完整藏文原文 · 德格版页 当前仅加载第 98 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
དྲང་སྲོང་རྣམ་པ་མང་པོ་ལ། །ཚོགས་འདི་ཡོན་ཏན་རྒྱ་ཆེར་བསྒྲགས། །དོན་རྣམས་ངེས་པར་བཤད་པ་ལས། །དྲང་སྲོང་མང་པོས་རིག་འཛིན་ཐོབ། །སྟོན་པར་བྱེད་པའི་ཀལ་ཡ་ན། །གསང་བདག་ཆོས་ཀྱི་རྒྱལ་པོར་གྱུར། །འོན་ཏང་གསང་བའི་དོན་འདི་དག །
D831.098.0055a01.01སྣོད་དང་ལྡན་པའི་འགྲོ་བ་ལ། །བསྟན་ཏམ་བཤད་དམ་བརྗོད་པར་གྱིས། །དེས་ནི་ཡོན་ཏན་ཆེན་པོ་དང་། །ང་ཡི་སྤོབས་པ་འཐོབ་པར་འགྱུར། །དེས་ན་འདུས་པ་ཆེན་པོའི་ཚོགས། །རྒྱལ་བ་ཀུན་གྱི་ཐུགས་དམ་ནི། །རྣལ་འབྱོར་གསང་བའི་ཚོགས་འདི་ཡིན། །རྣལ་འབྱོར་
D831.098.0055a02.01གང་ཞིག་བློ་ལྡན་པས། །སྐད་ཅིག་ཙམ་མམ་ཐང་ཅིག་ལ། །རྒྱལ་བའི་ཚོགས་འདི་རབ་བསྐྲུན་ན། །རྒྱལ་བ་སངས་རྒྱས་ཐམས་ཅད་དང་། །རིག་འཛིན་རྣལ་འབྱོར་མཐའ་དག་དང་། །ཐ་ཚིག་ཟབ་མོ་སྐོངས་ནས་ཀྱང་། །ཆོས་ཀྱི་མིག་ནི་ཐོབ་པར་འགྱུར། །དེས་ནི་ཚོགས་
D831.098.0055a03.01སྤྱད་ཡོན་ཏན་དང་། །ལོག་པར་སྤྱད་པའི་སྐྱོན་རྣམས་ནི། །སྔོན་བྱུང་གླེང་གཞི་བཤད་པ་ཡིན། །ཞེས་སེམས་དཔའི་རྡོ་རྗེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་འདས་པ་སྔོན་བྱུང་གི་ལེའུ་ཞེས་བྱ་སྟེ་བདུན་པའོ།། །།དེ་ནས་
D831.098.0055a04.01བཅོམ་ལྡན་འདས་སེམས་དཔའི་རྡོ་རྗེ་དེ་བཅོམ་ལྡན་འདས་གསང་བ་མཆོག་གི་བདག་པོ་དེའི་ཞལ་དུ་ཤིན་ཏུ་རེ་ཞིང་བཀའ་སྡོད་པའི་ཚུལ་གྱིས་ལྟ་ཞིང་ཀུན་དུ་བརྗིད་པར་འཁོར་གྱིས་བསྐུལ་པའི་ས་ལ་སྟ་གོན་དུ་གནས་ཤིང་ཅང་མི་སྨྲ་བར་གྱུར་ཏོ། །དེ་ནས་འཁོར་ཕལ་མོ་
D831.098.0055a05.01ཆེས་རྣམ་པར་བསྐུལ་བར་རིག་ནས་རྣལ་འབྱོར་གྱི་ཕྱག་ལུས་ཀུན་ས་ལ་བརྡབས་ནས་ཨ་ལ་ལ་ཧོ་ཞེས་བྱ་བའི་སྒྲ་ཕྱུང་ནས་མགྲིན་གཅིག་ཏུ་གསོལ་བ་བཏབ་པ། ཨེ་མ་རྡོ་རྗེ་སེམས་ཆེན་པོ། །རང་རིག་མཁྱེན་པའི་ཡེ་ཤེས་འབར། །མགོན་པོ་ཡོན་ཏན་བསམ་
D831.098.0055a06.01ལས་འདས། །རྒྱལ་ཐོབ་ཁྱོད་ལ་ཕྱག་འཚལ་ལོ། །ཨེ་མ་རང་སྣང་དབྱེར་མེད་སྐུ། །རྣམ་དག་བསོད་ནམས་མཚན་གྱིས་བརྒྱན། །དཔེ་བྱད་འབྲུ་བཀོད་བལྟ་མི་ངོམས། །སྐུ་ལྔའི་མཆོག་ལ་ཕྱག་འཚལ་ལོ། །ཨེ་མ་རྣམ་དག་ནམ་མཁའི་དབྱིངས། །གཅིག་གསུང་
D831.098.0055a07.01