完整藏文原文 · 德格版页 当前仅加载第 39 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཆགས་པའི་རྩ་བ་དང་། ཞེ་སྡང་མེད་པའི་རྩ་བ་དང་། གཏི་མུག་མེད་པའི་རྩ་བ་དང་། ཕྲག་དོག་མེད་པའི་རྩ་བ་དང་། འདོད་པ་སྤོང་བའི་རྩ་བ་དང་། གཅིག་པུར་གནས་པའི་རྩ་བ་དང་། མི་ཉལ་བའི་རྩ་བའོ། །ཐམས་ཅད་ཀྱི་ཐམས་ཅད་དུ་གནོད་སེམས་ཀྱི་སེམས་བསྐྱེད་པར་
D45.039.0025b01.01མི་བྱ། ཐམས་ཅད་ཀྱི་ཐམས་ཅད་དུ་འདོད་ཆགས་ཀྱི་སེམས་བསྐྱེད་པར་མི་བྱ། གང་དུ་ཡང་རེ་བར་མི་བྱའོ། །གོ་ཆ་དེ་ནི་རེ་བ་མེད་པའི་རྩ་བ་ཞེས་བྱ་སྟེ། གོ་ཆ་དེ་ལྟ་བུ་བགོས་ནས་བྱང་ཆུབ་ཏུ་སེམས་བསྐྱེད་པར་བྱ། གང་ལ་ཡང་མངོན་པར་ཞེན་པ་མེད་པར་བྱའོ། །བདག་
D45.039.0025b02.01ཏུ་འདུ་ཤེས་བསྐྱེད་པར་མི་བྱ་སྟེ། སེམས་ཅན་དུ་འདུ་ཤེས་མི་བསྐྱེད། སྲོག་ཏུ་འདུ་ཤེས་མི་བསྐྱེད། གང་ཟག་ཏུ་འདུ་ཤེས་མི་བསྐྱེད། བུད་མེད་དུ་འདུ་ཤེས་མི་བསྐྱེད། སྐྱེས་པར་འདུ་ཤེས་མི་བསྐྱེད། སའི་ཁམས་སུ་འདུ་ཤེས་མི་བསྐྱེད། ཆུའི་ཁམས་སུ་འདུ་ཤེས་མི་
D45.039.0025b03.01བསྐྱེད། མེའི་ཁམས་སུ་འདུ་ཤེས་མི་བསྐྱེད། རླུང་གི་ཁམས་སུ་འདུ་ཤེས་མི་བསྐྱེད། འདོད་པའི་ཁམས་སུ་འདུ་ཤེས་མི་བསྐྱེད། གཟུགས་ཀྱི་ཁམས་སུ་འདུ་ཤེས་མི་བསྐྱེད། གཟུགས་མེད་པའི་ཁམས་སུ་འདུ་ཤེས་མི་བསྐྱེད། ཚུལ་ཁྲིམས་སུ་འདུ་ཤེས་མི་བསྐྱེད།
D45.039.0025b04.01འཆལ་པའི་ཚུལ་ཁྲིམས་སུ་འདུ་ཤེས་མི་བསྐྱེད་ཅིང་སྟོང་པ་ཉིད་དུ་འདུ་ཤེས་བསྐྱེད་པར་མི་བྱ། ཐམས་ཅད་ལ་འདུ་ཤེས་བསྐྱེད་པར་མི་བྱ་སྟེ། ཐ་ན་མྱ་ངན་ལས་འདས་པའི་འདུ་ཤེས་ཀྱང་བསྐྱེད་པར་མི་བྱ་ན་བདག་ཏུ་འདུ་ཤེས་བསྐྱེད་པ་ལྟ་ཅི་སྨོས། ཅིའི་ཕྱིར་འདུ་ཤེས་བསྐྱེད་པར་མི་
D45.039.0025b05.01བྱ་ཞེ་ན། འདི་ལ་འདུ་ཤེས་དེ་གང་ཡང་མི་དམིགས་པའི་ཕྱིར་རོ། །འོད་སྲུང་གལ་ཏེ་འདོད་ཆགས་ཡང་དག་པ་ཡིན་དུ་ཟིན་ན་དེའི་འཕོ་བ་དང་། འགོག་པ་ཀུན་ཏུ་ཤེས་པར་མི་འགྱུར་རོ། །འོད་སྲུང་འདི་ལྟར་འདོད་ཆགས་ནི་ཡུལ་ལ་གནས་པ་དང་། ཕྱོགས་ན་གནས་པར་མི་དམིགས་ཏེ།
D45.039.0025b06.01{བརྫུན་,རྫུན་}དུ་སྨྲ་བ་ནི་མ་གཏོགས་སོ། །དེ་ལྟ་བས་ན་དེ་བཞིན་གཤེགས་པ་ནི་ཡང་དག་པ་གསུང་བ་སྟེ། ཡང་དག་པ་ཇི་ལྟ་བ་བཞིན་དུ་གསུང་ངོ་། །འདོད་ཆགས་གང་ཡིན་པ་དེ་ནི་བདག་མ་ཡིན་ཏེ། དེ་ལྟ་བུའི་ཆོས་དེ་དག་ནི་དགེ་སྦྱོང་གི་ཆོས་རྣམས་སོ། །དེ་ལ་གང་ན་མི་དམིགས་པ་དེ་
D45.039.0025b07.01