完整藏文原文 · 德格版页 当前仅加载第 39 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་དུ་ལྟུང་བས་འཆི་བའི་དུས་ཀྱི་ཚེ་འགྱོད་པའི་སེམས་ཀྱིས་འཆི་བའི་དུས་བྱེད་པར་འགྱུར་ཏེ། དེ་དག་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །འོད་སྲུང་དེ་ལྟ་བས་ན་ཁྱོད་མོས་པར་བྱ། ཁྱོད་
D45.039.0020b01.01ཀྱིས་ཁོང་དུ་ཆུད་པར་བྱ་སྟེ། ཅི་ནས་ཀྱང་དགེ་བའི་བཤེས་གཉེན་དང་། དོན་འདོད་པ་དང་། སྙིང་བརྩེ་བ་ཅན་དུ་བྱ་ཞིང་འདི་ལྟ་སྟེ། དཔེར་ན་ཀུན་ཏུ་རྒྱུ་རྩ་བ་ཅན་དང་། འཆིང་བ་པ་བཞིན་དུ་ཕྱིས་འགྱོད་པར་མི་བྱའོ། །འོད་སྲུང་བདག་ཏུ་ལྟ་བ་ལ་རབ་ཏུ་འབྱུང་བར་ང་
D45.039.0020b02.01སྐབས་མི་འབྱེད་དེ། སེམས་ཅན་དུ་ལྟ་བ་ལ་མ་ཡིན། སྲོག་ཏུ་ལྟ་བ་ལ་མ་ཡིན་ཞིང་། གང་ཟག་ཏུ་ལྟ་བ་ལ་རབ་ཏུ་འབྱུང་བའི་སྐབས་མི་འབྱེད་དོ། །གང་དག་ལ་སྐབས་མ་ཕྱེ་བ་དེ་དག་བསྟན་པ་འདི་ལ་རབ་ཏུ་བྱུང་ཞིང་རྐུན་མ་དེ་དག་དད་པས་བྱིན་པ་ཡོངས་སུ་སྤྱོད་དེ། ཡང་
D45.039.0020b03.01དག་པའི་དགེ་སློང་ཚུལ་ཁྲིམས་དང་ལྡན་པ་ནི་མ་ཡིན་ནོ། །འོད་སྲུང་མིས་ཞག་དྲུག་གི་བར་དུ་ཟན་མ་ཟོས་པ་ནི་སླའི། བསྟན་པ་འདི་ལ་རབ་ཏུ་བྱུང་ནས་འདི་ལྟ་སྟེ། བདག་ཏུ་ལྟ་བའམ། སེམས་ཅན་དང་སྲོག་ཏུ་ལྟ་བའམ། གང་ཟག་ཏུ་ལྟ་བའམ། མྱ་ངན་ལས་འདས་
D45.039.0020b04.01པའི་བར་དུ་ལྟ་བས་དད་པས་བྱིན་པ་ཡོངས་སུ་སྤྱད་པ་ནི་དེ་ལྟ་མ་ཡིན་ནོ། །དེ་ལ་བྱང་ཆུབ་སེམས་དཔས་བདག་ཏུ་ལྟ་བར་མི་འགྱུར་བ་དང་། སེམས་ཅན་དུ་ལྟ་བར་མི་འགྱུར་བ་དང་། སྲོག་ཏུ་ལྟ་བར་མི་འགྱུར་བ་དང་། གང་ཟག་ཏུ་ལྟ་བར་མི་འགྱུར་བ་དང་། འབྱུང་བར་ལྟ་བར་
D45.039.0020b05.01མི་འགྱུར་བ་དང་། མྱ་ངན་ལས་འདས་པར་ལྟ་བར་མི་འགྱུར་བར་བྱ་ཞིང་ལྟ་བ་ཐམས་ཅད་སྤང་བའི་ཕྱིར་ཆོས་བསྟན་པར་བརྩོན་འགྲུས་བརྩམ་པར་བྱའོ། །འོད་སྲུང་སྐྱེས་བུ་དམ་པ་དེ་ལྟ་བུ་དེ་དག་ལ་ངས་མདོ་སྡེ་འདི་ལྟ་བུ་འདི་དག་རྗེས་སུ་གཏད་དོ། །དེ་ཅིའི་ཕྱིར་ཞེ་ན། འདི་ལྟར་
D45.039.0020b06.01དེ་དག་ནི་ང་ཅི་འདྲ་བ་དེ་འདྲ་བར་འགྱུར་བར་འདོད་པའི་ཕྱིར་རོ། །གང་དག་དེ་འདྲ་བར་འགྱུར་བར་འདོད་པ་དེ་དག་ནི་ང་འདྲ་བ་རྣམས་ཀྱིས་བརྡར་བྱས་པའོ། །གང་དག་ངེད་ཀྱིས་བརྡར་བྱ་བ་དེ་དག་གིས་ངེད་ལ་བསྐུལ་བར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་
D45.039.0020b07.01