完整藏文原文 · 德格版页 当前仅加载第 39 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་མ་དེ་དག་ཀྱང་འདོད་ཆགས་ཀྱི་སེམས་ཤིན་ཏུ་མང་དུ་སྐྱེའི་ཆོས་ཀྱི་སེམས་ནི་ཤིན་ཏུ་ཉུང་ངོ་། །འོད་སྲུང་ཇི་ཙམ་དུ་བྱང་ཆུབ་སེམས་དཔའི་མིང་འདི་ཐོབ་ནས་ངན་སོང་གི་གཡང་ས་ཆེན་པོར་འགྲོ་བའི་ལམ་རབ་ཏུ་འཛིན་པར་འགྱུར་བ་ལ་ལྟོས། འོད་སྲུང་
D45.039.0013a01.01དེ་ལྟར་ན་དེའི་ཚེ་ཆོས་ཀྱི་མཚན་ཉིད་ཀྱིས་འདུ་འཛིར་འགྱུར་ཏེ། དེ་དག་གཅིག་གིས་གཅིག་མཐོང་ནས་འདོད་ཆགས་ཀྱིས་ཡོངས་སུ་ཚིག་པར་འགྱུར་རོ། །མཆུ་བསྒྱུར་བས་དགོས་པ་གོ་བར་བྱེད་པར་འགྱུར་རོ། །དེ་དག་འདུས་ནས་ཉེ་བར་གནས་པ་དང་། གནས་རྣམས་ཡོངས་
D45.039.0013a02.01སུ་འཛིན་པར་འགྱུར། དེ་དག་ཐོག་མར་སློབ་དཔོན་ལ་ཕྱག་འཚལ་བར་འགྱུར་རོ། །དེའི་འོག་ཏུ་སྨན་བྱེད་པ་གཏོང་བར་འགྱུར་རོ། །དེའི་འོག་ཏུ་མིང་ནས་སྨོས་པར་འགྱུར་རོ། །དེའི་འོག་ཏུ་ཁྱིམ་དུ་འཇོག་པར་འགྱུར་རོ། །ཡང་ན་ལམ་པོ་ཆེ་སྟོན་པར་འགྱུར། གནས་ཁང་སྟོན་པར་
D45.039.0013a03.01འགྱུར། དེ་དག་འཇུག་པ་དང་འབྱུང་བ་ན་ཡང་ཁྱོད་ཅི་འདྲ་ཞེས་འདྲི་བར་འགྱུར། དེ་དག་ཕན་ཚུན་སྣག་གི་གཉེན་མཚམས་དང་སྲིང་མོ་ཞེས་རྗོད་པར་འགྱུར་རོ། །དེ་དག་རྒྱུན་མི་འཆད་པར་ལྟ་བས་གནས་སུ་འདུ་བར་འགྱུར་རོ། །གནས་སུ་འདུས་ནས་འདོད་ཆགས་འདྲེས་པར་
D45.039.0013a04.01འགྱུར་རོ། །འདོད་ཆགས་འདྲེས་ནས་སྤྲོད་པར་འགྱུར་རོ། །སྤྲད་ནས་དེ་ཉིད་ཀྱི་མིང་སྨོས་པར་འགྱུར་ཏེ། དེ་དག་ནི་ཚངས་པར་སྤྱོད་པ་མ་ཡིན་པའི་ཆོས་སྤྱོད་དོ། །གང་ཆོས་མ་ཡིན་པ་སྟེན་པ་ནི་བྱང་ཆུབ་མེད་པར་འགྱུར། མཐོ་རིས་མེད་པར་གྱུར་ཅིང་མྱ་ངན་ལས་འདས་པ་དང་
D45.039.0013a05.01རིང་ངོ་། །དེ་དག་གིས་དེ་བཞིན་གཤེགས་པ་ཡོངས་སུ་བཏང་། དེ་དག་གིས་ཆོས་བོར། དེ་དག་གིས་དགེ་འདུན་དོན་དུམ་གཉེར་ཏོ། །དེ་དག་ཕྱོགས་གཅིག་ཏུ་འཁོད་ནས་འདོད་པའི་རྣམ་པར་རྟོག་པ་ལ་རྣམ་པར་རྟོག་པར་འགྱུར་རོ། །གནོད་སེམས་ཀྱི་རྣམ་པར་རྟོག་པ་དང་།
D45.039.0013a06.01རྣམ་པར་འཚེ་བའི་རྣམ་པར་རྟོག་པས་རྣམ་པར་རྟོག་པར་འགྱུར་རོ། །བྱང་ཆུབ་སེམས་དཔའི་ལམ་ཚངས་པའི་གནས་པ་བཞི་པོ་གང་ཡིན་པ་དེ་དག་ཀྱང་དེ་དག་ལ་མེད་པར་འགྱུར་ཏེ། དཔེར་ན་ད་ལྟར་ཚངས་པའི་གནས་བསྒོམ་པ་དེ་ལྟར་དེའི་དུས་ན་འདོད་པ་ལ་རྣམ་པར་རྟོག་
D45.039.0013a07.01