完整藏文原文 · 德格版页 当前仅加载第 98 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
སྔོན་འདས་དུས་ན་བྱུང་བ་ཡི། །རྩལ་ཅན་རྣམས་ཀྱི་དོན་བཤད་པ། །སྐྱེས་བུ་མཆོག་གི་སྤྱོད་པ་འདི། །ཡོན་ཏན་སྒྲ་བསྒྲགས་སུས་ཐོས་པ། །མིང་ཙམ་གྱིས་ཀྱང་དེ་ཐོབ་ཅིང་། །དྲན་པས་ངན་འགྲོ་ལས་སྐྱོབ་ཡིན། །དེ་ཡང་ཇི་ལྟ་བུ་ཞེ་ན། །
D831.098.0053a01.01ཤིན་ཏུ་གསང་བའི་སྤྱོད་པ་འདི། །ལྷ་གནས་གསུམ་དུ་གྲགས་པ་ལས། །ལྷ་ཡི་བུ་ནི་འོད་ལྡན་དེ། །མི་རྟག་འཆི་བའི་དུས་བབ་ནས། །འཆི་ཀའི་སྔ་ལྟས་བྱུང་བའི་ཚེ། །མི་དགའ་བར་ནི་འདུ་ཤེས་གྱུར། །ཕྱི་མའི་འདུ་ཤེས་བསྐྱེད་པ་ལས། །མི་གཙང་ཟས་སུ་ཟ་བ་
D831.098.0053a02.01ཡི། །བླུན་པའི་སྲོག་ཆགས་ལུས་ལེན་པར། །རང་གི་མངོན་པར་ཤེས་པས་མཐོང་། །ཤིན་ཏུ་འཇིགས་པའི་འདུ་ཤེས་ཀྱིས། །སྐྱབས་ཀྱི་ཡུལ་རྣམས་ཡིད་ལ་བྱས། །གཞན་གྱི་དྲན་པ་མི་གསལ་བར། །གསང་བ་ཆེན་པོའི་ཚོགས་ཆེན་གྱིས། །མཚན་ནི་རྣ་བའི་
D831.098.0053a03.01དབང་པོས་ཐོས། །ཐོས་པ་ཡིད་ལ་དྲན་བྱས་པས། །ངན་འགྲོའི་ལམ་ལས་སླར་ལོག་སྟེ། །ཚོགས་ཆེན་སྤྱོད་པའི་སྐལ་ལྡན་པས། །གསང་བ་འཛིན་པའི་གནས་སུ་སྐྱེས། །དེ་བཞིན་ཐོས་པ་དག་པར་སྤྱོད། །རྒྱལ་བ་མཉེས་པའི་ཚོགས་འདི་ལ། །གང་ཞིག་
D831.098.0053a04.01དགའ་ཞིང་འདུན་སྐྱེད་པ། །གཞན་གྱི་བར་ཆད་མི་འབྱུང་བར། །ཇི་ལྟར་མོས་པ་དེ་མྱུར་འཐོབ། །དེ་ཡང་ཇི་ལྟ་བུ་ཞེ་ན། །བྲམ་ཟེའི་བུ་ནི་བྱམས་ལྡན་ཏེ། །གསང་བ་ཆེན་པོའི་ཚོགས་འདི་དག །སྤྱོད་པར་མོས་ནས་ཀུན་དུ་བཙལ། །བཙལ་བས་རྙེད་པར་མ་གྱུར་ཏེ། །
D831.098.0053a05.01ས་ཕྱོགས་ཞིག་ཏུ་འདུག་ནས་ནི། །ཤིན་ཏུ་ངུས་ནས་སྨྲས་པ་ནི། །ཨེ་མའོ་བདག་གི་ལས་རེ་ཕམ། །སྐྱེས་ནས་རྒས་པར་གྱུར་པར་དུ། །ཚོགས་ཆེན་ཟབ་མོའི་དོན་བཙལ་ན། །དོན་དང་མ་ཕྲད་ལས་རེ་ངན། །ད་འོང་ཇི་ལྟར་བཙལ་ན་རྙེད། །བཙལ་བྱས་རྙེད་པར་
D831.098.0053a06.01ཡོང་མི་འགྱུར། །ཐུགས་རྗེས་བདག་ལ་སྐྱབས་སུ་མཆི། །གདུང་བ་སྒྲ་ཆེར་ཕྱུང་བ་ལས། །ནམ་མཁའི་ཁམས་ནས་སྒྲ་ཕྱུང་སྟེ། །སྐལ་དང་ལྡན་པའི་བྲམ་ཟེ་ཁྱོད། །དེ་ལྟར་ཡི་དམ་ལ་བརྟེན་པ། །ཁྱོད་ནི་དོན་གྱི་སྐལ་བ་ཅན། །དུས་གསུམ་རྒྱལ་བ་
D831.098.0053a07.01