完整藏文原文 · 德格版页 当前仅加载第 39 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
མདོ། བམ་པོ་གཉིས་པ། འོད་སྲུང་བྱང་ཆུབ་སེམས་དཔས་ཆོས་བཞི་དང་ལྡན་པར་བྱ་སྟེ། བཞི་གང་ཞེ་ན། བྱང་ཆུབ་སེམས་དཔས་བརྩོན་འགྲུས་བརྩམ་པར་བྱའོ། །བརྩོན་འགྲུས་བརྩོན་འགྲུས་ཞེས་བྱ་བ་གང་ཞེ་ན། གང་གཟུགས་མི་ཚོལ། ཚོར་བ་དང་། འདུ་ཤེས་དང་།
D45.039.0016b01.01འདུ་བྱེད་དང་། རྣམ་པར་ཤེས་པ་མི་ཚོལ་གྱི་ཟག་པ་མེད་པའི་ཆོས་རྣམས་ཚོལ་བའོ། །དེ་ལ་ཟག་པ་མེད་པའི་ཆོས་རྣམས་གང་ཞེ་ན། གང་ན་སའི་ཁམས་མེད་པ་དང་། སའི་ཁམས་ཀུན་ཏུ་བརྗོད་པ་མེད་པ་དང་། ཆུའི་ཁམས་མེད་པ་དང་། མེའི་ཁམས་མེད་པ་དང་། རླུང་གི་
D45.039.0016b02.01ཁམས་མེད་པ་དང་། རླུང་གི་ཁམས་ཀུན་ཏུ་བརྗོད་པ་མེད་པ་དང་། གང་ན་གང་བརྗོད་པ་དེ་ཐམས་ཅད་ནི་བཏགས་པ་སྟེ། བཏགས་པའི་ཆོས་དེ་དག་ཐམས་ཅད་ནི་ཡང་དག་པ་མ་ཡིན་པའོ། །དེ་ལ་བྱང་ཆུབ་སེམས་དཔས་བཏགས་པ་མེད་པའི་སྙིང་པོ་བླང་བར་བྱའོ། །གསོལ་
D45.039.0016b03.01པ། བཅོམ་ལྡན་འདས་གལ་ཏེ་བཏགས་པའི་ཆོས་ཡང་དག་པ་མ་ལགས་ན་གང་ལ་ལ་འདི་སྐད་དུ་གལ་ཏེ་བཏགས་པའི་ཆོས་ཡང་དག་པ་མ་ཡིན་ན། གང་སངས་རྒྱས་ཞེས་བྱ་བའི་སྒྲ་བརྗོད་པའི་བཏགས་པ་འདི་ཡང་ཡང་དག་པ་མ་ཡིན་པར་མི་འགྱུར་རམ་ཞེས་མཆི་བར་གྱུར་ན་
D45.039.0016b04.01བཅོམ་ལྡན་འདས་བདག་གིས་དེ་ལ་ཇི་སྐད་བགྱི། བདག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སྐུར་པ་འདེབས་པར་མི་འཚལ་ལོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་
D45.039.0016b05.01བཀའ་སྩལ་ཏོ། །འོད་སྲུང་མ་འོངས་པའི་དུས་ན་དགེ་སློང་ལུས་མ་བསྒོམས་པ། སེམས་མ་བསྒོམས་པ། ཚུལ་ཁྲིམས་མ་བསྒོམས་པ། ཤེས་རབ་མ་བསྒོམས་པ་དག་འབྱུང་སྟེ། དེ་དག་ནི་དོན་མི་ཤེས་པ། ཁྱད་དུ་གསོད་པ། གནོད་སེམས་ལ་དཔའ་བ། སྨྲ་བ་ལ་དཔའ་
D45.039.0016b06.01བ་དག་འབྱུང་སྟེ། དེ་དག་མདོ་སྡེ་འདི་ལྟ་བུ་འདི་དག་ལེན་པར་མི་བྱེད། ཀུན་ཆུབ་པར་མི་བྱེད། འཛིན་པར་མི་བྱེད། ཀློག་པར་མི་བྱེད་དོ། །དེ་ཅིའི་ཕྱིར་ཞེ་ན། དེ་དག་འདི་ལྟར་གཟུགས་སྐྱེ་བ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་སྐྱེ་བར་རྟོག་
D45.039.0016b07.01