完整藏文原文 · 德格版页 当前仅加载第 39 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་ལ་འཁྲུལ་བའི་སེམས་བསྐྱེད་པ་གཅིག་ཙམ་གྱི་སེམས་ཀྱང་མི་སྐྱེད་དོ། །དེ་ལྟར་ན་བྱམས་པའི་རྣམ་པ་ལ་ཞུགས་པའི་སེམས་ཀྱིས་གནས་ཉི་ཤུ་ཡོངས་སུ་སྤོང་ངོ་། །ཉི་ཤུ་གང་ཞེ་ན། བུད་མེད་ཡོངས་སུ་སྤོང་ཞིང་། སུ་དང་ཡང་སྤྲོས་པར་མི་བྱེད་ལ་སུ་དང་ཡང་འཐམ་པར་མི་བྱེད་
D45.039.0011b01.01ཤིང་སྨྲ་བ་ལ་ཕྱིར་སྨྲ་བར་མི་བྱེད་པ་དང་། ཕ་མ་ལ་མི་གུས་པར་མི་འགྱུར་བ་དང་། སངས་རྒྱས་དང་། ཆོས་དང་། དགེ་འདུན་ལ་མི་གུས་པར་མི་འགྱུར་བ་དང་། ཉི་ཤུར་མ་ཚང་བར་བུད་མེད་ཀྱི་འཁོར་ལ་ཆོས་མི་འཆད་ཅིང་གལ་ཏེ་སྐྱེས་པའི་གནས་ན་གནས་པར་གྱུར་ན་དེའི་ཚེ་ཆོས་སྟོན་པ་
D45.039.0011b02.01དང་། དགེ་སློང་མའི་ཕུན་སུམ་ཚོགས་པར་ཐམས་ཅད་ཀྱི་ཐམས་ཅད་དུ་འགྲོ་བར་མི་བྱ་བ་དང་། དགེ་སློང་མས་དྲིས་པའི་ལན་གདབ་པར་མི་བྱ་བ་དང་། བུད་མེད་ཀྱི་ཡི་གེ་བྲི་བར་མི་བྱ་བ་དང་། གསོལ་བ་མ་བཏབ་པར་སྦྱིན་པར་མི་བྱ་བ་དང་། གཉེན་འདབ་ཀྱིས་འགྲོན་དུ་བོས་པ་རྣམ་
D45.039.0011b03.01པ་ཐམས་ཅད་དུ་བདག་གིར་མི་བྱ་བ་དང་། རྣམ་པ་ཐམས་ཅད་དུ་འདོད་ཆགས་དང་བཅས་པས་རྗེས་སུ་ཆགས་པའི་སེམས་ཀྱིས་བུད་མེད་ཀྱི་མདུན་དུ་ཡུད་ཙམ་ཡང་གནས་པར་མི་བྱ་བ་དང་། དེ་གཅིག་པུ་དབེན་པར་སོང་སྟེ། རང་གི་ཡུལ་བསྟེན་པ་རྣམ་པ་ཐམས་ཅད་དུ་བརྗོད་པར་མི་བྱ་
D45.039.0011b04.01བ་དང་། དགེ་སློང་མས་བསྐུགས་པ་ལ་རྣམ་པ་ཐམས་ཅད་དུ་སླར་བསྐུགས་པར་མི་བྱ། དགེ་སློང་མས་བྱིན་པའི་ཆོས་གོས་རྣམ་པ་ཐམས་ཅད་དུ་བགོ་བར་མི་བྱ་སྟེ། གཞན་དུ་ན་འཁོར་བཞི་པོ་རྣམས་ཀྱི་ནང་ན་འདུག་ཅིང་ཆོས་འཆད་པའི་ཚེ་ཆོས་ལ་དགབ་པར་བྱ་བ་ནི་མ་
D45.039.0011b05.01གཏོགས་ཏེ། དེ་ལ་ཡང་དེས་ས་དང་མཚུངས་པའི་སེམས་ཀྱིས་ཡིད་ལ་བྱེད་པར་བསྒྱུར་ནས་སྤྱད་པར་བྱ་བ་དང་། ཡང་དེའི་ངོར་བལྟ་བར་མི་བྱ་བ་དང་། རྣམ་པ་ཐམས་ཅད་དུ་དགེ་སློང་མས་བྱས་པའི་ཆོས་གོས་ཉེན་པའི་གནས་སུ་ཡང་བགོ་བར་མི་བྱ་བ་དང་། ནམ་ཡང་དགེ་སློང་
D45.039.0011b06.01མས་འགྲོན་དུ་བོས་པ་ལ་རྣམ་པ་ཐམས་ཅད་དུ་ཁས་བླང་བར་མི་བྱ་ན། བདེ་བའམ་ནད་མེད་པའི་རང་བཞིན་ཅན་ལྟ་ཅི་སྨོས་པ་དང་། ཡུག་ས་མོས་འགྲོན་དུ་བོས་ན་དགེ་འདུན་མེད་པར་རྣམ་པ་ཐམས་ཅད་དུ་ཁས་བླང་བར་མི་བྱ་བ་དང་། དགེ་སློང་མའི་དབྱར་ཁང་དུ་རྣམ་པ་ཐམས་ཅད་དུ་
D45.039.0011b07.01