完整藏文原文 · 德格版页 当前仅加载第 39 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བྱའོ། །དེ་བཞིན་གཤེགས་པས་ནི་བདུད་ཀྱི་རིས་རབ་ཏུ་དབྱུང་བ་དང་། བསྙེན་པར་རྫོགས་པར་མ་གནང་ངོ་། །འོད་སྲུང་འདི་ལྟ་སྟེ། དཔེར་ན་གང་ཞིག་འདི་སྐད་དུ་བྱ་ཀ་ལ་ཀུ་ཊི་ཀ་ལས་བལ་གླང་གླང་པོ་ཆེ་སྐྱེས་སོ་ཞེས་ཟེར་ན་འོད་སྲུང་འདི་ཇི་སྙམ་དུ་སེམས།
D45.039.0027a01.01མི་དེའི་ཚིག་དེ་ཡིད་ཆེས་པར་བྱ་བ་ཡིན་ནམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། འོད་སྲུང་འདི་ཇི་སྙམ་དུ་སེམས། དེ་འཐུན་པ་ཡིན་ནམ་འོན་ཏེ་མི་འཐུན་པ་ཡིན། གསོལ་པ། བཅོམ་ལྡན་འདས་དེ་ནི་མི་འཐུན་པ་ལགས་སོ། །བཀའ་སྩལ་པ།
D45.039.0027a02.01དེ་བས་ཀྱང་སྐྱེས་བུ་དམ་པ་མ་ཡིན་པ་གང་དག་བདག་ཏུ་འདུ་ཤེས་དང་། སེམས་ཅན་དུ་འདུ་ཤེས་དང་། སྲོག་ཏུ་འདུ་ཤེས་དང་། གང་ཟག་ཏུ་འདུ་ཤེས་དང་། མྱ་ངན་ལས་འདས་པའི་འདུ་ཤེས་ལ་གནས་ཏེ། ང་ལ་སྟོན་པ་ཞེས་བརྗོད་པ་དེ་དག་ནི་ཆེས་མི་འཐུན་ནོ། །འོད་སྲུང་
D45.039.0027a03.01འདི་ལྟ་སྟེ། དཔེར་ན་མི་ལ་ལ་ཞིག་འོངས་ནས་འདི་སྐད་དུ་བྱ་འདབ་{བཟངས་,བཟང་}ལས་བྱ་རོག་སྐྱེས་སོ་ཞེས་ཟེར་ན། འོད་སྲུང་འདི་ཇི་སྙམ་དུ་སེམས། མི་དེའི་ཚིག་དེ་ཡིད་ཆེས་པར་བྱ་བ་ཡིན་ནམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། འོད་
D45.039.0027a04.01སྲུང་འདི་ཇི་སྙམ་དུ་སེམས། དེ་འཐུན་པ་ཡིན་ནམ། འོན་ཏེ་མི་འཐུན་པ་ཡིན། གསོལ་པ། བཅོམ་ལྡན་འདས་མི་འཐུན་པ་ལགས་སོ། །བཀའ་སྩལ་པ། དེ་བས་ཀྱང་སྐྱེས་བུ་དམ་པ་མ་ཡིན་པ་གང་དག་བདག་ཏུ་འདུ་ཤེས་ལ་གནས་པ་ནས་མྱ་ངན་ལས་འདས་པའི་འདུ་
D45.039.0027a05.01ཤེས་ཀྱི་བར་ལ་གནས་ནས་ང་ལ་སྟོན་པའོ་ཞེས་བརྗོད་པ་དེ་དག་ནི་ཆེས་མི་འཐུན་ནོ། །འོད་སྲུང་འདི་ལྟ་སྟེ། དཔེར་ན་མི་ལ་ལ་ཞིག་འདི་སྐད་དུ་སྲིན་བུ་མེ་ཁྱེར་གྱིས་རི་རབ་བླངས་ཏེ་འགྲོའོ་ཞེས་ཟེར་ན་འོད་སྲུང་འདི་ཇི་སྙམ་དུ་སེམས། མི་དེའི་ཚིག་དེ་ཡིད་ཆེས་པར་བྱ་བ་ཡིན་ནམ།
D45.039.0027a06.01གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། འོད་སྲུང་འདི་ཇི་སྙམ་དུ་སེམས། མི་དེའི་ཚིག་དེ་འཐུན་པ་ཡིན་ནམ་འོན་ཏེ་མི་འཐུན་པ་ཡིན། གསོལ་པ། བཅོམ་ལྡན་འདས་མི་འཐུན་པ་ལགས་སོ། །བཀའ་སྩལ་པ། དེ་བས་ཀྱང་སྐྱེས་བུ་དམ་པ་མ་
D45.039.0027a07.01