完整藏文原文 · 德格版页 当前仅加载第 39 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་ཅིང་། །བུ་ལའང་སྦྱིན་པར་མི་བྱེད་ལ། །སྡུག་བསྔལ་ཤ་ཐང་བཙལ་བྱས་ནས། །གང་དག་ཚུལ་ཁྲིམས་ལྡན་ལ་བྱིན། །དེ་ལ་གང་དག་མི་རིགས་པ། །སྤྱད་ནས་མྱུར་དུ་འགྲོ་བྱེད་དེ། །ཕྱོགས་གཅིག་ཏུ་ནི་འདུས་ནས་སུ། །བདེ་བར་གྱུར་ཏམ་ཞེས་ཀྱང་འཛེར། །
D45.039.0029a01.01རྒྱལ་པོའི་གཏམ་དང་ཆོམ་རྐུན་གཏམ། །གེལ་བའི་གནས་ཀྱི་གཏམ་དག་དང་། །བཟའ་བ་དང་ནི་བཏུང་བའི་གཏམ། །དེ་དག་འདུས་ནས་སྨྲ་བར་བྱེད། །ཉི་ཟླ་སྤྱང་ཀིས་ཟིན་པ་དང་། །རྒྱལ་པོ་འོང་དང་འགྲོ་བ་དང་། །དེར་ནི་རྒྱལ་བར་འགྱུར་བ་དང་། །དེར་ནི་ཕམ་པར་འགྱུར་བ་དག །
D45.039.0029a02.01མི་རིགས་པ་རྣམས་བརྗོད་པ་འདི། །ཡང་དང་ཡང་དུ་བརྗོད་པར་འགྱུར། །མལ་ཆ་བཟང་པོའི་མལ་བཅས་ཏེ། །མཚན་མོ་ཐོག་ཐག་ཉལ་བྱས་ནས། །དེ་དག་ན་ནི་ངན་པ་སྟེ། །སྦྱིན་པ་དེ་ནི་མཆོག་མ་ཡིན། །ཡང་དང་ཡང་དུ་མི་རྙེད་ཀྱིས། །གང་ན་བཟང་བའི་ཁྱིམ་དེར་འདེང་། །
D45.039.0029a03.01ཇི་སྲིད་དུ་ནི་དོན་བརྟགས་ཏེ། །ཉལ་བ་བྱས་ནས་དེ་ཡི་ཚེ། །མི་རིགས་རྨོངས་པ་བློ་ངན་པ། །དཔེར་ན་བོང་བུ་ཁལ་ཁྱེར་བཞིན། །དེ་ནི་དེ་དག་ཅི་བསམས་བཞིན། །དེ་ཚེ་རྨི་ལམ་རྨིས་གྱུར་པ། །སད་ནས་ཀུན་ཏུ་རྗོད་བྱེད་དེ། །དེ་དག་ཕན་ཚུན་སྨྲ་བར་བྱེད། །ཁྱོད་ལ་
D45.039.0029a04.01ཀྱལ་ཀ་མི་བྱེད་དེ། །ཁྱོད་ལ་རྨི་ལམ་བཟང་རྨིས་ཀྱིས། །ཡིད་མི་བདེ་བ་མ་སྐྱེད་པར། །མྱུར་དུ་སོང་ལ་དེ་སྒྲུབས་ཤིག །ཤིན་ཏུ་སྡོམ་པ་ཅི་འདྲ་བར། །དེ་དག་གྲོང་དང་ཡུལ་འཁོར་འགྲོ། །ཐམས་ཅད་ངོ་འཛུམ་གནག་གྱུར་ཅིང་། །སྤྲེའུ་དང་འདྲ་བར་རྣམ་པར་འཁྱམ། །དེ་དག་
D45.039.0029a05.01ཁྱིམ་དུ་ཞུགས་ནས་སུ། །སོ་སོར་ཐར་པ་ལེགས་བཤད་པ། །སངས་རྒྱས་ཀྱི་ནི་མདོ་བོར་ནས། །བུད་མེད་རྣམས་ལ་ཆོས་འཆད་དོ། །དེ་དག་ཁྱིམ་ནས་འགྲོ་བྱེད་ཅིང་། །གང་གིས་རབ་ཏུ་ངན་བྱིན་པ། །དེར་ནི་སྦྱིན་པ་པོ་དང་དེའི། །གཉེན་བཤེས་གྱུར་པ་རྣམས་ལ་སྨོད། དེ་དག་
D45.039.0029a06.01ཡང་འདུས་གྱུར་ནས་སུ། །གཅིག་ལ་གཅིག་ནི་འདྲི་བྱེད་དེ། །ཅི་རྙེད་ཁྱོད་ཀྱིས་ཅི་ཞིག་ཟོས། །ཅི་ཞེས་དྲིས་ནས་དེ་དག་སྨྲ། །དེ་ལྟར་སྔ་མ་བཞིན་སྦྱར་ཏེ། །ལོ་གཅིག་བཞིན་དུ་ལོ་བརྒྱར་ཡང་། །དེ་དག་འདྲ་བའི་རྟོག་པ་ཡིས། །དེ་དག་འཚོ་བ་བྱེད་པར་འགྱུར། །དེར་ནི་རྩོད་པ་
D45.039.0029a07.01