完整藏文原文 · 德格版页 当前仅加载第 39 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གཞོལ་བ་འདི་ལྟ་བུ་འདི་དག་གི་ཚུལ་གྱིས་གནས་ལེན་ཅིང་ནན་ཏན་གྱིས་སྒྲུབ་ན། དེ་ནི་དེ་བས་ཆེས་བསོད་ནམས་ཀྱི་ཕུང་པོ་མང་དུ་སྐྱེད་པར་འགྱུར་རོ། །འོད་སྲུང་བྱང་ཆུབ་སེམས་དཔའ་ནི་སེམས་བརྟན་པ་ཡིན་ཏེ། སེམས་བརྟན་པ་ནི་སེམས་ཀྱང་མི་དམིགས་ཏེ། དེས་ན་དེ་ཞུམ་པར་མི་
D45.039.0036b01.01འགྱུར་རོ། །དེ་ལ་ཡོངས་སུ་སྦྱང་བར་བྱ་བ་གང་ཞེ་ན། ཡོངས་སུ་སྦྱང་བར་བྱ་བ་ནི་མང་སྟེ། ཡོངས་སུ་སྦྱང་བར་བྱ་བ་མང་བ་གང་ཞེ་ན། ཡོངས་སུ་སྦྱང་བར་བྱ་བ་མང་བ་ནི་གང་སེམས་བསྐྱེད་པ་གཅིག་ཀྱང་རྟོགས་པར་མི་ནུས་པའོ། །དེ་ཅིའི་ཕྱིར་ཞེ་ན། ཆོས་དེ་དག་ནི་གདགས་
D45.039.0036b02.01པར་བྱ་བ་མ་ཡིན་པའི་ཕྱིར་རོ། །དེ་ལ་འདི་ནི་ཡོངས་སུ་སྦྱང་བར་བྱ་བའི་དམ་པ་ཡིན་ཏེ། འདི་ལྟ་སྟེ་སེམས་བརྟན་པ་ཉིད་དོ། །དེ་ལ་འདི་སྐད་ཅེས་བྱ་སྟེ། འབྱུང་ངམ་མི་འབྱུང་འགྱུར་ཞིག་གུ། །བདག་ནི་ཅི་འདྲར་འགྱུར་ཞིག་ཅེས། །སེམས་མེད་སེམས་ཀྱི་འདུ་ཤེས་པ། །
D45.039.0036b03.01སྐྲག་པ་ཆེན་པོ་འབྱུང་བར་འགྱུར། །དེ་དག་རྟག་ཏུ་རྣམ་པར་རྟོག །ཇི་ལྟར་བྱང་ཆུབ་འཐོབ་སྙམ་ཞིང་། །ལས་མཐའ་མིན་ལ་གནས་གྱུར་ནས། །རྣལ་འབྱོར་གདམས་ངག་བྱེད་པར་འགྱུར། །འདི་དག་ལེ་ལོའི་མཚན་ཉིད་དེ། །འདི་དག་བྱང་ཆུབ་མཚན་ཉིད་མིན། འདིར་
D45.039.0036b04.01ནི་ཐེ་ཚོམ་ཐམས་ཅད་འབྱུང་། །སངས་རྒྱས་སམ་ནི་ཉན་ཐོས་ཀྱང་། །སངས་རྒྱས་ཆོས་རྣམས་རབ་བཟང་བ། །སྤྱོད་པར་མི་བྱེད་མི་ཚོལ་ན། །སྒྲ་ཙམ་གྱིས་ནི་བདེ་བ་འདི། །ཐོབ་པར་ནུས་པ་མ་ཡིན་ནོ། །རྒྱལ་ཆེན་སྒྲུབ་པར་བྱེད་པ་ཡི། །འདུན་དང་དད་པ་འདིར་ཡོད་
D45.039.0036b05.01ཀྱང་། །སེམས་ཙམ་གྱིས་ནི་ངལ་བ་འདི། །ཐོབ་པར་ནུས་པ་མ་ཡིན་ནོ། །འདིར་ནི་བྱ་བ་ཐམས་ཅད་ཀྱང་། །ཆོས་གཅིག་གིས་ནི་བྱེད་དོ་ཞེས། །བྱེ་བྲག་འདི་ནི་རྟོགས་གྱུར་ནས། །བྱང་ཆུབ་བྱེད་རྒྱུ་སྤྱད་པར་བྱ། །འོད་སྲུང་དེ་ལ་ཆོས་ཀྱི་རྣམ་གྲངས་འདི་བཤད་པ་ན་
D45.039.0036b06.01རྣམ་གྲངས་དེ་དང་ལྡན་ན་བྱང་ཆུབ་སེམས་དཔའ་སངས་རྒྱས་རྣམས་མཉེས་པར་ཡང་མི་བྱེད་ལ་བདག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་བདག་ཉིད་ཀྱིས་བདག་ལ་ལུང་སྟོན་པར་བྱེད་དོ། །འོད་སྲུང་འདི་ལ་བྱང་ཆུབ་སེམས་དཔའ་
D45.039.0036b07.01