完整藏文原文 · 德格版页 当前仅加载第 98 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོངས་པའོ། །ཕྱེ་མའི་མཆོག་ཏུ་སྦྱར་བ་ནི། །སྣོད་ཀྱི་སྨན་རྣམས་ཤེས་རབ་མས། །བསྡུས་ཏེ་བཏགས་པའི་ཆོ་ག་ཡང་། །ཡུམ་གྱིས་བཟུང་ཞིང་ཡབ་ཀྱིས་བཏགས། །རིག་འཛིན་རྩལ་ཅན་དབབ་ཅིང་དྲང་། །སོ་སོ་ལས་ཀྱི་སྔགས་བརྗོད་ཅིང་། །གཏན་གཏུན་ཐབས་
D831.098.0097b01.01དང་ཤེས་རབ་སྟེ། །སྨན་ཉིད་བྱང་ཆུབ་སེམས་སུ་སྦྱར། །རྡོ་རྗེ་གླུ་འདི་ལྷ་མོས་བླང་། །ཀུན་དུ་བཟང་མོའི་གཞལ་ཡས་སུ། །ཐབས་དང་ཤེས་རབ་ལྡན་པ་ལས། །འཁོར་བ་བདུད་རྩི་སྨན་དུ་སྦྱར། །ཡེ་ཤེས་ལྔ་རུ་གསལ་བ་ལས། །འབྲས་བུ་སྐུ་གསུམ་ཐུགས་སུ་
D831.098.0097b02.01རྫོགས། །འཆི་མེད་བདུད་རྩིས་གཅོང་རྙིང་སྦྱང་། །མཚན་མ་བརྟག་ཕྱིར་བཅལ་ནས་ནི། །རྡོ་རྗེ་དཔལ་ལྡན་ཁ་སྦྱོར་བླུགས། །ཁ་དོག་རིགས་ལྔའི་རས་ཀྱིས་དཀྲི། །རྡོ་རྗེ་དབང་གི་རྒྱ་ཡིས་གདབ། །རྡོ་རྗེ་སྔགས་ཀྱི་གཟུངས་ཀྱིས་གདགས། །དཔལ་ཆེན་སྐུ་ལྔར་
D831.098.0097b03.01མངའ་གསོལ་ཏེ། །ཡེ་ཤེས་ལྔ་ཡི་དབང་བསྐུར་བྱ། །མཎྜལ་དག་ཏུ་དགོད་པར་བྱ། །ཀུན་གྱིས་བསྐོར་ཞིང་དངོས་གྲུབ་དབབ། །རྩི་དང་སྨན་གྱི་བདག་པོ་དང་། །རྟགས་ལྡན་རིག་འཛིན་ཕྲ་མོ་དག །རོལ་མོ་ཆ་བྱད་མང་པོས་བསྟེན། །བསྒྲུབ་པ་འབྲུ་མཆོག་གཏམས་
D831.098.0097b04.01པས་དགང་། །བཀྲ་ཤིས་གོས་ཀྱིས་རྒྱས་པར་བཀླུབས། །གཟུངས་ཐག་གཉེར་ཅན་རིགས་སུ་དབུལ། །ཏིང་འཛིན་མེ་ཡིས་རྣམ་པར་སྦྱང་། །རྟགས་ཆེན་ལྔ་ནི་གང་བྱུང་ཡང་། །སྨྱུར་ཏེ་དངོས་གྲུབ་བླང་བར་བྱའོ། །བདུད་རྩི་སྒྲ་ལས་དྲངས་ནས་ནི། །དཔལ་ལྡན་པདྨ་ལྡན་
D831.098.0097b05.01པ་རུ། །ཐམས་ཅད་བདུད་རྩིར་ས་མ་ཡ། །མཁའ་ཀློང་ཡངས་པར་བདེ་ཆེན་རྫོགས། །རང་ཉིད་བདུད་རྩིའི་དཀྱིལ་འཁོར་རྫོགས། །གཞན་ནས་བསྒྲུབ་བ་ཅི་ཡང་མེད། །འཇུག་པ་ལ་སོགས་ཐམས་ཅད་ཀྱང་། །ཚུལ་བཞིན་དུ་ནི་རྒྱས་པར་བྱ། །ཞེས་གསུངས་སོ། །
D831.098.0097b06.01བདུད་རྩི་ཕྱེ་མའི་བསྒྲུབ་པ་རྣམ་པར་བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་རྣལ་འབྱོར་པ། །ཐམས་ཅད་དེ་འདྲར་སྦྱར་ནས་ཀྱང་། །མཎྜལ་འཁོར་ལོ་རྩིབས་བརྒྱད་པ། །ཕྱག་རྒྱའི་ལྷ་རྣམས་རྫོགས་བྱས་ནས། །
D831.098.0097b07.01