完整藏文原文 · 德格版页 当前仅加载第 39 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་དང་། །མང་དུ་ཐོས་པར་གྱུར་ནས་སུ། །དེ་ཚེ་སངས་རྒྱས་ས་སྟོན་པ་པོ། །བྱམས་པས་དེ་དག་ལུང་སྟོན་འགྱུར། །དེ་བས་དོན་འདི་ཐོས་གྱུར་ནས། །དད་པ་བཟང་པོ་སྐྱེད་པར་འགྱུར། །སེམས་ཅན་ཀུན་ལ་ཕན་གདགས་ཕྱིར། །སེམས་ནི་
D45.039.0023a01.01བརྟན་པོར་བྱེད་པར་འགྱུར། །འདི་ནི་མི་གང་ཡོངས་ཚོལ་བ། །གནས་དེ་ཅི་ཕྱིར་རྙེད་མི་འགྱུར། །གང་ལ་ཤེས་རབ་བརྩོན་འགྲུས་ཡོད། །དེ་ལ་བྱང་ཆུབ་དཀོན་པ་མེད། །དགའ་ཞིང་མགུ་བའི་སེམས་ཀྱིས་ནི། །གཡོ་དང་ལྡན་པར་ཡོང་མི་བྱ། །བྱམས་པའི་
D45.039.0023a02.01སེམས་ནི་བསྒོམ་པར་བྱ། །བས་མཐའ་དགོན་པར་གནས་པར་བྱ། །འདི་ནི་བྱང་ཆུབ་སྤྱོད་པ་ཡིན། །གང་དག་འདི་ལ་གསོག་ཆོས་ཀྱིས། །གནས་འདིར་རབ་ཏུ་རྗོད་བྱེད་པ། །དེ་དག་ཆོམ་རྐུན་དྲག་པོ་ཆེ། །སེམས་ཅན་ཀུན་གྱིས་ཕྱག་བྱས་སོ། །གང་དག་བཟའ་
D45.039.0023a03.01དང་བཏུང་བ་དང་། །རྙེད་དང་བཀུར་སྟིའི་དོན་གྱི་ཕྱིར། །ཆོས་རྣམས་འཐུན་པར་བཟུང་བྱས་ནས། །ཕན་ཚུན་དུ་ནི་འཆད་པར་འགྱུར། །དེ་དག་སྲོག་ནི་མཆོག་མིན་ཏེ། །དེ་དག་སྲོག་ནི་དོན་མེད་དོ། །དེ་ནི་འཆི་ཞིང་ཕོངས་པར་འགྱུར། །དེས་ནི་ངན་སོང་མྱུར་དུ་འགྱུར། །ཆོས་
D45.039.0023a04.01ཀྱི་སྒོ་ནས་ཁ་ཅིག་ནི། །དགེ་སློང་མིན་ལ་དགེ་སློང་མིང་། །སོ་སོར་ཐར་པ་ལེགས་གསུང་དང་། །མདོ་སྡེ་བསྔགས་མིན་བརྗོད་པར་འགྱུར། །གང་དུ་རང་ཁྲིམས་ཕུན་སུམ་ཚོགས། །འདི་འདྲ་བ་དག་ངས་བཤད་པ། །དགེ་སློང་གཟུགས་ཀྱིས་སྤོང་འགྱུར་ཏེ། །དེ་དག་ལ་ནི་བཟང་འགྲོ་
D45.039.0023a05.01མེད། །གང་ཞིག་ལྷར་བཅས་འཇིག་རྟེན་ལ། །དེ་སྙེད་སྐུར་པ་བཏབ་པ་བས། །གང་གིས་ཀུན་མཁྱེན་སྟོན་པ་ལ། །སྐུར་བཏབ་དེ་ནི་དེ་བས་མང་། །ལུས་ཀྱིས་ཀུན་ཏུ་བསྡམ་པར་བྱ། །ངག་གིས་ཡང་དག་བསྡམ་པར་བྱ། །ཡིད་ཀྱིས་སྡང་བར་མི་བསམ་སྟེ། །དེ་ཚེ་མྱ་ངན་འདས་པར་
D45.039.0023a06.01གྱིས། །འོད་སྲུང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ཤིང་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པའི་དགེ་སློང་རྣམས་ཀྱང་ཡོངས་སུ་མྱ་ངན་ལས་འདས་ལ། ལྷག་པའི་བསམ་པ་ཕུན་སུམ་ཚོགས་པའི་སེམས་ཅན་རྣམས་ཀྱང་འཆི་བའི་དུས་བྱས་ཏེ་ཟད་པར་གྱུར་པ་འབྱུང་
D45.039.0023a07.01