཆོས་བསྒྲུབ་
D45.039.0024b01.01པའི་ཕྱིར་བརྩོན་འགྲུས་རྩོམས་ཤིག །འོད་སྲུང་ངས་ནི་རྣམ་གྲངས་དུ་མས་དབེན་པ་བསྔགས་ཏེ། དགོན་པ་ལ་གནས་པ་དང་། འདུ་འཛི་མེད་པ་བསྔགས་སོ། །དེ་ལ་ཡོ་བྱད་མ་བསྙུངས་པ་ལ་གནས་པ། འདོད་པ་ཆེ་བ། སྡིག་པ་འདོད་པ། ཡོ་བྱད་མ་བསྙུངས་པའི་ཚུལ་ལ་
D45.039.0024b02.01གནས་པ་དག་གིས་ཡོ་བྱད་བསྙུངས་པ་ལ་གནས་པ་འདི་ལྟ་བུ་འདི་དག་སྤོང་བར་འགྱུར་རོ། །འོད་སྲུང་འདི་ལྟ་སྟེ། དཔེར་ན་དབྱར་ཟླ་འབྲིང་པོ་ལ་མི་ཞིག་མར་འཐུངས་ལ་དེ་ཡང་ཤེས་རབ་འཆལ་པའི་རང་བཞིན་ཅན་ཞིག་པས་སྐོམ་ནས་ཆུ་ཚོལ་ཏེ། དེས་མི་ཞིག་ལ་ཆུ་བསླངས་པ་དང་།
D45.039.0024b03.01དེས་འདི་སྐད་དུ་ཀྱེ་མི་ཁྱོད་མར་འཐུངས་ཀྱིས་ཆུ་འདོད་པར་མ་བྱེད་ཅིག །ཤི་བར་གྱུར་ཏ་རེ་ཞེས་སྨྲས་པ་དང་། དེ་ཁྲོ་བས་ཟིལ་གྱིས་ནོན་ནས་མི་དེ་ལ་མི་སྙན་པ་བརྗོད་ཅིང་གཤེ་ལ་དེའི་ཚིག་མ་མཉན་ཏེ། དེས་ཆུ་འཐུངས་ནས་འཆི་བའི་དུས་བྱེད་པ་དེ་བཞིན་དུ་འོད་སྲུང་གང་དག་དམིགས་
D45.039.0024b04.01པ་ཅན་གྱི་རང་བཞིན་ཅན་བརྐམ་པ་ཡོན་ཏན་མ་ཡིན་པ་ལ་གནས་པའི་དགེ་སློང་དག་འབྱུང་བར་འགྱུར་ཏེ། དེ་དག་ལ་ཆོས་འདི་ལྟ་བུ་འཛིན་པའི་དགེ་སློང་དག་གིས་འདི་ནི་བྱ་བའོ། །འདི་ནི་བྱ་བ་མ་ཡིན་པའོ་ཞེས་བསྐུལ་ན་དེ་དེ་དག་ཁྲོ་བས་ཟིལ་གྱིས་ནོན་ནས་མི་སྙན་པ་བརྗོད་པར་འགྱུར།
D45.039.0024b05.01གཤེ་བར་འགྱུར་ཏེ། མདོ་སྡེ་འདི་ལྟ་བུ་འདི་དག་དང་། དེ་བཞིན་གཤེགས་པའི་གདམས་པ་དང་། རྗེས་སུ་བསྟན་པ་སྤོང་བར་འགྱུར་རོ། །འོད་སྲུང་དེ་ལྟ་བས་ན་ད་ལྟར་ཕལ་ཆེར་དེ་བཞིན་གཤེགས་པ་དང་རྩོད་དོ། །འོད་སྲུང་དེ་བཞིན་གཤེགས་པ་དགེ་སློང་གི་དགེ་འདུན་ལ་བསླབ་
D45.039.0024b06.01པའི་གཞི་འཆའ་ཞིང་སྟན་གཅིག་པར་ཟ་བར་བསྔགས་པ་ན་དགེ་སློང་བཟང་སྐྱོང་ཁྲོ་བས་ཟིལ་གྱིས་ནོན་ནས་ཟླ་བ་གསུམ་ན་ངའི་གན་དུ་འོངས་པ་ལ་ལྟོས། འོད་སྲུང་ཚངས་པར་སྤྱོད་པའི་སྙིང་པོ་མཆོག་འདི་ཉིད་ལ་གནས་སྐབས་འདི་ལྟ་བུ་འདི་བྱུང་ན་དེ་བཞིན་གཤེགས་པ་ཡོངས་སུ་མྱ་ངན་
D45.039.0024b07.01