完整藏文原文 · 德格版页 当前仅加载第 39 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་བུ་འདི་དག་ནོད་པར་འགྱུར། ལེན་པར་འགྱུར། འཛིན་པར་འགྱུར་ཏེ། དེ་དག་ལ་ངས་ལེགས་སོ་ཞེས་བྱ་བ་སྦྱིན་ཅི་དགོས་ཏེ། དེ་དག་བདག་ཉིད་ཀྱིས་ཐམས་ཅད་མཁྱེན་པའི་ཡེ་ཤེས་དང་ལྡན་པའི་ཕྱིར་རོ། །ང་རྗེས་སུ་དྲན་ནས་དགའ་བར་འགྱུར་
D45.039.0016a01.01ཏེ། ཀྱེ་མ་ཀྱེ་མ་ཤཱཀྱ་ཐུབ་པ་དེས་ཕན་གདགས་པའི་དམ་པས་བདག་ཅག་ལ་ཕན་བཏགས་སོ་ཞེས་ཚིག་དེ་སྐད་སྨྲ་བར་འགྱུར་རོ། །འོད་སྲུང་དེ་ལྟ་བས་ན་ཆོས་འདི་ལ་སློབས་ཤིག།།འདི་ལ་བསླབས་ན་ཅི་དང་ཅི་འདོད་པ་དེ་དང་དེ་རྙེད་དཀའ་བར་མི་འགྱུར་རོ། །དེ་སྐད་ཅེས་བཀའ་
D45.039.0016a02.01སྩལ་བ་དང་། བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཅི་ཞིག་བཙལ་བར་བགྱི། བཅོམ་ལྡན་འདས་བདག་ནི་རེ་བ་མ་མཆིས་ཏེ། བཅོམ་ལྡན་འདས་བདག་ནི་བླ་ན་མེད་པ་ཡང་དག་པར་རྫོགས་པའི་བྱང་
D45.039.0016a03.01ཆུབ་ལས་ཡོངས་སུ་ཉམས་པ་ལགས་སོ། །བཅོམ་ལྡན་འདས་བདག་གང་གི་ཚེ་ཐམས་ཅད་མཁྱེན་པའི་ཡེ་ཤེས་དང་ལྡན་པར་གྱུར་པ་ན་ཤིན་ཏུ་དགའ་བར་འགྱུར་ལགས་སོ། །བཅོམ་ལྡན་འདས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ངོ་མཚར་དུ་འཛིན་པ་ལགས་སོ། །
D45.039.0016a04.01བཅོམ་ལྡན་འདས་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་དཀའ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་ང་ཁྱོད་ལ་ནི་མི་ཟེར་གྱི་ཁྱོད་ལ་བརྟེན་ནས་དེ་དག་
D45.039.0016a05.01ལ་སྨྲས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མྱུར་དུ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་བྱ་བ་ཐེ་ཚོམ་མེད་པ་ལ་ཁྱོད་ཐེ་ཚོམ་ཟའོ། །འོད་སྲུང་གཞན་ཡང་སེམས་ཅན་གང་དག་ཆོས་ལ་སྐོམ་པ་དང་ལྡན་པ་དང་། ཆོས་ཡོངས་སུ་ཚོལ་བ་དང་ལྡན་པ་དེ་དག་ཐམས་
D45.039.0016a06.01ཅད་ནི་མཐར་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཡོངས་སུ་ཚོལ་བ་ཐམས་ཅད་ཡང་དག་པར་གཞོལ་བའི་ཕྱིར་ཆོས་སྟོན་པར་འགྱུར་རོ།། །།སྡོམ་པ་གསུམ་བསྟན་པའི་ལེའུ་ཞེས་བྱ་བ་ཐེག་པ་ཆེན་པོའི་
D45.039.0016a07.01