完整藏文原文 · 德格版页 当前仅加载第 39 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་བཞིན་ཏེ། ཡིད་ཀྱིས་མཚན་མར་འཛིན་ན་དེ་མཚན་མར་འཛིན་པས་ཡིད་དུ་འོང་བ་དང་། ཡིད་དུ་མི་འོང་བའི་ཆོས་རྣམས་ཀྱིས་ཡིད་ལ་གནོད་པར་འགྱུར་རོ། །གང་ལ་གནོད་པར་འགྱུར་བ་དེ་ནི་སེམས་ཅན་
D45.039.0031a01.01དམྱལ་བ་དང་། དུད་འགྲོའི་སྐྱེ་གནས་དང་། {ཡི་དགས་,ཡི་དྭགས་}ཀྱི་ཡུལ་དང་། ལྷ་དང་མིའི་ནང་དུ་ཕོངས་པར་འགྱུར་རོ། །གང་ཕོངས་པ་དེ་ནི་རློམ་སེམས་ཀྱིས་ཕོངས་པར་འགྱུར་རོ། །དེ་ལ་རློམ་སེམས་གང་ཞེ་ན། ངའོ་སྙམ་པ་ནི་རློམ་སེམས་སོ། །ངའི་འོ་སྙམ་པ་ནི་རློམ་སེམས་སོ། །
D45.039.0031a02.01བུད་མེད་དོ་སྙམ་པ་ནི་རློམ་སེམས་སོ། །སྐྱེས་པའོ་སྙམ་པ་ནི་རློམ་སེམས་སོ། །སའོ་སྙམ་པ་ནི་རློམ་སེམས་སོ། །ཆུའོ་སྙམ་པ་ནི་རློམ་སེམས་སོ། །མེའོ་སྙམ་པ་ནི་རློམ་སེམས་སོ། །རླུང་ངོ་སྙམ་པ་ནི་རློམ་སེམས་སོ། །ཀེང་རུས་སུ་འདུ་ཤེས་པ་ནི་རློམ་སེམས་སོ། །རྣམ་པར་
D45.039.0031a03.01ཟོས་པར་འདུ་ཤེས་པ་ནི་རློམ་སེམས་སོ། །རྣམ་པར་སྔོས་པར་འདུ་ཤེས་པ་ནི་རློམ་སེམས་སོ། །རྣམ་པར་དམར་བར་འདུ་ཤེས་པ་ནི་རློམ་སེམས་སོ། །རྣམ་པར་འབུ་ཞུགས་པར་འདུ་ཤེས་པ་ནི་རློམ་སེམས་སོ། །རྣམ་པར་གྲོལ་བར་འདུ་ཤེས་པ་ནི་རློམ་སེམས་སོ། །རྣམ་
D45.039.0031a04.01པར་གྲོལ་བ་གང་ཅི་ཡང་རུང་བ་ཞིག་ཡོད་དོ་སྙམ་དུ་རློམ་སེམས་སུ་བྱེད་ཅིང་དེས་རྣམ་པར་གྲོལ་བར་འགྱུར་རོ་སྙམ་པ་ནི་རློམ་སེམས་སོ། །སྔོན་གྱི་གནས་རྗེས་སུ་དྲན་པ་རྣམ་པ་དུ་མ་སྔོན་དུ་བྱའོ་སྙམ་པ་ནི་རློམ་སེམས་སོ། །བདག་རྗེས་སུ་དྲན་པར་བྱའོ་སྙམ་པ་ནི་རློམ་སེམས་སོ། །
D45.039.0031a05.01ཤིན་ཏུ་འདས་སོ། །ཤིན་ཏུ་ད་ལྟར་བྱུང་ངོ་། །ང་བདག་གང་ཡིན་པ་དེ་འདས་པའོ། །ང་བདག་གང་ཡིན་པ་དེ་ད་ལྟར་བྱུང་བའོ་སྙམ་པ་ནི་རློམ་སེམས་སོ། །གང་དང་གང་དུ་འདུ་ཤེས་པ་ནི་རློམ་སེམས་ཏེ། མྱ་ངན་ལས་འདས་པའི་བར་དུ་འདུ་ཤེས་པ་ནི་རློམ་སེམས་སོ། །མྱ་ངན་ལས་
D45.039.0031a06.01འདས་པ་ཐོབ་པར་བྱའོ་སྙམ་པ་ནི་རློམ་སེམས་སོ། །འོད་སྲུང་མདོར་ན་དམིགས་པ་ནི་རློམ་སེམས་སོ། །གང་དང་གང་དུ་འདུ་ཤེས་འཇུག་ན་ཐ་ན་སྟོང་པ་ཉིད་དོ་སྙམ་པ་དེ་ཐམས་ཅད་ཀྱང་རློམ་སེམས་ཏེ། དགེ་སྦྱོང་དུ་བྱེད་པའི་ཆོས་མ་ཡིན་པ་དང་། བྲམ་ཟེར་བྱེད་པའི་ཆོས་མ་ཡིན་པ་
D45.039.0031a07.01