完整藏文原文 · 德格版页 当前仅加载第 39 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ཆུད་མི་གཟོན་ཅིང་ཆུད་མི་ཟ་བར་བྱེད་དེ། དགེ་སྦྱོང་དང་བྲམ་ཟེ་ཚུལ་ཁྲིམས་དང་ལྡན་པ་རྣམས་དང་ཐུན་མོང་དུ་སྤྱོད་པ་མ་གཏོགས་པར་སུ་ལ་ཡང་སྦྱིན་པར་མི་བྱེད་དེ། ཚངས་པ་མཚུངས་པར་སྤྱོད་པ་རྣམས་དང་སྲི་བ་མེད་པར་སྤྱོད་དོ། །འོད་སྲུང་བྱང་ཆུབ་སེམས་དཔའ་ཁྱིམ་པ་ཆོས་
D45.039.0041a01.01གསུམ་པོ་འདི་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་འཐོབ་བོ། །དེ་ལ་འདི་སྐད་ཅེས་བྱ་སྟེ། བྱང་ཆུབ་སེམས་དཔའ་ཁྱིམ་པ་ནི། །བྱང་ཆུབ་དམ་པ་ཚོལ་བ་ན། །གང་གིས་དམ་པ་རྟོགས་གྱུར་པའི། །ཤེས་རབ་རྩ་བ་གསུམ་གྱིས་སྐྱེ། །ཕ་དང་མ་ནི་གང་ཡིན་པ། །
D45.039.0041a02.01བློ་གྲོས་ངན་ཅིང་མ་དད་པ། །དད་ལ་འདུན་པ་སྐྱེད་བྱེད་ཅིང་། །ཆོས་ཀྱི་མཆོག་ལ་སྦྱོར་བར་བྱེད། །འཇུངས་པ་གཏོང་དང་ཚུལ་ཁྲིམས་ལ། །ཤེས་རབ་འཆལ་པ་ཤེས་རབ་སྦྱོར། །བྱང་ཆུབ་དམ་པ་གང་ཡིན་པ། །དེ་ལ་དེ་དག་ཡང་དག་འཛུད། །ཕྱོགས་བཞི་དག་ཏུ་སོང་ནས་སུ། །ལེགས་པར་
D45.039.0041a03.01བཤད་པ་ཡོངས་བཙལ་ཏེ། །གང་གིས་ཤེས་རབ་འཕེལ་འགྱུར་བ། །ཆོས་ཀྱི་སྦྱིན་པ་སྦྱིན་པར་བྱ། །ཁྲིམས་འཆལ་ཁྲིམས་ལ་གཞག་བྱས་ཤིང་། །མ་དད་དད་པ་འཛིན་བཅུག་སྟེ། །ཤེས་འཆལ་ཤེས་རབ་འཛིན་བཅུག་ནས། །དེ་ནི་ལྡོག་པར་མི་འགྱུར་རོ། །ཤེས་རབ་ཅན་དེས་དགེ་སློང་
D45.039.0041a04.01མཐོང་། །ཚུལ་ཁྲིམས་ལྡན་དང་མང་ཐོས་ལ། །བཀུར་སྟི་བྱེད་ཅིང་སྟེན་པར་བྱེད། །སོང་ནས་ཡང་ནས་ཡང་དུ་འདྲི། །གང་གི་དོན་དུ་སྟེན་པ་ཡིས། །དགེ་སློང་དེ་ལ་ཡང་ཡང་འདྲི། །ཁྱིམ་པ་རྣམས་ཀྱི་ཆོས་དེ་དག །དེས་ནི་མྱུར་དུ་དེ་མི་ལྡོག །མཁས་པ་དེ་ནི་དེ་དག་གི །ཐོབ་པའི་གནས་
D45.039.0041a05.01ཀྱི་ཁྱད་པར་ཤེས། །མཁས་པ་རྣམས་ཀྱི་ཁྱད་ཤེས་ནས། །དེ་ལ་བདག་གི་ཤ་ཡང་སྦྱིན། །ང་ཡིས་གང་དག་བརྗོད་བྱས་པ། །དེ་དག་དད་པའི་མཚན་ཉིད་དེ། །མ་དད་པས་ནི་དེ་དག་གིས། །བྱང་ཆུབ་སེམས་འདུད་མི་ནུས་སོ། །ཁྱད་པར་ཤེས་ཤིང་ཡིད་གཞུངས་པ། །ཁྱད་པར་མྱུར་དུ་ཐོབ་པར་
D45.039.0041a06.01འགྱུར། །ཆོས་རྣམས་ཀུན་གྱི་ཁྱད་པར་ནི། །དེ་ལ་དཀོན་པར་མི་འགྱུར་རོ། །བདག་དང་ཕ་རོལ་གཞན་རྣམས་ཀྱི། །ཁྱད་པར་དེ་ལྟར་ཤེས་གྱུར་ནས། །སེམས་དགའ་མངོན་དུ་སྒྲུབ་པར་བྱེད། །དེས་ན་དེ་ཡི་ཤེས་རབ་འཕེལ། །དེ་ཡི་ལོངས་སྤྱོད་གང་ཡིན་པ། །གང་དག་དེས་ནི་ཀུན་བསྒྲུབས་པ།
D45.039.0041a07.01