完整藏文原文 · 德格版页 当前仅加载第 39 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
ས་བླའི་ལྷ་རྣམས་དེ་མ་ཐག །སྒྲ་ཆེན་འདི་སྐད་སྒྲོགས་པར་འགྱུར། །སྒྲོན་མ་འདི་ནི་མེད་འགྱུར་ཞེས། །ལྷ་རྣམས་གོ་བར་བྱེད་པར་འགྱུར། །དེ་ལས་འཇིག་རྟེན་ལྷག་མེད་པའི། །སངས་རྒྱས་ཁྱེད་ཀྱིས་ཐོས་ཟིན་གྱིས། །ཕྱིན་ཅད་ལྷ་དང་ཀླུ་རྣམས་ཀྱང་། །
D45.039.0034a01.01ཡིད་ལ་གཅགས་པར་གྱུར་ཏ་རེ། །སངས་རྒྱས་ཇི་ལྟར་ང་འགྱུར་ཞེས། །བསྐལ་པ་གྲངས་མེད་གསུམ་དུ་དེས། །བདག་གི་དང་ནི་གཞན་དག་གི །སྡུག་བསྔལ་ཐམས་ཅད་བཟོད་པར་བྱས། །གང་གིས་སྲོག་ཆགས་ཐམས་ཅད་ལ། །ཤིན་ཏུ་ལེགས་པར་ཆོས་བསྟན་པ། །
D45.039.0034a02.01འཇིག་རྟེན་མགོན་པོ་དེ་ཡི་ཆོས། །འདི་ནི་ཤིན་ཏུ་ནུབ་པར་འགྱུར། །འཁྲུག་པ་བྱེད་པ་བྱུང་གྱུར་ཏེ། །ཤིན་ཏུ་མི་བཟད་སྡིག་བྱེད་པ། །བདུད་ཀྱི་ཕོ་ཉ་དྲག་པོའི་བདུད། །འཇིག་འདོད་བཀའ་བློ་རབ་མི་བདེ། །གཡོ་བྱེད་གཡོན་ཅན་བློ་གྲོས་ངན། །སྒྱུ་དང་ལྡན་ཞིང་
D45.039.0034a03.01བྱིས་པ་དམན། །ཁྲོས་ཤིང་ཁྲོས་ནས་བླ་མ་དང་། །རྒྱལ་བའི་བསྟན་པ་འཇིག་པར་བྱེད། །ས་བླ་པ་ལས་སྒྲ་ཐོས་ནས། །བླ་མའི་ལྷ་རྣམས་མི་དགར་འགྱུར། །རྒྱལ་པོ་ཆེན་པོ་བཞི་པོ་ཡང་། །དེ་ཚེ་ཡིད་མི་བདེ་བར་འགྱུར། །ལྕང་ལོ་ཅན་གྱི་ཕོ་བྲང་དུ། །གནོད་སྦྱིན་
D45.039.0034a04.01ཚོགས་རྣམས་འདུས་གྱུར་ནས། །ཐམས་ཅད་གདོང་ལ་མཆི་འཛག་ཅིང་། །འཇིགས་སུ་རུང་བའི་སྒྲ་ཡང་འབྱིན། །ལྷ་རྣམས་ཐམས་ཅད་འདུས་གྱུར་ནས། །ཉམ་ཐག་པར་ནི་ཆོ་དེ་འདོན། །ཕན་ཚུན་སློབ་པར་མི་བྱེད་ཅིང་། །ཡིད་ནི་ཤིན་ཏུ་དམན་པར་འགྱུར། །གྲོང་ཁྱེར་གང་
D45.039.0034a05.01དག་རབ་བརྒྱན་ཅིང་། །རིན་ཆེན་རང་བཞིན་གནས་པ་རྣམས། །ཐམས་ཅད་མི་སྡུག་མདོག་གྱུར་ཅིང་། །ཕྱག་དར་ཕུང་པོ་འདྲ་བར་འགྱུར། །གྲོང་ཁྱེར་དམ་པ་དེ་དག་ཏུ། །སྐད་ཅིག་དེ་ལ་དགའ་མི་འགྱུར། །གྲོང་ཁྱེར་དམ་པ་དེ་དག་ཏུ། །སྔོན་ཆད་བཞིན་དུ་དགའ་མི་འགྱུར། །
D45.039.0034a06.01གང་དུ་ང་ནི་བཙས་གྱུར་པ། །དེར་ནི་ལྷ་རྣམས་འདང་བྱེད་ཅིང་། །མཐོང་ནས་རབ་ཏུ་འགྱེལ་འགྱུར་ཏེ། །དེ་ལྟར་ཤིན་ཏུ་མི་བཟད་འགྱུར། །ས་ལ་འབབ་པར་བྱེད་འགྱུར་ཞིང་། །དེར་འདོང་དེར་ནི་འདུག་པར་བྱ། །ཡང་དག་ཉིད་ཀྱི་ཆོས་རྣམས་ནི། །མྱུར་དུ་འཇིག་འགྱུར་ཡོད་
D45.039.0034a07.01